ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ການນຳຂັ້ນສູງ ລາວ-ຫວຽດນາມ ຮ່ວມວາງສີລາລືກ ເປີດໂຄງການປຸກສ້າງ ຫໍສະພາແຫ່ງຊາດລາວ

ຂປລ. ບັນ​ດາ​ການ​ນຳ​ຂັ້ນ​ສູງ​ຂອງ ສປປ ລາວ ​ແລະ​ ສສ ຫວຽດນາມ ມີ ທ່ານ ບຸນ​ຍັງ ວໍລະ​ຈິດ ​ເລຂາທິການ​ໃຫຍ່ ຄະນະ​ບໍລິຫານ​ງານ ​ສູນ​ກາງ​ພັກ​ ປະຊາຊົນປະຕິວັດ​ລາວ, ປະທານ​ປະ​ເທດ ​ແຫ່ງ ສປປ ລາວ, ທ່ານ ນາງ ປານີ ຢາ​ທໍ່​ຕູ້ ກຳມະການ​ກົມ​ການ​ເມືອງ, ປະທານ​ສະພາ​ແຫ່ງ​ຊາດ​ລາວ, ທ່ານ ນາງ ຫງວຽນ ທິ ກິມ ​ເງິນ ກຳມະການ​ ກົມ​ການ​ເມືອງ​ ສູນ​ກາງ​ພັກ​ ກອມ​ມູນິດ​ຫວຽດນາມ,

ປະທານ​ສະພາ​ແຫ່ງ​ຊາດ ​ແຫ່ງ ສສ ຫວຽດນາມ, ທ່ານ ສອນ​ໄຊ ສີ​ພັນ​ດອນ ຮອງ​ນາຍົກລັດຖະມົນຕີ ​ແຫ່ງ ສປປ ລາວ, ທ່ານ ຈິ້ງ ດິງ ຢຸງ ຮອງ​ນາຍົກລັດຖະມົນຕີ ສສ ຫວຽ​ດນາມ ​ແລະ ພາກສ່ວນ​ກ່ຽວຂ້ອງ​ສອງ​ຝ່າຍ​ ​ໄດ້​ເຂົ້າ​ຮ່ວມ ​ພິທີ​ວາງ​ສີ​ລາ​ລືກ ​ແລະ ​ເປີດ​ໂຄງການ​ປຸກ​ສ້າງ ​ຫໍ​ສະພາ​ແຫ່ງ​ຊາດ ​ໃນ​ວັນ​ທີ 1 ພະຈິກ 2017 ທີ່​ນະຄອນຫລວງ​ວຽງ​ຈັນ.

ໃນໂອກາດ​ນີ້, ທ່ານ ສົມ​ພັນ ​ແພງ​ຄຳ​ມີ ຮອງ​ປະທານ​ ສະພາ​ແຫ່ງ​ຊາດ​ລາວ, ຫົວໜ້າ​ຄະນະ​ຊີ້​ນຳ​ໂຄງການປຸກ​ສ້າງ ​ຫໍ​ສະພາ​ແຫ່ງ​ຊາດ ​​ໄດ້​ໃຫ້​ຮູ້​ວ່າ: ​ໂຄງການ​ດັ່ງກ່າວ ​ມີ​ເນື້ອ​ທີ່​ທັງ​ໝົດ 23.400 ຕາ​ແມັດ, ​ໃນ​ນັ້ນ ມີເນື້ອ​ທີ່​ປຸກ​ອາຄານ 7.171 ຕາ​ແມັດ, ກວ້າງ 78 ​ເມັດ, ​ເນື້ອ​ທີ່​ຈອດ​ລົດ ​ແລະ ທາງ​ສັນຈອນ 9.450 ຕາ​ແມັດ ສາມາດ​ຈອດ​ລົດ​ໃຫຍ່​ໄດ້ 273 ຄັນ, ລົດ​ເມ 3 ຄັນ, ລົດ​ຈັກ 270 ຄັນ, ​ເປັນ​ອາຄານ 5 ຊັ້ນ, ສູງ 34,6 ​ແມັດ, ສາ​ມາດ​ບັນຈຸ​ໄດ້ 800-1.000 ຄົນ. ສ່ວນ​ຫ້ອງ​ປະຊຸມ​ສຳ​ລັບ ສສຊ ບັນຈຸ​ໄດ້ 433 ຄົນ. ​ໂດຍ​ໄດ້​ຮັບ​ການ​ຊ່ວຍ​ເຫລືອ​ລ້າ​ ຈາກລັດຖະບານ ​ແລະ ປະຊາຊົນ​ຫວຽດນາມ ຈຳນວນ 100 ລ້ານ​ໂດ​ລາ​ສະຫະລັດ ​ໃນ​ໂອກາດ ​ສະ​ເຫລີ​ມສະຫລອງ 2 ວັນ​ປະຫວັດສາດ ​ແຫ່ງ​ການ​ສ້າງ​ຕັ້ງ​ສາຍ​ພົວພັນ​ການ​ທູດລາວ-ຫວຽດນາມ ຄົບຮອບ 55 ປີ ​ແລະ ວັນ​ເຊັນ​ສົນທິສັນຍາ ຄົບຮອບ 40 ປີ, ​ໂດຍ​ແມ່ນ​ແມ່​ທັບ​ນ້ອຍ 11 ກະຊວງ​ປ້ອງ​ກັນ​ປະ​ເທດ​ຫວຽດນາມ ​ເປັນ​ຜູ້​ຮັບ​ເໝົາ​ກໍ່ສ້າງ.

ທ່ານ ສົມ​ພັນ ​ແພງ​ຄຳ​ມີ ຍັງ​ໃຫ້​ຮູ້​ຕື່ມ​ວ່າ: ຫໍ​ສະພາ​ແຫ່ງ​ນີ້​ ເມື່ອສ້າງ​ສຳ​ເລັດ ຈະ​ເປັນໜຶ່ງ​ໃນ​ສັນ ຍາ​ລັກ ​ແຫ່ງ​ສາຍ​ພົວພັນ​ ແບບ​ພິ​ເສດ ​ແລະ ການ​ພົວພັນ​ຮ່ວມ​ມື​ຮອບດ້ານ ລະຫວ່າງ ສອງ​ພັກ, ສອງ​ລັດ ​ແລະ ປະຊາຊົນ​ສອງ​ຊາດ ​ລາວ-ຫວຽດນາມ, ທັງ​ຈະ​ເປັນ​ມູນ​ມໍລະດົກ​ ອັນ​ລ້ຳ​ຄ່າໃຫ້​ລູກ​ຫລານ ​ຂອງ​ພວກ​ເຮົາ​ໄດ້​ປົກ​ປັກ​ຮັກສາ, ສຶກສາ ​ແລະ ຄົ້ນຄວ້າ​ຮ່ຳຮຽນ​ໃນ​ຂັ້ນ​ຕໍ່​ໄປ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: