ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ລະດົມຄວາມຄິດເຫັນ ໃສ່ຮ່າງປັບປຸງກົດໝາຍ 2 ສະບັບ ຂົງເຂດຍຸຕິທໍາ ແລະ ປກຊ-ປກສ ຕິດພັນກັບການແກ້ໄຂ ຂໍຄວາມເປັນທໍາ ຂອງປະຊາຊົນ

ສະພາແຫ່ງຊາດ ຈັດກອງປະຊຸມ ລະດົມຄວາມຄິດເຫັນ ໃສ່ຮ່າງປັບປຸງ ກົດໝາຍສອງສະບັບຄື: ກົດໝາຍວ່າດ້ວຍອົງການ ໄອຍະການປະຊາຊົນ ແລະ ກົດໝາຍວ່າດ້ວຍ ສານປະຊາຊົນ ທີ່​ຕິດ​ພັນ​ກັບ​ ການ​ແກ້​ໄຂຮອ້ງຂໍ ​ຄວາມ​ເປັນ​ທໍາ​ຂອງ​ປະຊາຊົນ ເພື່ອເຮັດໃຫ້ກົດໝາຍດັ່ງກ່າວມີເນື້ອໃນ ຄົບ ຖ້ວນ ແລະ ຖືກຕ້ອງກັບສະພາບຄວາມເປັນຈິງ ຂຶ້ນ​ໃນວັນທີ 22-24 ມີນາ 2017 ຢູ່ນະຄອນຫລວງວຽງຈັນ

ໂດຍການເປັນປະທານຮ່ວມ ຂອງທ່ານ ນາງ ບົວຄໍາ ທິບພະວົງ ປະທານກໍາມາທິການ ຍຸຕິທໍາ ແລະ ທ່ານ ພົນ ຈັດຕະວາ ຄໍາສຸກ ວີອິນທະວົງ ປະທານກໍາມາທິການ ປກຊ-ປກສ ມີບັນດາສະມາຊິກສະພາແຫ່ງຊາດ ທີ່ເປັນຄະ ນະກໍາມາທິການຍຸຕິທໍາ, ປກຊ-ປກສ ແລະ ສະມາຊິກສະພາ ປະຊາຊົນຂັ້ນແຂວງເຂົ້າຮ່ວມ.


ທ່ານ ນາງ ບົວຄໍາ ທິບພະວົງ ກ່າວວ່າ: ການຈັດກອງປະຊຸມໃນຄັ້ງນີ້ ບັນດາ​ຜູ້​ເຂົ້າ​ຮ່ວມ​​ ຈະ​ໄດ້​ປະກອບ​ຄໍາ​ຄິດ​ຄໍາ​ເຫັນ​ ໃສ່​ຮ່າງ​ປັບປຸງກົດໝາຍ​ ທັງ​ສອງ​ສະບັບ ຄື: ກົດໝາຍວ່າດ້ວຍອົງການ ໄອຍະການປະຊາຊົນ ແລະ ກົດໝາຍວ່າດ້ວຍສານປະຊາຊົນ ​ເພື່ອ​ໃຫ້​ສອດຄ່ອງ​ກັບ​ ລັດຖະທໍາ​ມະນູນສະບັບ​ປັບປຸງ ​ປີ 2015 ​ແລະ ສະພາບ​ຄວາມ​ເປັນ​ຈິງ​ ທາງ​ດ້ານ​ເສດຖະກິດ-ສັງຄົມ​ ຂອງ​ປະ​ເທດ​ໃນ​ໄລຍະ​ໃໝ່ ເພື່ອແນ່ໃສ່ ເພີ່ມຄວາມຮັບຮູ້ ກ່ຽວກັບພາລະບົດບາດ ການຈັດຕັ້ງເຄື່ອນໄຫວ ວຽກງານຂົງເຂດຍຸຕິທໍາ ແລະ ປກຊ-ປກສ ພ້ອມທັງ ເປັນການກະກຽມຄວາມພ້ອມ ທາງດ້ານເນື້ອໃນຂົງເຂດຍຸຕິທໍາ. ປກຊ-ປກສ ໃຫ້ແກ່ກອງປະຊຸມ ສະໄໝສາມັນເທື່ອທີ 3 ຂອງສະພາແຫ່ງຊາດ ຊຸດທີ VIII ​ໂດຍ​ສະ​ເພາະ​ ຮ່າງ​ປັບປຸງກົດໝາຍ​ວ່າ​ດ້ວຍ​ ອົງການ​ໄອ​ຍະ​ການ​ປະຊາຊົນ ​ແລະ ກົດໝາຍ​ວ່າ​ດ້ວຍ​ສານ​ປະຊາຊົນ ​ແລະ ຄົ້ນ​ຄ້ວາ​ປຶກສາ​ຫາລື​ກ່ຽວ​ກັບ​ ກົນ​ໄກ​ການ​ປະຕິບັດ​ ພາລະ​ບົດບາດ ​ຕິດຕາມ​ກວດກາ​ຂົງ​ເຂດ​ຍຸຕິ​ທໍາ, ປກຊ-ປກສ ​ແລະ ການ​ແກ້​ໄຂ​ການ​ຮ້ອງ​ຂໍ ​ຄວາມ​ເປັນ​ທໍາຂອງ​ປະຊາຊົນ. ນອກ​ນີ້​, ກອງ​ປະຊຸມ​ ຍັງໄດ້​ຮັບ​ຟັງ​ການ​ເຜີຍ​ແຜ່​ມະຕິ ​ຂອງ​ຄະນະ​ປະ​ຈໍາ​ສະພາ​ແຫ່ງ​ຊາດ ​ວ່າ​ດ້ວຍ​ການຈັດ​ຕັ້ງ​ເຄື່ອນ​ໄຫວ ​ກໍາມາ​ທິການ​ຍຸຕິ​ທໍາ ​ແລ​ະ ກໍາມາ​ທິການ ປກຊ-ປກສ ສະພາ​ແຫ່ງ​ຊາດ ​ແລະ ປຶກສາ​ຫາລື​ກົນ​ໄກ​ ການ​ປະສານ​ສົມທົບ​ ກ່ຽວ​ກັບ​ການ​ແກ້​ໄຂ​ຄໍາ​ຮ້ອງ​ ຂໍ​ຄວາມ​ເປັນ​ທໍາ​ຂອງ​ປະຊາຊົນ ໂດຍ​ຈະ​ໄດ້​ມີ​ການ ​ແລກປ່ຽນ​ບົດຮຽນ ​ແລະ ປະສົບ​ການ​ຕົວ​ຈິງ ລະຫວ່າງ​ ສູນ​ກາງ ​ແລະ ທ້ອງ​ຖິ່ນ ​ເພື່ອ​ສະຫລຸບ​ເປັນ​ເນື້ອ​ໃນ​ສໍາຄັນ ​ແລະ ​ເປັນ​ບ່ອນ​ອີງ​ໃນ​ການຈັດ​ຕັ້ງ​ປະຕິບັດ ​ວຽກ​ງານ​ຕົວ​ຈິງ./.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: