ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ປະທານສະພາແຫ່ງຊາດ ໂອ້ລົມພະນັກງານຫລັກແຫລ່ງ ຂອງແຂວງຊຽງຂວາງ

ຂປລ. ​ໃນ​ໂອກາດ​ເຄື່ອນ​ໄຫວ​ຢ້ຽມຢາມ ​ແລະ ​ເຮັດ​ວຽກ​ຢູ່ ​ແຂວງ​ຊຽງ​ຂວາງ ​ໃນ​ວັນ​ທີ 20 ພະຈິກ 2017 ນີ້, ທ່ານນາງ ປານີ ຢາທໍ່ຕູ້ ປະທານສະພາແຫ່ງຊາດ ໂອ້ລົມພະນັກງານຫລັກແຫລ່ງ ຂອງແຂວງຊຽງຂວາງ ​ໂດຍ​ທ່ານ​ໄດ້ເນັ້ນໃຫ້ແຂວງ ຈົ່ງເອົາ ໃຈໃສ່ວຽກງານ ປ້ອງກັນຊາດ-ປ້ອງກັນຄວາມສະຫງົບ, ຢາເສບຕິດ, ສາສະໜາ ແລະ ຄວາມສາມັກຄີເຜົ່າ,

ສູ້ຊົນເກັບລາຍຮັບ ເຂົ້າງົບປະມານ ໂດຍຜ່ານປະຕູດຽວ, ສູ້ຊົນຈັດຕັ້ງປະຕິບັດ ມະຕິກອງປະຊຸມໃຫຍ່ ຂອງແຂວງ ກໍຄື ສູນກາງວາງອອກ.

ສຳລັບແຜນວຽກປີ 2018 ນັ້ນ​ຕ້ອງເປັນແຜນວຽກ ບຸກທະລຸລະອຽດ, ອຳນາດການປົກຄອງແຂວງ ແລະ ອຳນາດການປົກຄອງ ສະພາເຂດເລືອກຕັ້ງທີ 9 ຕ້ອງຮ່ວມມື ປຶກສາຫາລື ວາງແຜນຮ່ວມກັນໂດຍມີຈຸດສຸມ, ກຳນົດຄາດໝາຍ ເສດຖະກິດມະຫາພາກ ຄິດໄລ່ GDP ແຂວງຄືນໃໝ່, ປັບປຸງການບໍລິຫານລັດ ຕິດຕາມກວດກາ, ການຈັດແບ່ງງົບປະມານ ຕ້ອງແບ່ງຕາມຕົວເລກທີ່ກຳນົດ, ຫ້າມບໍ່ໃຫ້ມີ ໂຄງການນອກແຜນ ຖ້າມີແມ່ນແຂວງ ຮັບຜິດຊອບເອງ, ປຸກລະດົມ ຂົນຂວາຍການລົງທຶນ ພາກເອກະຊົນ ແລະ ຕ່າງປະເທດ ເຂົ້າມາລົງທຶນ, ອົງການກວດສອບແຫ່ງລັດ ຕ້ອງເຂັ້ມງວດ ລົງກວດສອບລະອຽດ ແກ້ໄຂຜົນຂອງການກວດສອບ, ວຽກງານປົກປ້ອງກົດໝາຍ ຕ້ອງແກ້ໄຂຂໍ້ຂັດແຍ່ງຕາມກົດໝາຍ ບໍ່ໃຫ້ສະສົມຂໍ້ຂັດແຍ່ງໄວ້, ພະແນກແຜນການ ແລະ ພະແນກການເງິນ ຕ້ອງວາງແຜນຮ່ວມ ໃຫ້ຖືກກັບບັນດາ ພະແນກການອຶ່ນ ຊອກຫາທິດທາງ ແຜນການທີ່ຍືນຍົງ ໃນການລຶບລ້າງຄວາມທຸກຍາກ.

​ໂອກາດ​ດຽວ​ກັນ​ນີ້, ທ່ານນາງ ອຸເທນມາ ສີຊົນໄຊ ຮອງເລຂາພັກແຂວງ ກໍໄດ້ລາຍງານ ການ ຈັດຕັ້ງປະຕິບັດ ການພັດທະນາ ເສດຖະກິດ-ສັງຄົມຂອງແຂວງ ໃນໄລຍະຜ່ານມາ ໄດ້ຍົກໃຫ້ເຫັນ ບັນດາຕົວເລກ ການພັດທະນາທີ່ເພີ່ມຂຶ້ນ, ການລົງທຶນເພີ່ມຂື້ນ ທັງພາກເອກະຊົນ ແລະ ການລົງທຶນຂອງຕ່າງປະເທດ​ ໃຫ້​ທ່ານ​ປະທານ​ສະພາ ​ໄດ້​ຮັບ​ຊາບ.

 

 



ການເລືອກຕັ້ງ ສສຊ ຊຸດທີVII


ການເລືອກຕັ້ງ ສສຊ ຊຸດທີ VIII

 

You are here: