ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະພາແຫ່ງຊາດ ປະຖະກະຖາວັນລັດຖະທຳມະນູນ ສປປ ລາວ ຄົບຮອບ 22 ປີ

ສະພາແຫ່ງຊາດ ໄດ້ຈັດຕັ້ງປາຖະກະຖາວັນປະກາດໃຊ້ ລັດຖະທຳມະນູນ ແຫ່ງ ສປປ ລາວ ຄົບຮອບ 22 ປີ(15/8/1991 -15/8/2013) ໃຫ້ກຽດປາຖະກະຖາໂດຍ ທ່ານ ນາງ ປານີ ຢາທໍ່ຕູ້ ປະທານສະພາ ແຫ່ງຊາດ, ຊຶ່ງມີພະນັກງານການນຳ ແລະວິຊາການ ອ້ອມຂ້າງສະພາ ແຫ່ງຊາດ ເຂົ້າຮ່ວມ.ໃນການປາຖະກະຖາຄັ້ງນີ້, ທ່ານ ນາງ ປານີ ຢາທໍ່ຕູ້

ໄດ້ຍົກໃຫ້ເຫັນ ຄວາມໝາຍຄວາມສຳຄັນ ໃນການປະກາດໃຊ້ ລັດຖະທຳມະນູນແຫ່ງ ສປປ ລາວ ຊຶ່ງມີບາງຕອນທ່ານກ່າວວ່າ: ພາຍຫລັງ ປະເທດຊາດໄດ້ຮັບການສະຖາ ປະນາເປັນ ສປປ ລາວພັກໄດ້ວາງແນວທາງ ແລະ ນຳ ພາປະຊາຊົນປະຕິບັດສອງໜ້າ ທີ່ຍຸດທະສາດ ຄື: ປົກປັກຮັກສາ ແລະ ສ້າງສາພັດທະນາປະເທດຊາດ.ປີ 1986, ພັກໄດ້ວາງແນວທາງປ່ຽນແປງໃໝ່ ຮອບດ້ານ ໂດຍເລີ່ມຈາກການ ປ່ຽນແປງທາງດ້ານເສດຖະກິດ, ຫັນຈາກການຄຸ້ມຄອງລວມສູນບໍລິຫານເກື້ອກູນໄປສູ່ການ ຄຸ້ມຄອງຕາມກົນໄກ ຕະຫລາດ ທີ່ມີການໄລ່ລຽງເສດຖະກິດ ແລະ ມີການດັດສົມຂອງລັດ. ດ້ວຍເຫດນັ້ນກອງປະຊຸມເທື່ອທີ 6 ຂອງສະພາປະຊາຊົນສູງສຸດ ຊຸດທີ II (ປີ 1991) ຈຶ່ງໄດ້ພິຈາລະນາຮັບຮອງເອົາລັດຖະທຳມະນູນສະບັບທຳອິດຂອງ ສປປ ລາວ ຊຶ່ງໄດ້ປະກາດໃຊ້ໃນວັນທີ 15/8/1991 ເປັນຕົ້ນມາ. ຜົນໄດ້ຮັບຂອງການປະກາດໃຊ້ລັດຖະທຳມະນູນດັ່ງ ກ່າວ ໄດ້ຫັນເອົາລັດຖະທຳມະນູນເປັນກົດໝາຍໄດ້ 93 ສະບັບ (ປີ 2012), ນິຕິກຳລຸ່ມກົດໝາຍ (ລັດຖະບັນຍັດ ແລະ ດຳລັດ) ໄດ້ຫລາຍຮ້ອຍສະບັບ, ເຮັດໃຫ້ການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ດ້ວຍກົດໝາຍນັບ ມື້ນັບ ເປັນລະ ບົບຄົບຊຸດເທື່ອລະກ້າວ, ເປັນພື້ນຖານຄ້ຳປະກັນໃຫ້ແກ່ການປະຕິບັດ ແລະ ເສີມຂະຫຍາຍສິດເປັນເຈົ້າ ຂອງປະຊາຊົນ ບັນດາເຜົ່າ, ໄດ້ໂຄສະນາເຜີຍແຜ່ລັດຖະທຳມະນູນ ແລະ ກົດໝາຍໃຫ້ກ້ວາງຂວາງດ້ວຍຫລາຍຮູບ, ຫລາຍແບບ, ຫລາຍສີ, ເປັນການປະກອບສ່ວນໃນການຍົກສູງສະຕິເຄົາລົບລັດຖະທຳມະນູນ ແລະ ກົດໝາຍນັບມື້ ນັບສູງຂຶ້ນ, ໄດ້ເອົາ ໃຈໃສ່ຊຸກຍູ້ການຈັດຕັ້ງປະຕິບັດລັດຖະທຳມະນູນ ແລະ ກົດໝາຍ ເຮັດໃຫ້ການຈັດຕັ້ງໃນ ລະບົບການເມືອງຂອງລະບອບ ປະຊາທິປະໄຕ ປະຊາຊົນລາວ ແລະ ປະຊາຊົນລາວບັນດາເຜົ່າ ມີບ່ອນອີງໃນ ການເຄື່ອນໄຫວ ທຳການຜະລິດ, ດຳເນີນ ທຸລະກິດ ແລະ ທຳມາຫາກິນຕາມລະບຽບກົດໝາຍຫລາຍຂຶ້ນ, ເຮັດໃຫ້ການເມືອງມີສະຖຽນລະພາບ, ສັງຄົມມີຄວາມ ສະຫງົບ ແລະ ມີຄວາມເປັນລະບຽບຮຽບຮ້ອຍໂດຍພື້ນຖານ, ໄດ້ປັບປຸງອົງການນິຕິບັນຍັດ, ອົງການບໍລິຫານ ແລະ ອົງ ການຕຸລາການ (ສານປະຊາຊົນ, ໄອຍະການປະຊາຊົນ) ໃຫ້ມີຄຸນນະພາບນັບມື້ສູງຂຶ້ນຕາມທິດກະທັດລັດສົມເຫດສົມຜົນ ແລະ ມີປະສິດທິຜົນ, ປະສານສົມທົບກັນເພື່ອແກ້ໄຂຂໍ້ຂັດແຍ່ງ ແລະ ຄະດີຄວາມຕ່າງໆຕາມລະບຽບກົດໝາຍ, ສາມາດ ປົກປັກຮັກສາສິດ ແລະ ຜົນປະໂຫຍດຂອງລັດ, ຂອງລວມໝູ່ ແລະ ຂອງພົນລະເມືອງໄດ້ດີຂຶ້ນ ແລະ ໄດ້ເອົາໃຈໃສ່ຊຸກ ຍູ້, ຕິດຕາມ, ກວດກາການປະຕິບັດລັດຖະທຳມະນູນ ແລະ ກົດໝາຍແຜນພັດທະນາເສດຖະກິດ-ສັງຄົມ ແລະ ງົບປະ ມານແຫ່ງລັດເຂົ້າສູ່ລະບຽບແບບແຜນ, ນຳເອົາຜົນປະໂຫຍດມາໃຫ້ແກ່ຊາດ ແລະ ປະຊາຊົນນັບມື້ນັບຫລາຍ.

 


ການເລືອກຕັ້ງ ສສຊ ຊຸດທີVII

ບົດຄວາມ ກ່ຽວກັບ ຢາເສບຕິດ
You are here: