ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຫາລືວຽກງານພັດມະນາຊົນນະບົດ ແລະລຶບລ້າງຄວາມທຸກ ຍາກ, ສົ່ງເສີມ-ພັດທະນາ SME

(ສພຊ) ຕອນເຊົ້າວັນຈັນທີ 20 ກຸມພາຜ່ານມາ ທີ່ສະພາແຫ່ງ ຊາດ ມີກອງປະຊຸມລາຍງານສະພາບການຈັດຕັ້ງປະຕິບັດແຜນພັດ ທະນາຊົນນະບົດ ແລະລຶບລ້າງຄວາມທຸກຍາກ, ​ການພັດທະນາ- ການສະໜອງທຶນໃຫ້ແກ່ວິສາຫະກິດຂະໜາດນ້ອຍ ແລະຂະໜາດ ກາງ (SME) ແລະທິດທາງການພັດທະນາໃນຊຸມປີຕໍ່ໜ້າ

ໂດຍການ ເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະ ພາແຫ່ງຊາດ ຜູ້ຊີ້ນໍາວຽກງານເສດຖະກິດ, ວັດທະນະທໍາ-ສັງຄົມ ແລະການຕ່າງປະເທດ; ເຂົ້າຮ່ວມມີບັນດາທ່ານປະທານ-ຮອງປະ ທານກໍາມາທິການ, ຕາງໜ້າກະຊວງກະສິກໍາ ແລະປ່າໄມ້, ກະຊວງ ອຸດສາຫະກໍາ ແລະການຄ້າ (ອຄ) ແລະທະນາຄານ ແຫ່ງ ສປປລາວ, ແລະພາກສ່ວນກ່ຽວຂ້ອງ.

ທ່ານ ບຸນປອນ ບຸດຕະນະວົງ ມີຄໍາເຫັນວ່າ:  ກອງປະຊຸມຄັ້ງນີ້ ໄດ້ປຶກສາຫາລືກ່ຽວກັບຜົນການຈັດຕັ້ງປະຕິບັດວຽກງານພັດທະນາ ຊົນນະບົດ ແລະລຶບລ້າງຄວາມທຸກຍາກ ແລະວຽກງານສົ່ງເສີມ-ພັດ ທະນາວິສາຫະກິດຂະໜາດນ້ອຍ ແລະກາງ ເຊິ່ງທັງສອງຫົວຂໍ້ດັ່ງ ກ່າວນີ້ ແມ່ນມີການພົວພັນ ແລະສະໜັບສະໜູນເຊິ່ງກັນ ແລະກັນ ເພື່ອຍົກລະດັບດ້ານລາຍຮັບ ແລະປັບປຸງຊີວິດການເປັນຢູ່ຂອງປະ ຊາຊົນລາວບັນດາເຜົ່າ ທັງປະກອບສ່ວນເຂົ້າໃນການສ້າງວຽກເຮັດ ງານທໍາໃຫ້ປະຊາຊົນໃນເຂດຊົນນະບົດ, ຊານເມືອງ ແລະຕົວເມືອງ. ພັກ ແລະລັດຖະບານ ມີນະໂຍບາຍ ແລະຢຶດໝັ້ນຕາມທິດນໍາທີ່ວ່າ: ຕ້ອງຖືເອົາການພັດທະນາຊົນນະບົດເປັນສະໜາມຮົບອັນໜຶ່ງຂອງ ການພັດທະນາປະເທດຊາດ ແລະນໍາພາປະເທດຫລຸດພົ້ນອອກຈາກ ປະເທດດ້ອຍພັດທະນາໃນປີ 2020; ເຊິ່ງຄາດໝາຍຫລຸດຜ່ອນ ຄວາມທຸກຍາກຮອດປີ 2020 ແມ່ນໃຫ້ຕໍ່າກວ່າ 10% ຂອງປະຊາ ກອນທັງໝົດ, ອັດຕາຄອບຄົວທຸກຍາກ ຕໍ່າກວ່າ 5%, ບ້ານທຸກຍາກ ແລະເມືອງທຸກຍາກ ໜ້ອຍກວ່າ 10%,​ ສ້າງບ້ານໃຫຍ່ໃຫ້ກາຍເປັນ ຕົວເມືອງນ້ອຍໃນຊົນນະບົດ ໃຫ້ໄດ້ແຂວງລະ 2-3 ແຫ່ງ, ເມືອງພັດ ທະນາໃຫ້ໄດ້ຫລາຍກວ່າ 10%, ​ບ້ານພັດທະນາໃຫ້ໄດ້ຫລາຍກວ່າ 50%, ການຈັດສັນພູມລໍາເນົາຄົງທີ່ ແກ້ໄຂບັນຫາການເຄື່ອນຍ້າຍ ແບບຊະຊາຍຂອງພົນລະເມືອງ ໃຫ້ສໍາເລັດໂດຍພື້ນຖານ ແລະສູ້ຊົນ ໃຫ້ບັນລຸເປົ້າໝາຍສະຫັດສະວັດດ້ານການພັດທະນາ (MDGs) ທີ່ ຍັງຄ້າງຄາ ແລະເປົ້າໝາຍການພັດທະນາແບບຍືນຍົງ  (SDGs) ທີ່ວາງໄວ້. ທ່ານກ່າວຕື່ມວ່າ: ສໍາລັບວຽກງານສົ່ງເສີມ ແລະພັດທະ ນາ SMEs ທາງຂະແໜງການ ອຄ ມີຄາດໝາຍລະອຽດໃນແຕ່ ລະດ້ານແລ້ວ ເຊັ່ນວ່າ: ການປັບປຸງສະພາບແວດລ້ອມດ້ານລະບຽບ ການ, ການເຂົ້າຫາແຫລ່ງທຶນ, ການກໍ່ສ້າງຜູ້ປະກອບກິດຈະການ ໃໝ່,​ ການຊ່ວຍເຫລືອ ແລະບໍລິການພັດທະນາທຸລະກິດ,​ ການຮ່ວມ ມືທຸລະກິດລະຫວ່າງວິສາຫະກິດຂະໜາດໃຫຍ່ ແລະ SME, ການ ເພີ່ມຜະລິດຕະພາບ ເພື່ອຍົກລະດັບຄຸນນະພາບ ແລະມາດຕະຖານ ຜະລິດຕະພັນ, ແລະການສົ່ງເສີມການເຂົ້າຫາຕະຫລາດ ແລະການ ຂະຫຍາຍຕະຫລາດ.

ກອງປະຊຸມປຶກສາຫາລືຄັ້ງນີ້ ໄດ້ຮັບຟັງການລາຍງານກ່ຽວກັບ ສະພາບຜົນສໍາເລັດ ແລະຄວາມຄືບໜ້າຂອງການຈັດຕັ້ງປະຕິບັດ ວຽກງານພັດທະນາຊົນນະບົດ ແລະລຶບລ້າງຄວາມທຸກຍາກ ໂດຍຕິດ ພັນກັບ SDGs; ຕີລາຄາຂໍ້ສະດວກ, ຂໍ້ຫຍຸ້ງຍາກ, ສິ່ງທ້າທາຍ ແລະ ບົດຮຽນຖອດຖອນໄດ້ ພ້ອມກັບທິດທາງແຜນການ, ໜ້າວຽກຈຸດສຸມ ແລະມາດຕະການຈັດຕັ້ງປະຕິບັດໃນແຕ່ລະດ້ານສໍາລັບປີ 2017. ການຈັດຕັ້ງປະຕິບັດນະໂຍບາຍສົ່ງເສີມ ແລະພັດທະນາ SMEs ໃນ ຊຸມປີຜ່ານມາ ແລະທິດທາງແຜນພັດທະນາວຽກງານຈຸດສຸມທີ່ຈະປະ ຕິບັດສໍາລັບປີ 2017. ການສະໜອງທຶນ ແລະການປ່ອຍສິນເຊື່ອ ຮັບໃຊ້ວຽກງານພັດທະນາຊົນນະບົດ ແລະລຶບລ້າງຄວາມທຸກຍາກ ແລະວຽກງານສົ່ງເສີມ-ພັດທະນາ SMEs ໃນຊຸມປີຜ່ານມາ ແລະ ທິດທາງປີ 2017.

ໃນກອງປະຊຸມ, ຜູ້ເຂົ້າຮ່ວມສຸມໃສ່ຄົ້ນຄວ້າ, ປຶກສາຫາລື ແລະ ແລກປ່ຽນບົດຮຽນຮ່ວມກັນຢ່າງກົງໄປກົງມາ ເພື່ອພ້ອມກັນປະເມີນ ແລະຕີລາຄາຄືນວຽກງານທີ່ປະຕິບັດໄດ້ໃນໄລຍະຜ່ານມາ ໃຫ້ຈະ ແຈ້ງຮອບດ້ານ, ພາວະວິໄສ; ທັງນີ້ ກໍເພື່ອເປັນບ່ອນອີງໃຫ້ແກ່ການ ກໍານົດມາດຕະຖານ ແລະວິທີການແກ້ໄຂໃນຊຸມປີຕໍ່ໜ້າໃຫ່ສອດຄ່ອງ ແລະແທດເໝາະກັບສະພາບຄວາມເປັນຈິງຂອງປະເທດ, ຮັບປະກັນ ໃຫ້ວຽກງານດັ່ງກ່າວໄດ້ຮັບການຈັດຕັ້ງປະຕິບັດຢ່າງຈິງຈັງ ແລະມີ ຜົນຕອບແທນສູງຈາກການລົງທຶນ ແລະໂຄງການພັດທະນາຕ່າງໆ ຢ່າງແທ້ຈິງ.

ທ່ານ ບຸນປອນ ບຸດຕະນະວົງ ໃຫ້ຮູ້ວ່າ: ພາຍຫລັງຮັບຟັງການ ລາຍງານ ແລະປຶກສາຫາລືກັບບັນດາພາກສ່ວນກ່ຽວຂ້ອງໃນລະດັບ ມະຫາພາກແລ້ວ, ສະພາແຫ່ງຊາດ ຈະໄດ້ຕິດຕາມ, ກວດກາການ ຈັດຕັ້ງປະຕິບັດທັງສອງວຽກງານດັ່ງກ່າວນີຕື່ມອີກຢູ່ຂັ້ນຮາກຖານ ເປັນຕົ້ນເຂດຈຸດສຸມ ແລະພື້ນທີ່ເປົ້າໝາຍຂອງການລົງທຶນຕົວຈິງ ເພື່ອຈະມີຂໍ້ມູນລາຍງານຜົນຂອງການຕິດຕາມກວດກາ 2 ວຽກງານ ດັ່ງກ່າວ ຕໍ່ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງ ຊາດ ທີ່ຈະເປີດຂຶ້ນໃນທ້າຍເດືອນເມສານີ້.

(ສົມນຶກ ແກ້ວໄຊຍະຈັກ)

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: