ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຫົວໜ້າຫ້ອງວ່າການສະພາແຫ່ງຊາດ ພົບປະໂອ້ລົມພະນັກງານ ເມືອງເມິງ

*(ຂປລ): ​ໃນ​ໂອກາດ​ທີ່​ລົງ​ເຄື່ອນ​ໄຫວ ​ແລະ​ເຮັດວຽກຢູ່​ແຂວງ ບໍ່ແກ້ວ ​ໃນ​ວັນ​ທີ 16 ພະຈິກ 2011 ນີ້ ທ່ານ ດຣ. ອຸ່ນ​ແກ້ວ ວຸທິລາດ ຄະນະ​ປະຈຳ​ສະພາ​ແຫ່ງ​ຊາດ, ຫົວໜ້າຫ້ອງ​ວ່າ​ການ​ສະພາ​ແຫ່ງ​ຊາດ ທັງ​ເປັນ​ສະມາ​ຊິກ​ສະພາ​ແຫ່ງ​ຊາດ ຊຸດ​ທີ VII ປະຈຳ​ເຂດ​ເລືອກ​ຕັ້ງ​ທີ 5 ​ແຂວງ ບໍ່​ແກ້ວ ​ໄດ້​ພົບ​ປະ​ໂອ້​ລົມ​ຕໍ່ພະນັກງານ​ເມືອງ​ເມິ​ງ.

ໂອກາດ​ນີ້​ເພີ່ນ​ໄດ້​ຟັງ​ສະພາບ​ການ ພັດທະນາ​ເສ​ດຖະກິດ-​ສັງຄົມ ຢູ່​ເມືອງ​ເມິງ ຈາກ​ທ່ານ ​ແສງ​ເພັດ ​ແກ້ວ​ສິງ​ທອງ ກຳມະການ​ພັກ​ແຂວງ, ​ເລຂາ​ພັກ​ເມືອງ, ​ເຈົ້າ​ເມືອງໆ​ເມິງ. ຈາກ​ນັ້ນທ່ານ ຫົວໜ້າຫ້ອງ​ວ່າການ​ສະພາ​ແຫ່ງ​ຊາດ ກໍ່​ໄດ້​ສະ​ແດງຄວາມ​ຂອບ​ອົກ​ຂອບ​ໃຈ​ຕໍ່ຜູ້​ທີ່​ມີ​ສິດ​ປ່ອນ​ບັດ​ເລືອກ​ຕັ້ງ ທີ່​ໄດ້​ໄວ້​ວາງ​ໃຈ​ປ່ອນ​ບັດ​ເອົາ​ທ່ານ ພ້ອມ​ດ້ວຍ​ຄະນະ​ຈຳນວນ 5 ທ່ານ ​ໃຫ້​ເປັນ​ຕົວ​ແທນ​ສິດ​ອຳນາດ ​ແລະ​ຜົນ​ປະ​ໂຫຍ​ດຂອງ​ປະ​ຊາ​ຊົນ​ບັນດາ​ເຜົ່າຊາວ ​ແຂວງ ບໍ່​ແກ້ວ. ພ້ອມ​ນີ້​ທ່ານ​ໄດ້​ເຜີຍ​ແຜ່​ກ່ຽວກັບໜ້າວຽກທີ່​ສຳ​ຄັນ​ຂອງ​ສະພາ​ແຫ່ງ​ຊາດ ຊຸດ​ທີ VII ທີ່​ພວມ​ເລັ່ງມື​ຈັດ​ຕັ້ງ​ປະຕິບັດ ​ເປັນ​ຕົ້ນ​ແມ່ນ ການ​ປັບປຸງລະບົບ​ການຈັດ​ຕັ້ງ​ ຂອງ​ອົງການ​ນິຕິບັນຍັດ, ການ​ສ້າງ ​ແລະ​ປັບ​ປຸງກົດໝາຍ, ການ​ຕິດຕາມ​ກວດກາ ​ແລະ​ກະຕຸກ​ຊຸກຍູ້​ບັນດາ​ອົງການ ອຳນາດ​ແຫ້ງ​ລັດ​ໃນ​ການຈັດ​ຕັ້ງ​ປະຕິບັດ ກົດໝາຍ ​ແລະ​ແຜນ​ພັດທະນາ​ເສດຖະກິດ-​ສັງຄົມ ທັງໝົດນັ້ນ​ແມ່ນການຈັດ​ຕັ້ງ​ຜັນ​ຂະຫຍາຍ​ເນື້ອ​ໃນບາດກ້າວ 4 ບຸກທະລຸ ທີ່​ກອງ​ປະຊຸມ​ໃຫ່ຍ ຄັ້ງ​ທີ XI ຂອງ​ພັກ​ວາງ​ອອກ ​ເຂົ້າ​ສູ່​ຊີວິດ​ຕົວ​ຈິງ. ຄຽງຄູ່​ກັນ​ນີ້​ທ່ານ​ຍັງ​ໄດ້​ແຈ້ງ​ໃຫ້​ຜູ້​ເຂົ້າ​ຮ່ວມ​ຮັບ​ຮູ້​ຕື່ມ​ອິກວ່າ​ ປັດຈຸບັນ​ນີ້​ພວມ ກະກຽມ​ເປິ​ກອງ​ປະຊຸມ​ສະ​ໄໝສາມັນ​ເທື່ອ​ທີ 2 ຂອງ​ສະພາ​ແຫ່ງ ຊາດ ຊຸ​ດທີ VII ຊຶ່ງ​ເນື້ອ​ໃນ​ຕົ້ນຕໍ່ຂອງ​ກອງ​ປະຊຸມ​ດັ່ງກ່າວ​ແມ່ນ ຈະ​ພິຈາລະນາ​ຮັບຮອງ​ກົດໝາຍ 11 ສະ ບັບ ​ໃນ​ນັ້ນ​ສ້າງ​ໃໝ່ 3 ສະບັບ ປັບປຸງ 8 ສະບັບ, ຄົ້ນ​ຄ້ວາ​ພິຈາລະນາ​ເນື້ອ​ໃນ​ປະຕິ​ຮູບ​ການ​ສຶກສາ, ຜົນ​ຄືບໜ້າ​ແຫ້ງ​ການ​ຈັ​ດຕັ້ງ​ປະຕິບັດ​ ເປົ້າໝາຍສະຫັດ​ສະ​ວັດ​ແຫ້ງ​ການ​ພັດທະນາ, ຮັບ​ຟັງການ​ລາຍ​ງານ​ກ່ຽວກັບ ມາດ​ຕະການ​ແກ້​ໄຂ​ບັນຫາ​ໄພພິບັດ​ທຳ​ມະ​ຊາດ ຜົນ​ເສຍ​ຫາຍ​ຈາກ​ລົ​ມພະຍຸ ຢູ່ 4 ​ແຂວງ​ພາກ​ໃຕ້ ​ແລະວຽກງານ​ສຳ​ຄັນ​ອື່ນ​ໆຕື່ມ​ອິກ.​ໃນ​ຕ້ອນ​ທ້າຍ​ທ່ານ ອຸ່ນ​ແກ້ວ ວຸທິລາດ ຍັງ​ໄດ້​ເປັນກຽດມອບ​ໂທລະພາບ 14 ນິ້ວ ຈຳນວນ 2 ​ໜ່ວຍ ​ໃຫ້​ເມືອງ​ເມິງ, ​ໃນ​ນັ້ນ 1 ໜ່ວຍ ​ແມ່ນ​ມອບ​ໃຫ້​ພໍ່​ເຖົ້າ ບຸນ​ຈາ​ຍ  ພະນັກ​ງານ​ບຳນານ, ພະນັກງານ ປະຕິວັດ​ອາວຸ​ໂສ, ອາ​ດີດ​ວ່າການ​ເລຂາ​ພັກ​​ເມືອງ​-​ເຈົ້າ​ເມືອງໆ​ເມິງ.​ເປັນກຽດ​ເຂົ້າ​ຮ່ວມ​ພິທີ​ພົບ​ປະ​ໂອ້​ລົມ ຂອງ​ທ່ານ​ຫົວໜ້າຫ້ອງ​ວ່າການ​ສະພາ​ແຫ່ງ​ຊາດ ​ໃນ​ຄັ້ງ​ນີ້​ມີ​ທ່ານ ວິ​ໄຊ​ກອນ ວັນນະ​ຈອມ​ຈັນ ຮອງ​ເລ​ຂາ​ພັກ​ແຂວງ ປະທານ​ຄະນະ​ສະມາຊິກ​ສະພາ​ແຫ່ງ​ຊາດ ປະຈຳ​ເຂດ​ເລືອກ​ຕັ້ງ​ທີ 5 ​ແຂວງ ບໍ່​ແກ້ວ ພ້ອມ​ດ້ວຍ​ບັນດາ​ຄະນະ​ປະຈຳ​ພັກ​​ເມືອງ, ກຳມະກາ​ນພັກ​ເມືອງ​ຫົວ ໜ້າ-​ຮອງ​ຫົວໜ້າຫ້ອງການ​ອົງການ​ທຽບ​ເທົ່າອອ້ມຂ້າງ​ເມືອງ​ເມິງ ຈຳນວນ 144 ຄົນ.

 


ການເລືອກຕັ້ງ ສສຊ ຊຸດທີVII

ບົດຄວາມ ກ່ຽວກັບ ຢາເສບຕິດ
You are here: