ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ທົບທວນຄືນການປະຕິບັດກົດໝາຍໃນຂົງເຂດເສດຖະກິດ

ອີເມລ ພິມ PDF

ສະພາແຫ່ງຊາດ ແລະ ຂະແໜງການຕ່າງໆ ໃນຂົງເຂດເສດຖະກິດ ໄດ້່ຮ່ວມກັນຄົ້ນຄວ້າ, ຕີລາຄາຄືນ ການຈັດ ຕັ້ງປະຕິບັດກົດໝາຍ ສະບັບຕ່າງທີ່ປະກາດໃຊ້ແລ້ວໃນຂົງເຂດເສດຖະກິດໃນໄລຍະ 5 ປີຜ່ານມາເພື່ອກະກຽມ ໃຫ້ແກ່ການສ້າງ ແລະ ປັບປຸງກົດໝາຍໃໝ່ໃນຕໍ່ໜ້າ ເພື່ອໃຫ້ ສອດຄ່ອງກັບສະພາບຄວາມເປັນຈິງໃນການພັດ ທະນາເສດຖະກິດ-ສັງຄົມ, ກົນໄກຕະຫລາດ

ແລະ ການເຊື່ອມໂຍງເຂົ້າກັບສາກົນ ຊຶ່ງກອງປະຊຸມດັ່ງກ່າວ ໄດ້ດຳເນີນໄປ 2 ວັນ (29-30/3/2011). ໂອກາດກ່າວໄຂກອງປະຊຸມດັ່ງກ່າວ ໃນວັນທີ 29 ມີນາ 2011 ທີ່ໂຮງແຮມລາວພລາຊາ ນະຄອນ ຫລວງວຽງຈັນ, ທ່ານ ດຣ. ໄຊສົມພອນ ພົມວິຫານ, ຮອງປະທານສະພາແຫ່ງຊາດ ໄດ້ຍົກໃຫ້ ເຫັນຄວາມສຳ ຄັນຈຳເປັນ ຂອງການທົບທວນຄືນ ການຈັດຕັ້ງປະຕິບັດກົດໝາຍໃນຂົງເຂດເສດຖະກິດ ໃນ ໄລຍະ 5 ປີ ຜ່ານມາ ແມ່ນເພື່ອເປັນ ທິດທາງໃນການຈັດຕັ້ງປະຕິບັດແຜນພັດທະນາ ເສດ ຖະກິດ-ສັງຄົມ 5 ປີ ຄັ້ງ VII ໃຫ້ໄດ້ຮັບຜົນສຳເລັດຕາມເປົ້າ ໝາຍບຸກທະລຸ ທີ່ໄດ້ກຳນົດໄວ້. ໃນກອງປະຊຸມຜູ້ເຂ້ົາຮ່ວມໄດ້ພ້ອມກັນປຶກສາຫາລື ແລະ ກວດກາຄືນຂ້ັນຕອນກ່ຽວກັບວິທີການສ້າງ ແລະ ປັບປຸງກົດ ໝາຍ ໃຫ້ແທດເໝາະ ແລະ ສອດຄ່ອງກັບສະພາບຄວາມເປັນຈິງ; ຄົ້ນຄວ້າ ແລະ ກຳນົດ ລະອຽດ ກ່ຽວກັບກົນໄກປະສານງານໃນການສ້າງ ແລະ ປັບ ປຸງກົດໝາຍ ລະຫວ່າງ ສະພາແຫ່ງຊາດ ແລະ ລັດຖະບານ ກໍຄື ຂະແໜງການກ່ຽວຂ້ອງ ໃຫ້ແທດເໝາະ ແລະ ບັນ ຫາອື່ນໆ ຊຶ່ງໃນນີ້ຕົ້ນຕໍຈະໄດ້ສຸມ ໃສ່ສົນທະນາ ແລກປ່ຽນຄວາມເຫັນ ຕໍ່ບັນຫາສຳຄັນຕ່າງໆໃນກົດໝາຍ ວ່າດ້ວຍສ່ວຍ ສາອາກອນ, ກົດໝາຍງົບປະມານແຫ່ງລັດ, ກົດໝາຍການຄຸ້ມ ຄອງຊັບ ສິນຂອງລັດ, ກົດໝາຍວິສາຫະກິດ, ການກະກຽມສ້າງຮ່າງກົດໝາຍ ວ່າດ້ວຍຕະຫລາດຫລັກຊັບ, ກົດໝາຍວ່າດ້ວຍອຸດສາຫະກຳປຸງແຕ່ງ, ກົດ ໝາຍສົ່ງເສີມການລົງທຶນ, ກົດໝາຍການລົງທຶນ ຂອງລັດ, ກົດໝາຍທີ່ດິນ, ກົດໝາຍປ່າໄມ້, ກົດໝາຍກະສິ ກຳ, ກົດໝາຍແຮ່ທາດ, ກົດໝາຍໄຟຟ້າ, ກົດໝາຍນ້ຳ ແລະ ຊັບພະຍາກອນແຫລ່ງນ້ຳ, ກົດໝາຍສິ່ງແວດລ້ອມ ແລະ ບັນຫາອື່ນໆ ຊຶ່ງທັງໝົດລ້ວນແຕ່ມີຄວາມສຳຄັນ ຕໍ່ການພັດທະນາເສດ ຖະກິດ-ສັງຄົມ ຕາມກົນໄກຕະ ຫລາດ ແລະ ເຊື່ອມໂຍງກັບສາກົນ./.

 


ການເລືອກຕັ້ງ ສສຊ ຊຸດທີVII

ບົດຄວາມ ກ່ຽວກັບ ຢາເສບຕິດ
You are here: