ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ສະພາແຫ່ງຊາດ ຮັບຮອງເອົາຮ່າງກົດໝາຍວ່າດ້ວຍຜັງເມືອງ ແລະ ການກວດກາລັດ

ກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງ ຊາດ ຊຸດທີ VIII ໃນວັນທີ 16 ພະຈິກນີ້ ພາຍໃຕ້ການເປັນປະ ທານຂອງທ່ານ ສົມພັນ ແພງຄຳມີ ຮອງປະທານສະພາແຫ່ງຊາດ, ບັນດາ ສສຊ ໄດ້ປະກອບຄຳເຫັນໃສ່ຮ່າງ ກົດໝາຍ ສອງສະບັບຄື: ກົດໝາຍວ່າດ້ວຍຜັງເມືອງ ສະບັບປັບປຸງ ແລະ ກົດໝາຍວ່າດ້ວຍການກວດກາລັດ ສະບັບປັບປຸງ ກ່ອນຈະລົງຄະແນນສຽງ ຮັບຮອງເອົາດ້ວຍສຽງສ່ວນຫຼາຍ.

ທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິ ການ ແລະ ຂົນສົ່ງ ໄດ້ຂຶ້ນສະ ເໜີຮ່າງກົດໝາຍວ່າດ້ວຍຜັງ ເມືອງ (ສະບັບປັບປຸງ) ຕໍ່ກອງ ປະຊຸມວ່າ: ກົດໝາຍວ່າດ້ວຍ ຜັງເມືອງສະບັບປັດຈຸບັນ ຍັງບໍ່ ທັນໄດ້ຕອບສະໜອງກັບຄວາມ ຮຽກຮ້ອງຕ້ອງການຂອງການ ຄຸ້ມຄອງ ແລະ ການພັດທະນາ ຕົວເມືອງໃຫ້ທ່ວງທັນ ແລະ ສອດຄ່ອງກັບສະພາບການ ຂະຫຍາຍຕົວຂອງຕົວເມືອງ ໃນປັດຈຸບັນ ຊຶ່ງເຫັນໄດ້ຈາກ ການລະເມີດທີ່ເກີດຂຶ້ນ, ເປັນ ຕົ້ນແມ່ນການປຸກສ້າງທີ່ບໍ່ຖືກ ລະບຽບ, ການຖົມຮ່ອງ, ຖົມ ໜອງທຳມະຊາດ ຊຶ່ງເປັນສາ ເຫດໃຫ້ເກີດນ້ຳຖ້ວມ, ນ້ຳຂັງ, ຂາດຄວາມສວຍງາມ ແລະ ສົ່ງຜົນກະທົບຕໍ່ສິ່ງແວດລ້ອມ ຢູ່ໃນຕົວເມືອງ. ກົດໝາຍວ່າດ້ວຍຜັງ ເມືອງສະບັບປັດຈຸບັນ ຍັງບໍ່ ທັນໄດ້ປັບປຸງໃຫ້ສອດຄ່ອງກັບ ການປ່ຽນແປງທີ່ເກີດຂຶ້ນ, ເນື້ອ ໃນຂອງບາງມາດຕາຂອງກົດ ໝາຍຍັງບໍ່ລະອຽດ, ການແບ່ງ ຂັ້ນຄຸ້ມຄອງລະຫວ່າງສູນກາງ ກັບທ້ອງຖິ່ນຍັງບໍ່ລະອຽດ ແລະ ບໍ່ມີຄວາມເປັນເອກະພາບກັນ, ການແບ່ງຂັ້ນຄຸ້ມຄອງລະຫວ່າງ ຂະແໜງການດ້ວຍກັນ ກໍບໍ່ ທັນໄດ້ຈະແຈ້ງ. ນອກຈາກນັ້ນ ການປະຕິບັດມາດຕະການ ຂອງກົດໝາຍຍັງບໍ່ທັນສັກສິດ ເທົ່າທີ່ຄວນ. ດ້ານໂຄງປະກອບຂອງ ກົດໝາຍວ່າດ້ວຍຜັງເມືອງ (ສະບັບປັບປຸງ) ປະກອບດ້ວຍ 9 ພາກ, 14 ໝວດ ແລະ 96 ມາດຕາ, ໃນນັ້ນ ປັບປຸງໃໝ່ມີ 32 ມາດຕາ ແລະ 64 ມາດຕາ ເພີ່ມເຂົ້າໃໝ່. ຖ້າຫາກວ່າກົດໝາຍສະ ບັບນີ້ ຖືກຮັບຮອງເອົາ ແລະ ປະກາດໃຊ້ຈະເປັນການຈັດ ຕັ້ງຜັນຂະຫຍາຍຂອງພັກ ແລະ ການຈັດຕັ້ງຜັນຂະຫຍາຍແຜນ ການຂອງລັດເຂົ້າໃນຂະແໜງ ໂຍທາທິການ ແລະ ຂົນສົ່ງໃຫ້ ຮັດກຸມ, ຈະແຈ້ງ ແລະ ປະກົດ ຜົນເປັນຈິງຂຶ້ນ ໂດຍສະເພາະ ແມ່ນການຈັດແບ່ງຂັ້ນຄຸ້ມຄອງ ລະຫວ່າງສູນກາງ ແລະ ທ້ອງ ຖິ່ນ; ເປັນນິຕິກຳ ແລະ ເຄື່ອງ ມືທີ່ຮັດກຸມຄົບຖ້ວນກວ່າເກົ່າ ສຳລັບວຽກງານຄຸ້ມຄອງ ແລະ ພັດທະນາຕົວເມືອງ, ການນຳ ໃຊ້ທີ່ດິນໃນຕົວເມືອງ, ການ ພັດທະນາພື້ນຖານໂຄງລ່າງ ທາງດ້ານເສດຖະກິດ-ສັງຄົມ, ການຄຸ້ມຄອງການປຸກສ້າງ, ການຄຸ້ມຄອງການຂົນສົ່ງໃນ ຕົວເມືອງ ແລະ ຄຸ້ມຄອງສິ່ງ ແວດລ້ອມ ຊຶ່ງຈະເຮັດໃຫ້ຕົວ ເມືອງມີຄວາມເປັນລະບຽບ ຮຽບຮ້ອຍ, ມີຄວາມສະອາດ ແລະ ສວຍງາມຂຶ້ນ; ເປັນການ ສ້າງເງື່ອນໄຂອຳນວຍຄວາມ ສະດວກໃຫ້ກັບທຸກພາກສ່ວນ ຂອງສັງຄົມ ໄດ້ປະກອບສ່ວນ ເຂົ້າໃນການຈັດຕັ້ງປະຕິບັດ ແຜນຜັງເມືອງ, ຄຸ້ມຄອງຜັງ ເມືອງ, ການລົງທຶນເຂົ້າໃນ ການກໍ່ສ້າງພື້ນຖານໂຄງລ່າງ ຂອງຕົວເມືອງໃຫ້ຮັດກຸມມີປະ ສິດທິພາບ ແລະ ປະສິດທິຜົນ ດີຂຶ້ນ. ສຳລັບຕອນບ່າຍຂອງວັນ ດຽວກັນ, ກອງປະຊຸມສະໄໝ ສາມັນເທື່ອທີ 4 ຂອງສະພາ ແຫ່ງຊາດ ຊຸດທີ VIII ໄດ້ພິຈາ ລະນາຮັບຮອງເອົາຮ່າງກົດ ໝາຍວ່າດ້ວຍການກວດກາ ລັດສະບັບປັບປຸງ ພາຍຫຼັງ ທ່ານ ບຸນທອງ ຈິດມະນີ ຮອງ ນາຍົກລັດຖະມົນຕີ ປະທານ ອົງການກວດກາລັດຖະບານ ໄດ້ຂຶ້ນຜ່ານຮ່າງກົດໝາຍວ່າ ດ້ວຍການກວດກາລັດ ຊຶ່ງ ທ່ານໄດ້ຍົກໃຫ້ເຫັນເຖິງເຫດຜົນ ແລະ ຄວາມຈຳເປັນໃນການ ປັບປຸງຮ່າງກົດໝາຍສະບັບນີ້ ໂດຍຜ່ານການຈັດຕັ້ງປະຕິບັດ ໄລຍະຜ່ານມາ ກົດໝາຍວ່າ ດ້ວຍການກວດກາລັດ ສະບັບ ປັບປຸງ ປັດຈຸບັນໄດ້ເປັນພື້ນ ຖານບ່ອນອີງທີ່ດີແລ້ວ, ແຕ່ ຜ່ານການຈັດຕັ້ງປະຕິບັດ ໂດຍເຫັນໄດ້ບົດຮຽນໃນພຶດຕິ ກຳຕົວຈິງຜ່ານມາ ແລະ ອີງ ໃສ່ກົດໝາຍຂອງປະເທດຕ່າງໆ ເພື່ອໃຫ້ສອດຄ່ອງກັບກົດໝາຍ ອື່ນທີ່ກ່ຽວຂ້ອງຂອງລາວເຮົາ ແລະ ສອດຄ່ອງກັບສະພາບ ຄວາມເປັນຈິງໃນເງື່ອນໄຂປັດ ຈຸບັນ ຈຶ່ງເຫັນວ່າກົດໝາຍສະ ບັບນີ້ ຍັງມີບາງດ້ານທີ່ບໍ່ທັນ ຄົບຖ້ວນ, ຮັດກຸມ ຈຶ່ງຈຳເປັນ ຕ້ອງໄດ້ປັບປຸງຕື່ມ, ອັນໃດທີ່ບໍ່ ແຈ້ງ ກໍໄດ້ປັບປຸງໃຫ້ຈະແຈ້ງ ກວ່າເກົ່າ ຊຶ່ງກົດໝາຍວ່າດ້ວຍ ການກວດກາລັດສະບັບປີ 2007 ປະກອບມີ X ພາກ, 6 ໝວດ ແລະ 79 ມາດຕາ. ສຳ ລັບຮ່າງກົດໝາຍສະບັບປັບ ປຸງໃໝ່ປະກອບມີ X ພາກ, 6 ໝວດ ແລະ 80 ມາດຕາ. ຫຼັງຈາກກົດໝາຍສະບັບ ດັ່ງກ່າວນີ້ ຖືກຮັບຮອງ ແລະ ປະກາດໃຊ້ຈະເປັນພື້ນຖານ ບ່ອນອີງໃຫ້ແກ່ການຄຸ້ມຄອງ ລັດ, ຄຸ້ມຄອງເສດຖະກິດ-ສັງ ຄົມ ຫັນເຂົ້າສູ່ການປະຕິບັດ ກົດໝາຍ-ລະບຽບການຂອງ ລັດມີຄວາມເຂັ້ມງວດຫຼາຍຂຶ້ນ, ຊ່ວຍເຮັດໃຫ້ພະນັກງານ-ລັດ ຖະກອນ, ທະຫານ, ຕຳຫຼວດ, ມີສະຕິຕໍ່ການຈັດຕັ້ງ, ຕໍ່ລະ ບຽບກົດໝາຍ, ມີຄວາມຮັບ ຜິດຊອບສູງ, ການບໍລິການສັງ ຄົມວ່ອງໄວ-ທັນການ, ໂປ່ງໃສ, ສັງຄົມມີຄວາມສະຫງົບ, ເມື່ອ ມີລະບົບຕາໜ່າງການຈັດຕັ້ງ ຕິດຕາມ-ກວດກາກວ້າງຂວາງ ໜັກແໜ້ນ ແລະ ເຂັ້ມແຂງ ກໍຈະສາມາດຕິດຕາມ-ກຳໄດ້ ຜູ້ທີ່ມີພຶດຕິກຳທີ່ບໍ່ຖືກຕ້ອງ, ສໍ້ ລາດບັງຫຼວງ ແລະ ອື່ນໆ.

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: