ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຮັບຮອງເອົາກົດໝາຍວ່າດ້ວຍການປົກປ້ອງ ຂໍ້ມູນເອເລັກໂຕຣນິກ

ກອງປະຊຸມສະໄໝສາ ມັນເທື່ອທີ 3 ຂອງສະພາແຫ່ງ ຊາດ ຊຸດທີ VIII ໃນວັນທີ 12ພຶດ ສະພາຜ່ານມານີ້, ພາຍໃຕ້ການເປັນປະທານຂອງທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປສະນີໂທລະຄົມມະນາຄົມ ແລະ ການສື່ ສານ ໄດ້ຂຶ້ນສະເໜີຮ່າງກົດໝາຍວ່າດ້ວຍການປົກປ້ອງຂໍ້ມູນ ເອເລັກໂຕຣ ນິກ ເພື່ອໃຫ້ສະມາຊິກສະພາແຫ່ງຊາດ

ປະກອບຄຳຄິດຄຳເຫັນໃສ່ຮ່າງກົດໝາຍດັ່ງກ່າວໃຫ້ມີເນື້ອໃນ ອຸດົມສົມບູນ ແລະ ຮັດກຸມຂຶ້ນ. ທ່ານລັດຖະມົນຕີກະຊວງ ໄປສະນີໂທລະຄົມມະນາຄົມ ແລະ ການສື່ ສານກ່າວເຖິງເຫດຜົນ ແລະ ຄວາມຈຳເປັນໃນການສ້າງກົດໝາຍການປົກປ້ອງຂໍ້ມູນເອເລັກໂຕຣນິກວ່າ: ການສ້າງກົດໝາຍວ່າດ້ວຍການປົກປ້ອງຂໍ້ມູນເອເລັກໂຕຣນິກ ແມ່ນມີຄວາມໝາຍຄວາມສຳຄັນໃນສະໄໝປັດຈຸບັນ ເພາະກົດໝາຍດັ່ງກ່າວເປັນກົດໝາຍສ້າງໃໝ່, ການກຳນົດຫຼັກການ, ມາດຕະການກ່ຽວກັບການປົກ ປ້ອງຂໍ້ມູນຂ່າວສານເພື່ອເຮັດໃຫ້ການຄຸ້ມຄອງ, ລະບຽບການ, ການເກັບກຳ, ການເຂົ້າເຖິງ, ການນຳໃຊ້ ແລະ ການເປີດເຜີຍຂໍ້ມູນໃຫ້ມີຄວາມຖືກຕ້ອງແນໃສ່ປົກປ້ອງຂໍ້ມູນຂ່າວ ສານຂອງບຸກຄົນ, ນິຕິບຸກຄົນ ແລະ ການຈັດຕັ້ງໃນຮູບແບບເອເລັກໂຕຣນິກ ຫຼື ແບບອື່ນ ໃຫ້ມີຄວາມປອດໄພຮັບປະກັນໃຫ້ປະເທດຊາດມີຄວາມໝັ້ນຄົງ ແລະ ສັງຄົມມີຄວາມ ສະຫງົບປະກອບສ່ວນເຂົ້າໃນ ການພັດທະນາເສດຖະກິດ-ສັງຄົມຂອງຊາດ, ເພື່ອໃຫ້ ສອດຄ່ອງກັບສະພາບຄວາມ ເປັນຈິງຂອງການພັດທະນາດ້ານເສດຖະກິດ-ສັງຄົມຂອງປະເທດເຮົາ ແລະ ຄຸ້ມຄອງເຕັກໂນໂລຊີສື່ສານຂໍ້ມູນຂ່າວ ສານທັນກັບສະພາບການປ່ຽນແປງໃນແຕ່ລະໄລຍະ ໂດຍຕິດ ພັນກັບສົນທິສັນຍາສາກົນທີ່ ສປປ ລາວ ເປັນພາຄີພ້ອມກັນນັ້ນ ກໍເພື່ອຊ່ວຍໃຫ້ພາກລັດຖະບານມີເຄື່ອງມືໃນການຄຸ້ມຄອງ ແລະ ປົກປ້ອງຂໍ້ມູນເອເລັກໂຕຣນິກ ລວມທັງສິດທິຂອງຜູ້ຊົມໃຊ້ໃຫ້ໄດ້ຮັບຄວາມເປັນທຳ ແລະ ປອດໄພ. ກົດໝາຍວ່າດ້ວຍການ ປົກປ້ອງຂໍ້ມູນເອເລັກໂຕຣນິກ ສະບັບນີ້ ປະກອບມີທັງໝົດ 11 ໝວດ ແລະ 55 ມາດຕາ, ສຳລັບໝວດທີ 6 ຂໍ້ຫ້າມທົ່ວ ໄປມີຄື: ຫ້າມບຸກຄົນ, ນິຕິບຸກຄົນ ແລະ ການຈັດຕັ້ງມີພຶດຕິ ກຳດັ່ງນີ້: 1. ເຂົ້າເຖິງ, ເກັບກຳ, ນຳໃຊ້, ເປີດເຜີຍທຳລາຍ, ດັກສະກັດ, ແກ້ໄຂ, ປອມແປງ, ສະໜອງຂໍ້ມູນເອເລັກໂຕຣນິກ ທີ່ເປັນຄວາມລັບຂອງລັດ, ບຸກຄົນ, ນິຕິບຸກຄົນ ຫຼື ການຈັດຕັ້ງ ໂດຍບໍ່ໄດ້ຮັບອະນຸຍາດ, 2. ສົ່ງ ຫຼື ໂອນຂໍ້ມູນເອເລັກໂຕຣນິກ ໂດຍບໍ່ໄດ້ຮັບອະນຸຍາດຈາກເຈົ້າຂອງຂໍ້ມູນ, 3. ສົ່ງຂໍ້ມູນເອເລັກໂຕຣນິກທີ່ບໍ່ມີແຫຼ່ງທີ່ມາ, ໂປຣແກມອັນຕະລາຍ, ໄວຣັດ, 4. ສ້າງຂໍ້ມູນເອເລັກໂຕຣນິກປອມ ຫຼື ຂໍ້ມູນເປັນອັນຕະລາຍ ແລະ ສ້າງຄວາມເສຍຫາຍໃຫ້ ຜູ້ອື່ນ, 5. ສວຍໃຊ້ຊ່ອງວ່າງ ຫຼື ຈຸດອ່ອນຂອງລະບົບຂໍ້ມູນເພື່ອເຂົ້າເຖິງ, ເກັບກຳ, ນຳໃຊ້ ແລະ ເປີດເຜີຍຂໍ້ມູນເອເລັກໂຕຣນິກ, 6. ມີພຶດຕິກຳອື່ນທີ່ເປັນການ ລະເມີດກົດໝາຍ. ຂໍ້ຫ້າມສຳລັບເຈົ້າຂອງ ຂໍ້ມູນ: 1. ຫ້າມຂັດຂວາງການ ສົ່ງ, ແຊກແຊງ, ເຂົ້າເຖິງ, ທຳ ລາຍ, ລຶບ, ແກ້ໄຂ ແລະ ປອມແປງຂໍ້ມູນເອເລັກໂຕຣນິກ ທີ່ເປັນການລະເມີດກົດໝາຍ ແລະ ລະບຽບການ, 2. ບຸກລຸກ ຫຼື ການກະທຳໃດທີ່ເປັນ ການເຮັດໃຫ້ການປະຕິບັດງານຂອງລະບົບຄວາມປອດໄພຂໍ້ມູນບໍ່ສາມາດເຮັດວຽກ ໄດ້, 3. ສົ່ງຂໍ້ມູນເອເລັກໂຕຣ ນິກທີ່ບໍ່ມີແຫຼ່ງທີ່ມາ, ໂປຣແກຣມອັນຕະລາຍ, ໄວຣັດ, 4. ສ້າງ ຂໍ້ມູນເອເລັກໂຕຣນິກປອມ ຫຼື ຂໍ້ມູນທີ່ເປັນອັນຕະລາຍ ແລະ ສ້າງຄວາມເສຍຫາຍໃຫ້ຜູ້ອື່ນ, 5. ສວຍໃຊ້ຊ່ອງວ່າງ ຫຼື ຈຸດ ອ່ອນຂອງລະບົບຂໍ້ມູນເພື່ອເຂົ້າເຖິງ, ເກັບກຳ, ນຳໃຊ້ ແລະ ເປີດເຜີຍຂໍ້ມູນເອເລັກໂຕຣນິກ, 6. ມີພຶດຕິກຳອື່ນທີ່ເປັນການລະເມີດກົດໝາຍ. ຂໍ້ຫ້າມສຳລັບຜູ້ຄຸ້ມຄອງຂໍ້ມູນ: ຫ້າມຜູ້ຄຸ້ມຄອງຂໍ້ມູນມີພຶດຕິກຳດັ່ງນີ້: 1. ເຂົ້າເຖິງ, ເກັບກຳ, ນຳໃຊ້, ເປີດເຜີຍ ຫຼື ເຜີຍແຜ່ຂໍ້ມູນເອເລັກໂຕຣນິກຂອງລັດ, ບຸກຄົນ, ນິຕິບຸກຄົນ ຫຼື ການຈັດຕັ້ງໂດຍບໍ່ໄດ້ຮັບ ອະນຸຍາດ, 2. ເຂົ້າເຖິງ, ເກັບກຳ, ນຳໃຊ້, ເປີດເຜີຍ, ສະໜອງ, ປັບປຸງ, ທຳລາຍຂໍ້ມູນ ເອເລັກໂຕຣນິກທີ່ຕົນຄຸ້ມຄອງ ໂດຍບໍ່ໄດ້ຮັບອະນຸຍາດ, 3. ເກັບກຳ, ນຳໃຊ້, ເປີດເຜີຍ ຂໍ້ມູນເອເລັກໂຕຣນິກກ່ຽວກັບເຊື້ອຊາດ, ເຜົ່າພັນ, ຄວາມຄິດເຫັນທາງການເມືອງ, ຄວາມ ເຊື່ອຖືທາງສາສະໜາ, ພຶດຕິ ກຳທາງເພດ, ປະຫວັດອາຊະ ຍາກຳ, ຂໍ້ມູນສຸຂະພາບ ຫຼື ຂໍ້ ມູນອື່ນ ຊຶ່ງສົ່ງຜົນກະທົບຕໍ່ ຄວາມໝັ້ນຄົງຂອງຊາດ, ຄວາມ ສະຫງົບ ແລະ ຄວາມເປັນລະ ບຽບຮຽບຮ້ອຍຂອງສັງຄົມ, 4. ມີພຶດຕິກຳອື່ນທີ່ເປັນການ ລະເມີດກົດໝາຍ. ຈາກນັ້ນ ປະທານກອງປະ ຊຸມໄດ້ເນັ້ນໃຫ້ສະມາຊິກສະ ພາແຫ່ງຊາດ ປະກອບຄຳຄິດ ຄຳເຫັນໃສ່ມາດຕາ 2, ໝວດ ທີ 3, ໝວດທີ 4, ມາດຕາ 26-29, ການແບ່ງສິດຄຸ້ມ ຄອງ, ຕິດຕາມກວດກາວຽກ ງານກ່ຽວກັບການປົກປ້ອງຂໍ້ ມູນຂ່າວສານເອເລັກໂຕຣນິກລະຫວ່າງສູນກາງ, ທ້ອງຖິ່ນ ແລະ ພາກສ່ວນອື່ນທີ່ກ່ຽວຂ້ອງເຫັນວ່າຖືກຕ້ອງ, ເໝາະສົມ ແລະ ສອດຄ່ອງກັບແນວທາງນະໂຍບາຍຂອງພັກ-ລັດຕາມ ທິດ 3 ສ້າງແລ້ວ ຫຼື ບໍ່, ການກຳນົດກ່ຽວກັບມາດຕະການປັບໃໝໃນມາດຕາ 51 ຂອງ ຮ່າງກົດໝາຍສະບັບນີ້ແມ່ນ ກຳນົດການປັບໃໝທາງດ້ານ ບໍລິຫານຕໍ່ກັບການກຳນົດມູນຄ່າປັບໄໝດັ່ງກ່າວ ບັນດາທ່ານ ເຫັນວ່າມີຄວາມເໝາະສົມ ແລ້ວບໍ່ກັບສະພາບຄວາມເປັນຈິງທາງດ້ານເສດຖະກິດ-ສັງ ຄົມຂອງປະເທດເຮົາແລ້ວ ຫຼື ບໍ່. ຈາກນັ້ນ ປະທານກອງປະຊຸມໄດ້ສະຫຼຸຸບລວມການປະກອບ ຄຳຄິດຄຳເຫັນ ແລະ ສະເໜີໃຫ້ສະມາຊິກສະພາແຫ່ງຊາດ ລົງຄະແນນຮັບຮອງເອົາກົດ ໝາຍດັ່ງກ່າວດ້ວຍຄະແນນສຽງເຫັນດີເປັນສ່ວນຫຼາຍ.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: