ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະພາພິຈາລະນາ ຮ່າງມະຕິ ກ່ຽວກັບການຄຸ້ມຄອງ ລາຄາສິນຄ້າ ແລະ ມາດຕະການແກ້ໄຂ ຈຳນວນໜຶ່ງ

ບັນດາ​ສະມາຊິກ​ ສະພາ​ແຫ່ງ​ຊາດ (ສສຊ) ​ໄດ້​ຄົ້ນຄວ້າປະກອບ​ຄຳ​ເຫັນ ໃສ່​ຮ່າງມະຕິ ກ່ຽວກັບ ການຄຸ້ມຄອງລາຄາສິນຄ້າ ແລະ ມາດຕະການ ແກ້ໄຂຈຳນວນໜຶ່ງ ເພື່ອຫລຸດຜ່ອນ ຜົນກະທົບຕໍ່ການຜະລິດ ແລະ ການດຳລົງຊີວິດ ຂອງປະຊາຊົນ ​ເຊິ່ງໄດ້ຖືກຍົກມາພິຈາລະນາ, ແກ້ໄຂ ແລະ ປັບປຸງໃນກອງປະຊຸມ ສະໄໝສາມັນ ເທື່ອທີ 3 ຂອງສະພາແຫ່ງຊາດ ເທື່ອທີ VIII ໃນ​ວັນ​ທີ 18 ພຶດສະ​ພາ​ 2017 ນີ້ ​ໂດຍ​ການ​ເປັນ​ປະທານ ຂອງທ່ານ ​ແສງ​ນວນ ​ໄຊ​ຍະ​ລາດ

ຮອງ​ປະທານ​ ສະພາ​ແຫ່ງ​ຊາດ. ທ່ານ ນາງ ສວນສະຫວັນ ວິຍາເກດ ກຳມະການຄະນະ ປະຈຳສະພາແຫ່ງຊາດ ເລຂາທິການສະ ພາແຫ່ງຊາດ ​ໄດ້​ສະ​ເໜີຮ່າງເນື້ອໃນມະຕິ ກ່ຽວກັບການຄຸ້ມຄອງລາຄາສິນຄ້າ ແລະ ມາດຕະການແກ້ໄຂຈຳນວນໜຶ່ງ ເພື່ອຫລຸດຜ່ອນ ຜົນກະທົບຕໍ່ການຜະລິດ ແລະ ການດຳລົງຊີວິດ ຂອງປະຊາຊົນ ​ເຊິ່ງໄດ້ສ້າງຕັ້ງຂຶ້ນ ບົນພື້ນຖານຂໍ້ມູນລາຍງານ ຂອງລັດຖະບານ ໂດຍສະເພາະແມ່ນ ຈາກບົດລາຍງານຂອງກະ ຊວງອຸດສາຫະກຳ ແລະ ການຄ້າ ແລະ ການລົງຕິດຕາມຕົວຈິງ ແຕ່ລະໄລຍະ ຂອງກຳມະທິການກ່ຽວ ຂ້ອງ, ຈາກຫາງສຽງຂອງສັງຄົມ ເຫັນວ່າເນື້ອໃນ ຂອງຮ່າງມະຕິສະບັບນີ້ ຍັງມີລັກສະນະບໍ່ຄົບຖ້ວນ, ຮັດ ກຸມ, ບໍ່ທັນສອດຄ່ອງກັບ ສະພາບຄວາມເປັນຈິງ, ຍັງບໍ່ສາມາດນຳໄປ ຜັນຂະຫຍາຍ ຈັດຕັ້ງປະຕິບັດໄດ້ຢ່າງເປັນຮູບປະທຳ ເຊັ່ນ: ບັນດານິຕິກຳຕ່າງໆ ກ່ຽວກັບການຄຸ້ມຄອງ ລາຄາສິນຄ້າ, ການບໍລິການຍັງບໍ່ທັນຄົບຖ້ວນ, ບໍ່ທັນຮັດກຸມ, ການຈັດຕັ້ງປະຕິບັດຍັງບໍ່ທັນເຂັ້ມງວດ, ບໍ່ມີປະສິດທິພາບເທົ່າທີ່ຄວນ. ລາຄາສິນຄ້າ ສະບຽງອາຫານບາງປະເພດ ມີການເໜັງຕິງຕາມລະດູການ ຍັງມີລາຄາແພງກ່ວາ ປະເທດ​ໃກ້ຄຽງ, ການວາງນະໂຍບາຍ ກໍຄືຄວາມສາມາດໃນການດັດສົມ ລາຄາສິນຄ້າທີ່ເປັນຂອງລັດ ຍັງບໍ່ທັນພຽງພໍ, ຊັກຊ້າ, ແກ່ຍາວ ເຮັດໃຫ້ມີຜົນກະທົບ ໂດຍກົງຕໍ່ການຜະລິດ, ການດຳລົງຊີວິດຂອງ ຖັນແຖວພະນັກງານ, ທະຫານ, ຕໍາຫລວດ ແລະ ປະຊາຊົນ ຜູ້ທີ່ມີລາຍໄດ້ໜ້ອຍ.

ພ້ອມ​ດຽວ​ກັນ​ນີ້, ກອງປະຊຸມໄດ້ສະເໜີ ໃຫ້ລັດຖະບານ ເອົາໃຈໃສ່ຊີ້ນຳ ການຈັດຕັ້ງປະຕິບັດ ບາງມາດຕາການ ເພີ່ມຕື່ມ ເປັນຕົ້ນ ຄົ້ນຄ້ວາຍົກລະດັບ ດຳລັດຂອງນາຍົກລັດຖະມົນຕີ ວ່າດ້ວຍການຄຸ້ມຄອງລາຄາສິນຄ້າ, ຄ່າບໍລິການຂຶ້ນເປັນກົດໝາຍ, ພ້ອມອອກນິຕິກຳ ເພີ່ມຕື່ມເພື່ອຄຸ້ມຄອງ, ກວດກາການນຳເຂົ້າ ແລະ ການຈຳໜ່າຍສິນຄ້າ ປະເພດສະບຽງອາຫານ ໃຫ້ມີຄວາມຮັດກຸມ; ຄົ້ນຄ້ວາອອກມາດຕະການ ຫລຸດຜ່ອນຕົ້ນທຶນການຜະລິດ, ສຶກສາລະອຽດ ຕໍ່ໂຄງປະກອບລາຄາ ແຕ່ລະປະເພດສິນຄ້າ ທີ່ເປັນສິນຄ້າປາຍແຫລມ, ເປັນທ່າແຮງຂອງປະເທດເຮົາ ເພື່ອໃຫ້ທ່າແຮງ ໃນການຜະລິດ ຂະຫຍາຍຕົວໄວ ສາມາດແຂ່ງຂັນໄດ້ ເປັນຕົ້ນ ແມ່ນສິນຄ້າກະສິກຳ ປອດສານພິດ, ການຜະລິດທີ່ເປັນເອກະລັກ, ມູນເຊື້ອຂອງແຕ່ລະທ້ອງຖິ່ນ, ສົ່ງເສີມການຊື້ການຂາຍ ໃຫ້ເປັນຮູບປະທຳ ເພື່ອຫລຸດຜ່ອນການຊື້ຂາຍ ຜ່ານຫລາຍຂອດ ແລະ ເຮັດໃຫ້ຕົ້ນທຶນສິນຄ້າ ນຳເຂົ້າຫລຸດລົງ; ພ້ອມ​ທັງ ປະຕິບັດມາດຕະການ ຢ່າງເຂັ້ມງວດ ຕໍ່ຜູ້ນຳເຂົ້າ ແລະ ຕໍ່ຜູ້ຄ້າຂາຍທີ່ບໍ່ຖືກຕ້ອງ, ຄ້າຂາຍເຖື່ອນ ແລະ ຄ້າຂາຍນອກລະບົບ, ສິນຄ້າສະບຽງອາຫານ, ຢາປົວພະຍາດ, ສິນຄ້າທີ່ບໍ່ມີສະຫລາກ ແລະ ຜູ້ສວຍໂອກາດ ຂຶ້ນລາຄາສິນຄ້າໂດຍລຳພັງ. ບໍ່ໃຫ້ນຳເຂົ້າຊີ້ນ, ເຄື່ອງໃນສັດ, ປາ, ໄຂ່, ສິ້ນສ່ວນສັດປີກ, ອາຫານທະເລ, ຢາປົວພະຍາດ, ເຄື່ອງສຳອາງ, ອາຫານເສີມສຳເລັດຮູບ ແລະ ອຸປະກອນການແພດ ເພື່ອເປົ້າໝາຍທາງການຄ້າ ໂດຍບໍ່ໄດ້ຜ່ານບໍລິສັດ ຂາເຂົ້າ-ຂາອອກ ທີ່ໄດ້ຮັບອະນຸຍາດ ຖືກຕ້ອງຕາມກົດໝາຍ.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: