ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ບັນດາກຳມາທິການສະພາພິຈາລະນາຫຼາຍບັນຫາສຳຄັນ

ກອງ​ປະຊຸມ​ຄົບ​ຄະນະ​ກຳມາທິ​ການ​ແຜນການ ການ​ເງິນ ແລະ ການ​ກວດ​ສອບສະພາ​ແຫ່ງ​ຊາດ ຈັດ​ຂຶ້ນ​ວັນ​ທີ 29-31 ສິງຫາ 2017 ທີ່​ຄະນະ​ຈັດ​ຕັ້ງ​ສູນ​ກາງພັກ ໂດຍ​ເປັນ​ປະທານ​ຂອງ​ທ່ານ ວິໄລ​ວົງ ບຸດ​ດາ​ຄຳ ປະທານ​ກຳມາ​ທິ​ການ​ແຜນການ ການ​ເງິນ ແລະ ການ​ກວດ​ສອບ​ສະພາ​ແຫ່ງຊາດ ມີ​ບັນດາ​ຄະນະ​ກຳມາ​ທິການ​ສະພາ​ແຫ່ງ​ຊາດ

ຕາງໜ້າສະພາ​ປະຊາຊົນ​ແຂວງ ນະຄອນຫຼວງ ແລະ ພາກສ່ວນ​ກ່ຽວຂ້ອງເຂົ້າ​ຮ່ວມ.

ກອງ​ປະຊຸມ​ຄົບ​ຄະນະ​ຄັ້ງ​ນີ້ ໄດ້ພ້ອມ​ກັນ​ຄົ້ນຄວ້າ ແລະ ພິ​ຈາລະນາ​ຫຼາຍ​ບັນຫາ​ສຳຄັນ ​ກ່ຽວ​ກັບການເຄື່ອນໄຫວ​ຂອງ​ວຽກ​ງານກຳມາ​ທິ​ການ ແລະ ປະກອບ​ຄຳເຫັນ​ໃສ່​ເອກະສານ​ຕ່າງໆ ​ທີ່​ກຳມາ​ທິ​ການ​ແຜນການ ການ​ເງິນ ແລະ ການ​ກວດ​ສອບ​ຮັບຜິດຊອບ ແລະ ເນື້ອ​ໃນ​ທີ່​ຈະ​ບັນຈຸ​ເຂົ້າ​ໃນວາລະ​ກອງ​ປະຊຸມ​ສະໄໝ​ສາມັນເທື່ອ​ທີ 4 ຂອງ​ສະພາ​ແຫ່ງ​ຊາດ ຊຸດ​ທີ VIII ເຊັ່ນ: ດ້ານ​ນິຕິບັນຍັດ ເຊິ່ງ​ຈະ​ໄດ້​ຮັບ​ຟັງ​ບົດຮຽນ​ຈາກ​ສາກົນ​ກ່ຽວ​ກັບ​ການ​ຄຸ້ມ​ຄອງ​ລະບົບໜີ້​ສາທາລະນະ ແລະ ລະບຽບການ​ຈັດ​ຊື້ ຈັດ​ຈ້າງ​ ດ້ວຍ​ງົບ​ປະມານ​ຂອງ​ລັດ ທີ່​ພົວພັນ​ເຖິງ 3 ກົດໝາຍ​ທີ່​ຈະ​ສ້າງ​ຂຶ້ນ​ໃໝ່ ຄື: ກົດໝາຍ​ວ່າ​ດ້ວຍ​ການ​ຈັດ​ຊື້ດ້ວຍ​ທຶນ​ຂອງ​ລັດ ການ​ຄຸ້ມ​ຄອງໜີ້​ສິນ​ສາທາລະນະ ແລະ ກົດໝາຍວ່າ​ດ້ວຍ​ການ​ຊຳລະ​ສະສາງ​ແຫ່ງ​ຊາດ.

ພ້ອມ​ນັ້ນ ທີ່​ປະຊຸມ​ຍັງ​ໄດ້​ຮັບຟັງ​ການ​ລາຍ​ງານ​ບັນຫາ​ສຳຄັນຂອງ​ຊາດ ເປັນຕົ້ນ ສະພາບ​ການຈັດ​ຕັ້ງ​ປະຕິບັດ​ແຜນ​ພັດທະນາເສດຖະກິດ-ສັງຄົມ ແຜນ​ເງິນຕາ ງົບປະມານ ແລະ ການ​ກວດສອບ​ແຫ່ງ​ລັດ ກ່ຽວ​ກັບ​ຜົນ​ການເຄື່ອນ​ໄຫວ​ວຽກ​ງານ ປີ 2017 ແລະ ທິດ​ທາງ​ແຜນການ ປີ 2018 ລວມ​ທັງ​ການ​ກວດ​ສອບບົດ​ສະຫຼຸບ​ຂາດ​ຕົວ​ງົບປະມານແຫ່ງ​ລັດ ສົກ​ປີ 2015-2016 ຜ່ານ​ມາ ເພື່ອ​ເປັນ​ການ​ຕິດຕາມກວດກາ​ການຈັດຕັ້ງ​ປະຕິບັດ​ວຽກງານ​ດັ່ງກ່າວ​ ໃຫ້​ມີ​ຜົນສຳເລັດຫຼາຍ​ຂຶ້ນ.

ນອກ​ນີ້ ວັນ​ທີ 29-31 ສິງຫາ 2017 ທີ່​ສູນ​ການ​ຮ່ວມ​ມື​ສາກົນ ລາວ-ຍີ່ປຸ່ນ (ICTC) ຄະນະ​ກຳມາ​ທິ​ການ​ບັນດາເຜົ່າ​ຂອງ​ສະພາແຫ່ງ​ຊາດ​ ໄດ້​ຈັດ​ກອງ​ປະຊຸມ​ຄົບຄະນະ​ກຳມາ​ທິ​ການ​ບັນດາເຜົ່າ ປະຈຳ​ປີ 2017 ຂຶ້ນ ໂດຍ​ການເປັນ​ປະທານ​ຂອງ​ທ່ານ​ນາງ ບົວພັນ ລີ​ໄກ​ຢາ ປະທານ​ກຳມາ​ທິການ​ບັນດາເຜົ່າຂອງ​ສະພາ​ແຫ່ງຊາດ ໄດ້​ຮັບ​ຟັງ​ລາຍ​ງານ​ບົດ​ສະຫຼຸບ​ການເຄື່ອນໄຫວ ປະຈຳ​ປີ 2017 ແລະ ທິດ​ທາງ​ແຜນການ​ປີ 2018 ສະພາບ​ຄວາມ​ຄືບ​ໜ້າ ກ່ຽວ​ກັບ​ການ​ສ້າງ​ຮ່າງ​ກົດໝາຍວ່າ​ດ້ວຍ​ສະຫະພັນ​ນັກຮົບ​ເກົ່າ ບັນຫາ​ທີ່​ພົ້ນ​ເດັ່ນ​ດ້ານ​ຕັ້ງໜ້າ ແລະ ຫຍໍ້ທໍ້​ຈຳນວນ​ໜຶ່ງ​ໃນ​ການພັດທະນາ​ຊົນນະບົດ ແລະ ແກ້​ໄຂຄວາມທຸກ​ຍາກ​ຂອງ​ປະຊາຊົນ ພ້ອມ​ນັ້ນ ກອງ​ປະຊຸມ​ຍັງ​ໄດ້ເຜີຍແຜ່​ເນື້ອ​ໃນ​ດຳລັດ 315/​ລບ ວ່າ​ດ້ວຍ​ການ​ຄຸ້ມ​ຄອງ ແລະ ປົກປ້ອງ​ການເຄື່ອນໄຫວ​ສາສະໜາ​ຢູ່ ​ສປປ ລາວ ຕື່ມ​ອີກ

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: