ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ຄະນະຮັບຜິດຊອບຮ່າງປະມວນກົດໝາຍອາຍາຊີ້ແຈງຕໍ່ຄຳຊັກຖາມ ຂອງ ສສຊ

ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງ ຊາດ ຊຸດທີ VIII ໃນວັນທີ 17 ພຶດສະພານີ້, ພາຍໃຕ້ການເປັນປະທານຂອງທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ ສສຊ ໄດ້ສະເໜີໃຫ້ປັບແກ້ ຫຼາຍມາດຕາ, ຂະນະທີ່ ທ່ານ ເກດ ກຽດຕິສັກ ຮອງລັດຖະມົນ ຕີກະຊວງຍຸຕິທຳ ອະນຸກຳມະການຮ່າງປະມວນ ກົດໝາຍ ອາຍາໄດ້ ຂຶ້ນຊີ້ແຈງກ່ຽວ ກັບຂໍ້ຊັກຖາມຂອງສະມາຊິກສະພາແຫ່ງຊາດ (ສສຊ) ວ່າ:

ສຳລັບຜູ້ກະທຳຜິດຕາມກົດໝາຍແພ່ງແມ່ນດຳເນີນຄະດີຕໍ່ຜູ້ກະທຳຜິດທີ່ມີອາຍຸແຕ່ 18 ປີຂຶ້ນໄປ ສຳລັບກົດໝາຍອາຍາ ແລ້ວແມ່ນໃຫ້ດຳເນີນຄະດີຕໍ່ຜູ້ກະທຳຜິດທີ່ມີອາຍຸ ແຕ່ 15 ປີຂຶ້ນໄປ, ໝາຍຄວາມວ່າສຳລັບເດັກທີ່ມີອາຍຸຕ່ຳກ່ວາ 15 ປີ ລົງມາຫາກກະທຳຜິດ ແມ່ນຈະບໍ່ມີຄວາມຮັບຜິດຊອບ ທາງອາຍາເຖິງ ວ່າການກະທຳຜິດນັ້ນໆຈະຮ້າຍແຮງກໍຕາມ, ມາດຕາ 128 ການຟອກເງິນ ແມ່ນໄດ້ມາຈາກກົດໝາຍການ ຕ້ານສະກັດກັ້ນການຟອກເງິນ ແລະ ການສະໜອງທຶນໃຫ້ ແກ່ການກໍ່ການຮ້າຍ ສຳລັບນິຍາມ ກົດໝາຍວ່າດ້ວຍການຟອກເງິນແມ່ນຖືວ່າສອດຄ່ອງກັບພາກພື້ນ, ຫາກຜູ້ໃດເຊື່ອງເງິນທີ່ຟອກແລ້ວເອົາເຂົ້າໃນບັນຊີ ຖືວ່າເປັນບຸກຄົນທີ່ໃຫ້ການຊ່ວຍເຫຼືອກໍຖືວ່າ ເປັນຜູ້ກະທຳຜິດໄປນຳ, ມາດຕາ 296 ການ ຄິດໄລ່ດອກເບ້ຍສູງສຳລັບ ມາດຕານີ້ ທາງອະນຸກຳມະ ການຮ່າງປະມວນກົດໝາຍອາຍາໄດ້ປຶກສາຫາລືກັບທະນາຄານແຫ່ງ ສປປ ລາວ ຫຼາຍລົບຫຼາຍຕ່າວແລ້ວ ໃນທີ່ສຸດກໍໄດ້ພິຈາລະນາກຳນົດໃສ່ໃນຮ່າງກົດໝາຍສະບັບດັ່ງກ່າວນີ້, ມາດ ຕາ 307-308 ວ່າດ້ວຍທີ່ດິນບໍ່ ແມ່ນລະບຽບການຄຸ້ມຄອງທີ່ດິນແຕ່ຫາກແມ່ນກົດໝາຍວ່າ ດ້ວຍທີ່ດິນທີ່ສຳລັບບັນຫາດັ່ງກ່າວນີ້ ອະນຸກຳມະການພວກ ເຮົາຈະໄດ້ພິຈາລະນາ ແລະ ປັບປຸງຄືນ. ສຳລັບມາດຕາ 173 ການ ລະເມີດລະບຽບການກ່ຽວກັບ ຄວາມປອດໄພດ້ານແຮງງານ, ສຸຂະອະນາໄມ ແລະ ຄວາມປອດໄພໃນຫົວໜ່ວຍແຮງງານ, ມາດຕາ 399 ການຈຳນົນຕໍ່ສັດຕູ ສຳລັບມາດຕາດັ່ງກ່າວນີ້ ຫາກຜູ້ກະທຳຜິດຍອມຮັບສາລະພາບ ຫຼື ເປີດເຜີຍຂໍ້ມູນໃຫ້ ສັດຕູໝົດແລ້ວ, ສັດຕູປ່ອຍຕົວອອກມາ ຊຶ່ງບັນຫາດັ່ງກ່າວນີ້ ແມ່ນພວກເຮົາມີມາດຕະການໃສ່ໂທດສຳລັບກໍລະນີດັ່ງກ່າວ ນີ້ທັງນີ້ກໍຈະໄດ້ຂໍຄຳເຫັນນຳຄະນະປະທານ ເພື່ອພິຈາລະ ນາຕາມຄວາມເຫັນສົມຄວນຕື່ມອີກ ເພື່ອຄວາມລະອຽດ ແລະ ຮັດກຸມ, ດຳລັດວ່າດ້ວຍ ການກຳນົດເຂດຍຸດທະສາດ ປ້ອງກັນທີ່ຕັ້ງແມ່ນຈະໄດ້ກຳນົດລະອຽດຄືນໃໝ່ໃຫ້ລະອຽດ ຕື່ມອີກ ເພາະດຳລັດດັ່ງກ່າວ ເປັນວຽກທີ່ລະອຽດອ່ອນ. ມາດຕາ 115 ບຸກຄົນໃດຫາກໂຄສະນາໃສ່ຮ້າຍປ້າຍສີ ສປປ ລາວ ບິດເບືອນແນວທາງຂອງພັກ ແລະ ນະໂຍບາຍຂອງ ລັດ, ບັນດາ ສສຊ ຢາກໃຫ້ ເພີ່ມໂທດ ແລະ ຄ່າປັບໃໝ່ຂຶ້ນຕື່ມອີກ ເພາະການໂຄສະນາ ດັ່ງກ່າວຝືນຕໍ່ນະໂຍບາຍຂອງ ພັກ-ລັດ ໃນໄລຍະໃໝ່, ມາດຕາ 148 ວ່າດ້ວຍການຈັດຕັ້ງ ແຂ່ງລົດໃຫຍ່, ລົດຈັກໂດຍບໍ່ ຖືກຕ້ອງຕາມກົດໝາຍ ຊຶ່ງກົດ ໝາຍສະບັບນີ້ຈະຖືກປັບໄໝ ແຕ່ 10 ລ້ານ - 50 ລ້ານກີບ ຫຼື ດັດສ້າງໂດຍບໍ່ຕັດອິດສະລະພາບຈະຖືກປັບໄໝແຕ່ 5-20 ລ້ານກີບ ຫາກກໍລະນີເກີດອຸບັດເຫດ, ມີຜູ້ເສຍຊີວິດຈະຕັດອິດສະລະພາບແຕ່ 5 ປີ ຫາ 7 ປີ ແລະ ປັບໄໝ 20 - 70 ລ້ານກີບ ຊຶ່ງ ສສຊ ບາງທ່ານ ຢາກ ໃຫ້ຫຼຸຸດໂທດລົງ ເພາະໃນນັ້ນ ແມ່ນມີລູກຮັກຫຼານແພງຂອງ ພະນັກງານພວກເຮົາ ຫາກກໍລະນີບໍ່ມີຜູ້ເສຍຊີວິດແມ່ນໃຫ້ ສຶກສາອົບຮົມລູກຫຼານໃຫ້ເຫັນ ໄດ້ເຖິງອັນຕະລາຍ ພ້ອມທັງ ຜິດຕໍ່ກົດໝາຍອາຍາ. ມາດຕາ 190 ວ່າດ້ວຍ ການເຮັດໃຫ້ຜູ້ອື່ນເສຍຊີວິດ ຍ້ອນການປ້ອງກັນຕົວເກີນຂອບເຂດ ສຳລັບມາດຕາດັ່ງກ່າວ ປະຊາຊົນລາວບັນດາເຜົ່າແມ່ນ ມີສິດປ້ອງກັນຕົວເອງ ໂດຍຖືກ ຕ້ອງຕາມກົດໝາຍ ແຕ່ວ່າບໍ່ ໃຫ້ປ້ອງກັນຕົວເອງຈົນເກີນໄປ ແລະ ເຮັດໃຫ້ຜູ້ອື່ນເຖິງແກ່ຄວາມຕາຍ. ນອກຈາກນີ້ກໍຍັງມີມາດ ຕະການອື່ນໆທີ່ບັນດາ ສສຊ ໃຫ້ຄວາມສົນໃຈຕື່ມອີກຈຳ ນວນໜຶ່ງ ໃນຕອນບ່າຍປະທານ ກອງປະຊຸມກໍໄດ້ສືບຕໍ່ປະກອບ ຄຳຄິດຄຳເຫັນ ແລະ ສະເໜີ ສະມາຊິກສະພາແຫ່ງຊາດລົງ ຄະແນນສຽງຮັບຮອງເອົາຮ່າງ ປະມວນກົດໝາຍອາຍາດ້ວຍ ຄະແນນສຽງເຫັນດີເປັນສ່ວນ ຫຼາຍ

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: