ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

6 ເດືອນຕົ້ນປີ ລັດອະນຸຍາດການລົງທຶນ ຈຳນວນ 3.151 ໂຄງການ

ຂປລ. ​ໃນ 6 ​ເດືອນ​ຕົ້ນ​ປີ ​ລັດຖະບານໄດ້​ອະນຸຍາດ​ການ​ລົງ ທຶນ​ທັງ​ໝົດ ທັງ​ສູນ​ກາງ​ ແລະ ທ້ອງ​ຖິ່ນ ມີ​ຈຳນວນ 3.151 ​ໂຄງການ, ຊຶ່ງ​ມີ​ມູນ​ຄ່າ ​ທຶນຈົດ​ທະບຽນ 6.148 ລ້ານ​ໂດ​ລາ​ສະຫະລັດ ຫລື ປະມານ 51.588 ຕື້​ກີບ. ສຳລັບ​ທຶນ​ທີ່​ປະຕິບັດ​ຕົວ​ຈິງ ​ໃນ​ປີ​ນີ້ ມີປະມານ 1.970,06 ລ້ານ​ໂດ​ລາ​ສະຫະລັດ ຫລື 16.530,97 ຕື້​ກີບ, ລື່ນ​ແຜນ 10%, ​ໃນ​ນີ້ ທຶນ​ທີ່​ເປັນ​ເງິນສົດ ມີ 496,33 ລ້ານ​ໂດ​ລາ​ສະຫະລັດ,

, ທຶນ​ທີ່​ນຳ​ເຂົ້າ​ເປັນ​ວັດຖຸ​ອຸປະກອນ ​ແລະ ພາຫະນະ 1.160,87 ລ້ານ​ໂດ​ລາ​ສະ ຫະລັດ ​ແລະ ທຶນ​ທີ່​​ໃຊ້​ຈ່າຍ ​ໃນ​ໂຄງການ​ທາງ​ລົດ​ໄຟ​ ລາວ-ຈີນ ທີ່​ປະຕິບັດ​ໄດ້ 10% ​ເປັນ​ມູນ​ຄ່າ 312,86 ລ້ານ​ໂດ​ລາ​ສະຫະລັດ, ຊຶ່ງຂໍ້​ມູນ​ດັ່ງກ່າວ​ ໄດ້​ລາຍ​ງານ​ຢູ່​ໃນ​ກອງ​ປະຊຸມສ​ະ​ໄໝ​ສາມັນ​ເທື່ອ​ທີ 4 ສະພາ​ແຫ່ງ​ຊາດ​ ຊຸດ​ທີ VIII ​​​ໃນ​ວັນ​ທີ 16 ຕຸລາ 2017, ໂດຍ​ທ່ານ ສຸພັນ​ ແກ້ວ​ມີ​ໄຊ ລັດຖະ ມົນຕີ​ກະຊວງ​ແຜນການ ​ແລະ ການ​ລົງທຶນ.

ທ່ານ ສຸພັນ ​ແກ້ວ​ມີ​ໄຊ ກ່າວ​ວ່າ: ສຳລັບການ​ລົງທຶນ​ເພື່ອ​ການ​ພັດທະນາ ທີ່​ສະພາ​ໄດ້​ຮັບຮອງ​ປີ 2017 ມີ​ມູນ​ຄ່າ 36.366 ຕື້​ກີບ, ​ໃນ 6 ​ເດືອນ​ຕົ້ນ​ປີ ​ສາມາດ​ປະຕິບັດ​ໄດ້​ທັງ​ໝົດ 25.330,79 ຕື້​ກີບ ​ເທົ່າ​ກັບ 69,65 ຂອງ​ແຜນການ. ​ໃນ​ນັ້ນການ​ລົງທຶນ​ຂອງ​ລັດ ສະພາ​ໄດ້​ຮັບຮອງ​ທັງ​ໝົດ 5.463 ຕື້​ກີບ, ທຶນ​ບ້ວງ​ຈົດ​ຮັບ-ຈົດ​ຈ່າຍ ​ແລະ ທຶນ​ອື່ນໆມີ​ຈຳນວນ 2,163 ຕື້​ກີບ ​ແລະ ທຶນ​ປົກກະຕິ 3,300 ຕື້​ກີບ ທີ່​ໄດ້​ຈັດ​ແບ່ງ​ໃຫ້ 6.497 ​ໂຄງການ, ​ໃນ 6 ​ເດືອນ​ຕົ້ນປີ ​ປະຕິບັດ​ແລ້ວ​ເປັນ​ທຶນ 1.780,97 ຕື້​ກີບ ​ເທົ່າ​ກັບ 54% ຂອງ​ແຜນການ​ປີ ຊຶ່ງ​ຈັດ​ສັນ​ໃສ່ 3.592 ​ໂຄງການ.

ນອກນີ້, ​ໄດ້​ຈັດ​ສັນໃສ່​ການ​ແກ້​ໄຂ​ໜີ້​ສິນ​ເປັນ​ມູນ​ຄ່າ 373,69 ຕື້​ກີບ ກວມ 11%, ​ໂຄງການສືບ​ຕໍ່​ເປັນ​ມູນ​ຄ່າ 1.198,95 ຕື້​ກີບ ກວມ 36%, ​ໂຄງການ​ໃໝ່​ເປັນ​ມູນ​ຄ່າ 160,38 ຕື້​ກີບ ກວມ​ເອົາ 5% ​ແລະ ການ​ສົມທົບ​ທຶນ​ໂຄ​ງການ​ຊ່ວຍ​ເຫລືອ​ເປັນ​ມູນ​ຄ່າ 47,94 ຕື້​ກີບ ກວມ 1%. ເສດຖະກິດ​ຂອງ​ປະ​ເທດ​ເຮົາ​ທຽບ​ໃສ່​ປີຜ່ານມາ ຍັງ​ສືບ​ຕໍ່​ເຕີບ​ໂຕ​ເພີ່ມ​ຂຶ້ນ​ໃນ​ລະດັບ 6,83%, ​ແຕ່​ຖ້າ​ທຽບ​ໃສ່​ແຜນ ການ​ທີ່​ສະພາ​ແຫ່ງ​ຊາດ​ຮັບຮອງ 7% ນັ້ນ​ເຫັນ​ວ່າ​ຫລຸດ​ແຜນ​ເລັກ​ນ້ອຍ 0,17%, ຊຶ່ງ​ມູນ​ຄ່າ​ຄາດ​ຄະ​ເນ​ໝົດ​ປີ​ແມ່ນ 140,102 ຕື້​ກີບ, GDP ສະ​ເລ່ຍຕໍ່​ຫົວ​ຄົນ​ຈະ​ບັນລຸ 2.472 ​ໂດ​ລາ​ສະຫະລັດ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: