ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຄະນະປະຈຳສະພາແຫ່ງຊາດ


ໂຄງຮ່າງ

ການຈັດຕັ້ງສະພາແຫ່ງຊາດ ຊຸດທີ VIII


1. ທ່ານ ນາງ ປານີ ຢາທໍ່ຕູ້          ປະທານສະພາແຫ່ງຊາດ, ປະທານຄະນະປະຈຳສະພາແຫ່ງຊາດ

2. ທ່ານ ພົນໂທ ແສງນວນ ໄຊຍະລາດ  ຮອງປະທານສະພາແຫ່ງຊາດ, ຮອງປະທານຄະນະປະຈຳສະພາແຫ່ງຊາດ

3. ທ່ານ ສົມພັນ ແພງຄຳມີ           ຮອງປະທານສະພາແຫ່ງຊາດ, ຮອງປະທານຄະນະປະຈຳສະພາແຫ່ງຊາດ

4. ທ່ານ ບຸນປອນ ບຸດຕະນະວົງ        ຮອງປະທານສະພາແຫ່ງຊາດ, ຮອງປະທານຄະນະປະຈຳສະພາແຫ່ງຊາດ

5. ທ່ານ ນາງ ສີໄສ ລືເດດມູນສອນ     ຮອງປະທານສະພາແຫ່ງຊາດ, ຮອງປະທານຄະນະປະຈຳສະພາແຫ່ງຊາດ

6. ທ່ານ ສາຍທອງ ແກ້ວດວງດີ        ປະທານກຳມາທິການກົດໝາຍ, ກຳມະການຄະນະປະຈຳສະພາແຫ່ງຊາດ

7. ທ່ານ ບຸນປອນ ສີສຸດລາດ    ປະທານກຳມາທິການເສດຖະກິດ,ເຕັກໂນໂລຊີ ແລະສິງແວດລອ້ມ, ກຳມະການຄະນະປະຈຳສະພາແຫ່ງຊາດ

8. ທ່ານ ວິໄລວົງ ບຸດດາຄຳ ປະທານກຳມາທິການແຜນການ,ການເງິນ ແລະກວດສອບ, ກຳມະການຄະນະປະຈຳສະພາແຫ່ງຊາດ

9. ທ່ານ ສົມພູ ດວງສະຫວັນ ປະທານກຳມາທິການວັດທະນະທຳ-ສັງຄົມ, ກຳມະການຄະນະປະຈຳສະພາແຫ່ງຊາດ

10. ທ່ານ ນາງ ບົວພັນ ລີໄກຢາ ປະທານກຳມາທິການບັນດາເຜົ່າ, ກຳມະການຄະນະປະຈຳສະພາແຫ່ງຊາດ

11. ທ່ານ ພົຈວ. ຄຳສຸກ ວີອິນທະວົງ ປະທານກຳມາທິການປ້ອງກັນຊາດ-ປ້ອງກັນຄວາມສະຫງົບ, ກຳມະການຄະນະປະຈຳສະພາແຫ່ງຊາດ

12. ທ່ານ ນາງ ບົວຄຳ ທິບພະວົງ ປະທານກຳມາທິການຍຸຕິທຳ, ກຳມະການຄະນະປະຈຳສະພາແຫ່ງຊາດ

13. ທ່ານ ເອກສະຫວາ່ງ ວົງວິຈິດ ປະທານກຳມາທິການ ການຕ່າງປະເທດ, ກຳມະການຄະນະປະຈຳສະພາແຫ່ງຊາດ

14. ທ່ານ ນາງ ສວນສະຫວັນ ວິຍະເກດ ຄະນະເລຂາທິການສະພາແຫ່ງຊາດ, ກຳມະການຄະນະປະຈຳສະພາແຫ່ງຊາດ



ທີ່​ຕັ້ງ ແລະ​ ພາ​ລະ​ບົດ​ບາດ​ຂອງ​ຄະນະ​ປະຈຳ​ສະພາ​ແຫ່ງ​ຊາດ


ຄະ​ນະ​ປະ​ຈຳສະພາແຫ່ງຊາດແມ່ນ ອົງການປະຈຳການຂອງສະພາແຫ່ງຊາດ, ມີ​ພາລະ​ບົດບາດປະຕິບັດສິດ ​ແລະ ໜ້າທີ່​​ແທນສະພາແຫ່ງຊາດ ຕາມ​ທີ່​ໄດ້​ກຳນົດ​ໄວ້​ໃນ​ກົດໝາຍ ໃນເວລາທີ່ສະພາແຫ່ງຊາດບໍ່ໄດ້ເປີດກອງປະຊຸມ .

ສິດ ແລະ​ ໜ້າ​ທີ່ຂອງ​ຄະນະ​ປະຈຳ​ສະພາ​ແຫ່ງ​ຊາດ

ຄະນະປະຈໍາສະພາແຫ່ງຊາດ ມີສິດ ແລະ ໜ້າທີ່ ດັ່ງນີ້:
1. ດ້ານນິຕິບັນຍັດ:
1.1. ຕີຄວາມໝາຍ ແລະ ອະທິບາຍ ລັດຖະທໍາມະນູນ, ກົດໝາຍ;
1.2. ຄົ້ນຄວ້າການສ້າງ ແລະ ປັບປຸງກົດໝາຍ ເພື່ອນໍາສະເໜີຕໍ່ກອງປະຊຸມ    ສະພາແຫ່ງຊາດ ພິຈາລະນາ ແລະ ຮັບຮອງເອົາ;
1.3.  ຄົ້ນຄວ້າ, ພິຈາລະນາ ແລະ ສ້າງລັດຖະບັນຍັດ ແລ້ວສະເໜີຕໍ່ປະທານປະເທດ ຕົກລົງ;
1.4. ຊີ້ນໍາ ການໂຄສະນາ, ເຜີຍແຜ່ ລັດຖະທໍາມະນູນ, ກົດໝາຍ ແລະ ນິຕິກໍາອື່ນ;
1.5. ອອກມະຕິ, ຂໍ້ຕົກລົງ, ຄໍາແນະນໍາ ກ່ຽວກັບການຈັດຕັ້ງປະຕິບັດ ກົດໝາຍ,    ລະບຽບການ  ແລະ ວຽກງານອື່ນທີ່ຕົນຮັບຜິດຊອບ;
1.6.  ຕົກລົງກ່ຽວກັບການໃຫ້ສັດຕະຍາບັນແກ່ສົນທິສັນຍາ ທີ່ ສປປ ລາວ ເປັນພາຄີ ແລະ ສັນຍາສາກົນໃນລະດັບລັດ ຕາມການສະເໜີຂອງນາຍົກລັດຖະມົນຕີ;
1.7. ແຕ່ງຕັ້ງ, ຍຸບເລີກ ຄະນະລັດຖະສະພາຕ່າງປະເທດ, ພາກພື້ນ ແລະ ສາກົນ ຂອງສະພາແຫ່ງຊາດ;
1.8. ສ້າງ ແລະ ສະເໜີກອງປະຊຸມສະພາແຫ່ງຊາດ ພິຈາລະນາ, ຮັບຮອງເອົາ    ທິດທາງວຽກງານ ປະຈໍາປີ ແລະ  ຫ້າປີ ຂອງສະພາແຫ່ງຊາດ;
1.9. ກະກຽມ ແລະ ຮຽກໂຮມ ກອງປະຊຸມສະພາແຫ່ງຊາດ, ກອງປະຊຸມຮ່ວມກັບ ລັດຖະບານ ແລະ ອົງການຍຸຕິທໍາ ແລະ ກົດໝາຍ.

2. ດ້ານການຕົກລົງບັນຫາສໍາຄັນພື້ນຖານຂອງປະເທດຊາດ:
2.1. ດ້ານການເມືອງ ແລະ ການປົກຄອງ:
2.1.1. ສະເໜີສະພາແຫ່ງຊາດ ພິຈາລະນາ, ຕົກລົງບັນຫາ ສົງຄາມ ຫຼື ສັນຕິພາບ;
2.1.2. ພົວພັນ, ຮ່ວມມືກັບການຈັດຕັ້ງລັດຖະສະພາຕ່າງປະເທດ, ພາກພື້ນ ແລະ ສາກົນ;
2.1.3. ລາຍງານຕໍ່ກອງປະຊຸມສະພາແຫ່ງຊາດ ກ່ຽວກັບການປະຕິບັດໜ້າທີ່ວຽກ ງານຂອງຕົນ ໃນລະຫວ່າງສອງກອງປະຊຸມ;
2.1.4. ຄົ້ນຄວ້າ ການສະເໜີຍຸບສະພາປະຊາຊົນຂັ້ນແຂວງ ໃນກໍລະນີ ສະພາ ປະຊາຊົນນັ້ນ ຫາກສ້າງຄວາມເສຍຫາຍຢ່າງຫຼວງຫຼາຍ ຕໍ່ຜົນປະໂຫຍດຂອງປະເທດຊາດ ແລະ ປະຊາຊົນ.

2.2. ດ້ານເສດຖະກິດ-ສັງຄົມ:
2.2.1. ຄົ້ນຄວ້າ ແຜນຍຸດທະສາດ, ແຜນພັດທະນາເສດຖະກິດ-ສັງຄົມ,  ແຜນງົບປະມານແຫ່ງລັດ ແລະ ການດັດແກ້ແຜນງົບປະມານແຫ່ງລັດ;
2.2.2. ຄົ້ນຄວ້ານະໂຍບາຍພື້ນຖານດ້ານການເງິນ, ເງິນຕາ, ການດັດແກ້ ອັດຕາ ສ່ວນການຂາດດຸນງົບປະມານ, ອັດຕາສ່ວນໜີ້ສິນຂອງລັດຖະບານ, ອັດຕາສ່ວນໜີ້ສິນສາທາລະນະ;
2.2.3. ຄົ້ນຄວ້າ ພິຈາລະນາ ຍົກເວັ້ນ ອັດຕາພາສີ ແລະ ອາກອນ;
2.2.4. ຄົ້ນຄວ້າ ບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງ ລັດປະຈໍາປີ ເພື່ອນໍາສະເໜີຕໍ່ກອງປະຊຸມສະພາແຫ່ງຊາດ.
2.3. ດ້ານການຈັດຕັ້ງ ແລະ ບຸກຄະລາກອນ:
2.3.1. ດ້ານການຈັດຕັ້ງ
2.3.1.1. ຄົ້ນຄວ້າ ໂຄງປະກອບ, ພາລະບົດບາດ, ສິດ ແລະ ໜ້າທີ່ ຂອງ   ການຈັດຕັ້ງຂອງສະພາແຫ່ງຊາດ;
2.3.1.2. ແຕ່ງຕັ້ງ ຄະນະກໍາມະການເລືອກຕັ້ງລະດັບຊາດ ແລະ ກະກຽມ       ການເລືອກຕັ້ງ ສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນຂັ້ນແຂວງ ຊຸດໃໝ່.
2.3.2. ດ້ານບຸກຄະລາກອນ
2.3.2.1. ພິຈາລະນາການຍົກຍ້າຍ, ການແຕ່ງຕັ້ງສະມາຊິກສະພາແຫ່ງຊາດ      ຜູ້ປະຈໍາການ ໄປຮັບຜິດຊອບວຽກງານອື່ນ ຕາມການສະເໜີຂອງພາກສ່ວນທີ່ກ່ຽວຂ້ອງ;
2.3.2.2. ບັນຈຸ, ສັບຊ້ອນ ສະມາຊິກສະພາແຫ່ງຊາດ ເຂົ້າເປັນກໍາມະການ    ຂອງແຕ່ລະກໍາມາທິການ;
2.3.2.3. ແຕ່ງຕັ້ງ, ຍົກຍ້າຍ, ປົດຕໍາແໜ່ງ ຮອງເລຂາທິການສະພາແຫ່ງຊາດ,  ປະທານ, ຮອງປະທານຄະນະສະມາຊິກສະພາແຫ່ງຊາດເພດຍິງ, ຫົວໜ້າ, ຮອງຫົວໜ້າ  ຄະນະຮັບຜິດ ຊອບວຽກງານເຂດເລືອກຕັ້ງ, ປະທານ, ຮອງປະທານຄະນະສະມາຊິກສະພາແຫ່ງຊາດປະຈໍາເຂດເລືອກຕັ້ງ, ຫົວໜ້າກົມ ແລະ ຫົວໜ້າອົງການລັດທຽບເທົ່າກົມ ແລະ ຮອງຫົວໜ້າກົມ ແລະ ຮອງຫົວໜ້າ ອົງການລັດທຽບເທົ່າກົມ;
2.3.2.4. ແຕ່ງຕັ້ງ, ຍົກຍ້າຍ ຫຼື ປົດຕໍາແໜ່ງ ຜູ້ພິພາກສາຂອງສານປະຊາຊົນສູງສຸດ, ຮອງປະທານສານທະຫານຂັ້ນສູງ ຕາມການສະເໜີຂອງປະທານສານປະຊາຊົນສູງສຸດ;
2.3.2.5. ແຕ່ງຕັ້ງ, ຍົກຍ້າຍ ຫຼື ປົດຕໍາແໜ່ງຜູ້ພິພາກສາຂອງສານປະຊາຊົນ ທ້ອງຖິ່ນ ຕາມການສະເໜີຂອງປະທານສານປະຊາຊົນສູງສຸດ ພາຍຫຼັງຄະນະປະຈໍາສະພາປະຊາຊົນ ຂັ້ນແຂວງ ຮັບຮອງເອົາ.

3. ດ້ານການຕິດຕາມກວດກາ:
ຄະນະປະຈໍາສະພາແຫ່ງຊາດ ມີສິດ ແລະ ໜ້າທີ່ດ້ານການຕິດຕາມກວດກາ ດັ່ງນີ້:
3.1. ຕິດຕາມກວດກາ ການຈັດຕັ້ງປະຕິບັດ ລັດຖະທໍາມະນູນ, ກົດໝາຍ, ມະຕິຂອງກອງປະຊຸມສະພາແຫ່ງຊາດ, ມະຕິຂອງຄະນະປະຈໍາສະພາແຫ່ງຊາດ, ແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ແລະ ໂຄງການຂອງລັດຖະບານ;
3.2. ຕິດຕາມກວດກາ ການເຄື່ອນໄຫວຂອງ ອົງການໄອຍະການປະຊາຊົນສູງສຸດ, ສານປະຊາຊົນສູງສຸດ, ອົງການກວດສອບແຫ່ງລັດ ແລະ ອົງການກວດກາລັດຖະບານ;
3.3. ໂຈະ ການຈັດຕັ້ງປະຕິບັດ ນິຕິກໍາຂອງລັດຖະບານ, ນາຍົກລັດຖະມົນຕີ, ລັດຖະມົນຕີ, ຫົວໜ້າອົງການໄອຍະການປະຊາຊົນສູງສຸດ, ປະທານສານປະຊາຊົນສູງສຸດ,  ປະທານ ອົງການກວດສອບແຫ່ງລັດ ແລະ ປະທານສະພາປະຊາຊົນຂັ້ນແຂວງ   ທີ່ຂັດກັບລັດຖະທໍາມະນູນ, ກົດໝາຍ, ມະຕິຂອງກອງປະຊຸມສະພາແຫ່ງຊາດ, ຍົກເວັ້ນ ຄໍາຕົກລົງກ່ຽວກັບການດໍາເນີນຄະດີຂອງ ອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ;
3.4. ຮັບ, ພິຈາລະນາ ແລະ ແກ້ໄຂຄໍາຮ້ອງຂໍຄວາມເປັນທໍາຂອງປະຊາຊົນ.

 

(ກຳນົດໄວ້ໃນກົດໝາຍວ່າດວ້ຍ ສະພາແຫ່ງຊາດ ສະບັບປັບປຸງ)

 


ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: