ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກອງປະຊຸມຄັ້ງປະຖົມມະລືກສະພາແຫ່ງຊາດ ຊຸດທີ VIIສືບຕໍ່ພິຈາລະນາ ການປະຕິບັດ ແຜນພັດທະນາເສດຖະກິດ-ສັງຄົມ 5 ປີຄັ້ງທີ VI ແລະ ທິດທາງຕໍ່ໜ້າ

ອີເມລ ພິມ PDF

ມື້ທີສອງຂອງການດຳເນີນກອງປະຊຸມຄັ້ງປະຖົມມະລືກຂອງສະພາແຫ່ງຊາດຊຸດທີ VII, ວັນທີ 16 ມິຖຸນາ 2011 ພາຍໃຕ້ການເປັນປະທານຂອງ ທ່ານ ດຣ. ໄຊສົມພອນ ພົມວິຫານ, ຮອງປະທານສະພາແຫ່ງຊາດ ບັນດາກຳມາ ທິການ ຕາງໜ້າຄະນະປະຈຳສະພາແຫ່ງຊາດ ລວມມີ ປະທານກຳມາທິການ ເສດຖະກິດ-ແຜນການ ແລະ ການເງິນ, ປະທານກຳມາທິການວັດທະນະທຳ-ສັງຄົມ,

ໄດ້ພ້ອມກັນປະກອບຄຳຄິດເຫັນ ໃສ່ບົດລາຍງານ ກ່ຽວກັບ ການຈັດຕັ້ງ ປະຕິບັດ ແຜນພັດທະນາເສດຖະກິດ-ສັງຄົມ 5 ປີຄັ້ງທີ VI (2006- 2010), ແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ ສົກປີ 2010-2011 ແລະ ທິດທາງ ແຜນການໃນຕໍ່ໜ້າ .

ໃນການປະກອບຄຳເຫັນ ທ່ານ​ນາງ ດຣ. ສຸວັນ​ເພັງ ບຸບຜາ​ນຸວົງ, ຄະນະ​ປະຈຳ​ສະພາ​ແຫ່ງ​ຊາດ, ປະທານ​ກຳມາ​ທິການ​ເສດຖະກິດ-​ແຜນການ ​ແລະ ການ​ເງິນ ໄດ້ຍົກໃຫ້ເຫັນບົດບາດ​ຂອງ​ສະພາ​ແຫ່ງ​ຊາດ​ໃນ​ການ​ຕິດ​ຕາມ, ກວດກາການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີຄັ້ງທີ VI ຂອງ​ລັດຖະບານ ​ໃນໄລ​ຍະ​ຜ່ານ​ມາ ຊຶ່ງ​ສັງ​ເກດ​ເຫັນ​ວ່າ ​ເສກ​ຖະກິດ​ສືບຕໍ່​ຂະຫຍາຍຕົວ​ໃນ​ລະດັບ​ສູງ, ສາມາດ​ຄຸ້ມ​ຄອງ​ການ​ດຸ່ນ ດ່ຽງ​ດ້ານ​​ເສດຖະກິດ​ມະຫາ​ພາກ ​ແລະ ມີ​ຜົນສຳ ​ເລັດ​ຫລາຍ​ປະການ ​ໃນ​ການ​ພັດທະນາ​ເສດຖະກິດ-ສັງຄົມ​ຂອງ​ຊາດ, ບັນດາ​ໂຄງການ​ພັດທະນາ​ທີ່​ສຳຄັນ​ຫລາຍ​ໂຄງການ​ໄດ້​ສຳ​ເລັດ ​ແລະ ນຳ​ໃຊ້​ຢ່າງ​ມີ​ປະສິດ ທິ​ຜົນ, ພື້ນຖານ​ໂຄງ​ລ່າງ​ໄດ້​ຮັບ​ການ​ພັດທະນາ, ປະຊາຊົນ​ມີ​ຊີ​ວິດ​ການ​ເປັນ​ຢູ່​ທີ່​ມີ​ຄຸນ​ນະພາ​ບສູງ​ຂຶ້ນ. ​ແຕ່​ໄປ​ພ້ອມ​ກັບ​ຜົນສຳ​ເລັດ​ດັ່ງກ່າວ ​ເຫັນ​ວ່າ​ມີ​ບັນຫາ​ຈຳ ນວນ​ໜຶ່ງ ທີ່​ລັດຖະບານ​ຄວນ​ສືບຕໍ່​ເອົາ​ໃຈ​ໃສ່​ວິ​ເຄາະ, ວິ​ໄຈ ​ແລະ ຖອດ​ຖອນ​ບົດຮຽນ ​ເພື່ອ​ເປັນ​ພື້ນຖານ​ໃຫ້​ແກ່​ການຈັດຕັ້ງປະຕິບັດ ​ແຜນ​ພັດທະນາ​ເສດຖະກິດ-ສັງຄົມ 5 ປີ​ຄັ້ງ VII ​ເປັນຕົ້ນ: ການຈັດຕ້ັງປະຕິບັດ​ວຽກ​ງານ​ພັດທະນາ​ຊົນນະບົດ ​ແລະ ​ແກ້​ໄຂ​ຄວາມທຸກ​ຍາກ ​ຂອງ​ປະຊາຊົນຍັງ​ຊັກ​ຊ້າ, ​ໂຄງການ​ຈຳນວນ ​ໜຶ່ງ​ໃນ​ຂົງ​ເຂດ​ນີ້ ຍັງ​ບໍ່​ທັນ​ມີ​ທຶນຮອນ​ຕອບ​ສະໜອງ; ນະ​ໂຍບາຍ​ສົ່ງ​ເສີມ-ຄຸຸ້ມຄອງ​ທຸລະ​ກິດ ​ແລະ ກົນ​ໄກການ​ປະສານ​ງານ ລະຫວ່າງ ​ຂະ​ແໜງ​ການ ​ແລະ ທ້ອງ​ ຖິ່ນ ຍັງ​ຂາດ​ຄວາມ​ເປັນ​ເອກະ​ພາບ​ໃນ​ຫລາຍ​ບັນຫາ ​ໂດຍ​ສະ​ເພາະ​ແມ່ນ ການປະສານ​ງານ​ການ​ຄຸ້ມ​ຄອງ​ການ​ລົງທຶນ​ພາຍ​ໃນ ​ແລະ ຕ່າງປະ​ເທດ, ການ​ບໍລິ ການ​ລົງທຶນ​ຜ່ານ​ປະຕູ​ດຽວ, ການ​ຄຸ້ມ​ຄອງ ​ແລະ ການ​ນຳ​ໃຊ້​ຊັບພະຍາກອນ​ທຳ​ມະ​ຊາດ, ການ​ປົກ​ປ້ອງ​ຜົນ​ກະທົບ​ດ້ານ​ສະພາບ​ແວດ​ລ້ອມ ​ແລະ ​ໂຄງການ​ປະ ຕິບັດ​ການ​ລົງທຶນ​ຕ່າງໆ. ນອກຈາກ​ນີ້ການ​ປະຕິບັດ​ລະບຽບ​ການ​ເງິນ, ງົບປະມານ​ຍັງ​ບໍ່​ທັນ​ໄດ້​ດີ​ເທົ່າ​ທີ່​ຄວນ, ໜີ້ສິນ​ຂອງ​ລັດ​ຍັງ​ຢູ່​ໃນ​ລະດັບ​ສູງ. ສຳລັບ ​ແຜນ​ພັດ ທະນາ​ເສດຖະກິດ-ສັງຄົມ 5 ປີ ຄັ້ງທີ VII ກຳມາ​ທິການ​​ເສດຖະກິດ-​ແຜນການ ​ແລະ ການ​ເງິນ ​ເຫັນ​ວ່າ ມີ​ເນື້ອ​ໃນ​ກວມ​ເອົາ​ທັດສະນະ​ພື້ນຖານ​ແນວທາງ​ ນະ​ໂຍບາຍ​ຂອງ​ພັກ ​​ໂດຍ​ສະ​ເພາະ​ແມ່ນ​ເນື້ອ​ໃນ​ຈິດ​ໃຈ 4 ບຸກທະລຸ ​​ໃນ​ມະຕິ​ກອງ​ປະຊຸມ​ໃຫຍ່ ​ຄັ້ງທີ IX ຂອງ​ພັກ, ການວາງ​ຄາດໝາຍ​ບຸກທະລຸ​ ມີ​ຄວາມ​ເປັນ ​ເອກະ​ພາບ​ສູງ, ມີ​ການ​ກຳນົດ​ຄາດໝາຍ​ສູ້​ຊົນ ​ໃຫ້​ແຕ່ລະ​ຂະ​ແໜງ​ການ ​ແລະ ທ້ອງ​ຖິ່ນ​ຢ່າງ​ຈະ​ແຈ້ງ ​ແລະ ຈະ​ກາຍ​ເປັນ​ພື້ນຖານ​ອັນ​ໜັກ​ແໜ​້ນ​ ໃຫ້​ແກ່​ການ​ ນໍາ​ເອົາ​ປະ​ເທດ​ຊາດ ຫລຸດ​ພົ້ນອອກ​ຈາກ​ຄວາມ​ດ້ອຍ​ພັດທະນາ ​ໃນ​ປີ 2020.

ສ່ວນ​ການ​ປະກອບ​ຄຳ​ເຫັນ​ ຂອງ​ກຳມາ​ທິການ​ວັດທະນະທຳ-ສັງຄົມ, ທ່ານ ດຣ. ພອນເທບ ພົນເສນາ ປະທານກຳມາທິການດັ່ງກ່າວ ​ໄດ້​ຊີ້​ໃຫ້​ເຫັນ​ເຖິງຄວາມ ​ເອົາ​ໃຈ​ໃສ່​ ຂອງ​ລັດຖະບານ​ໃນ​ການຈັດຕັ້ງປະຕິບັດ​ມະຕິ VIII ຂອງ​ພັກ, ລະບຽບ​ກົດໝາຍ​ຂອງ​ລັດ, ການຈັດຕັ້ງປະຕິບັດ​ເປົ້າໝາຍ​ສະຫະ​ສະ​ວັດ ດ້ານ​ການ​ພັດ ທະນາ, ສ້າງ​ຄວາມ​ກົມກຽວ​ ລະຫວ່າງ ​ການ​ພັດທະນາ​ດ້ານ​ເສດຖະກິດ ​ໄປ​ຄຽງ​ຄູ່​ກັບ​ການ​ພັດທະນາ​ໃນ​ຂົງ​ເຂດ​ວັດທະນະທຳ-ສັງຄົມ, ​ໄດ້​ເຮັດ​ໃຫ້​ຊີວິດ​ການ​ ເປັນ​ຢູ່​ຂອງ​ປະຊາຊົນ ​ໄດ້​ຮັບ​ການ​ປັບປຸງ​ດີ​ຂຶ້ນ​ເປັນ​ລຳດັບ, ການ​ລົງທຶນ​ຂອງ​ລັດ​ໃນ​ຂົງ​ເຂດວັດທະນະທຳ-ສັງຄົມ ​ໄດ້​ເພີ່ມ​ຂຶ້ນ​ໃນ​ແຕ່ລະ​ປີ ຈຶ່ງ​ເຮັດ​ໃຫ້​ວຽກ​ງານ ​ໃນ​ຂະ​ແໜງ​ນີ້ບັນລຸ​ຜົນສຳ​ເລັດ​ຫລາຍ​ດ້ານ. ​ເພື່ອ​ບັນລຸ​​ເປົ້າໝາຍ ຂອງ​ແຜນ​ພັດທະນາ​ເສກ​ຖະກິດ-ສັງຄົມ 5 ປີ​ຄັ້ງທີ VII ກຳມາ​ທິການ​ວັດທະນະທຳ-ສັງຄົມ​ ໄດ້​ສະ​ເໜີ​ໃຫ້​ລັດຖະບານ​ແກ້​ໄຂ​ບາງ​ບັນຫາ ​ເປັນຕົ້ນ: ຕ້ອງ​ເອົາ​ໃຈ​ໃສ່​ພັດທະນາວຽກ​ງານ​ການ​ສຶກສາ, ຊັບພະຍາກອນ​ມະນຸດ ​ແລະ ຄວາມ​ສະ​ເໝີ​ພາບ​ລະຫວ່າງ​ ຍິງ​ຊາຍ, ພັດທະນາ​ດ້ານ​ສາທາລະນະ​ສຸກ, ດ້ານ​ແຮງ​ງານ ​ແລະ ສະຫວັດດີ​ການ-ສັງຄົມ ​ໄປ​ພ້ອມ​ກັບ​ການ​ແກ້​ໄຂ​ປະກົດ​ການ​ຫຍໍ້​ທໍ້​ໃນ​ສັງຄົມ ​ແລະ ອື່ນໆ . ພາຍ ຫລັງທີ່ ທ່ານປະທານກອງປະຊຸມໄດ້ມີຄຳເຫັນເຈາະຈີ້ມ ແລະ ໃຫ້ທິດຊີ້ນຳແລ້ວ ບັນດາສະມາຊິກສະພາແຫ່ງຊາດ ໄດ້ພ້ອມກັນໃຊ້ສິດການເປັນ ຕົວແທນ ຂອງ ປະຊາຊົນບັນດາເຜົ່າ ປະກອບຄຳເຫັນ ໃສ່ບັນ ຫາດັ່ງກ່າວ ດ້ວຍຄວາມຮັບຜິດຊອບສູງ, ກົງໄປກົງມາ ແລະ ມີລັກສະນະສ້າງສັນ ທຸກບັນຫາ ທີ່ບັນດາກຳມາ ທິການຕ່າງໆ ແລະ ສະມາຊິກສະພາແຫ່ງຊາດປະກອບຄຳເຫັນ​ໃສ່ນັ້ນ ເພື່ອແນໃສ່ໃຫ້ລັດຖະບານ ນຳ​ໄປ​ຄ້ົນຄວ້າ, ວິເຄາະ, ວິໄຈ ແລະ ແກ້ໄຂຢ່າງຈິງຈັງ ​ເພື່ອ​ ເປັນ​ບົດຮຽນ​ພື້ນຖານ ໃຫ້ແກ່ການຈັດຕັ້ງປະຕິບັດ ແຜນພັດ ທະນາເສດຖະກິດ-ສັງຄົມ 5 ປີຄັ້ງທີ VII ໃຫ້ປະກົດຜົນສຳເລັດຕາມລະ ດັບຄາດໝາຍທີ່ວາງໄວ ​ເພື່ອ​ປະກອບ ສ່ວນ​ໃນ​ການ​ພັດທະນາ​ປະ​ເທດ​ຊາດ ​ໃຫ້​ກ້າວ​ໄປ​ສູ່​ຄວາມ​ມັ້ງ​ຄັ້ງ​ເຂັ້ມ​ແຂງ, ປະຊາຊົນ​ມີ​ຄວາມ​ສົມບູນ​ພູນ​ສຸກ, ສັງຄົມ​ມີ​ຄວາມ​ສີວິ​ໄລ ​ແລະ ຍຸຕິ​ທຳ. /.

 


ການເລືອກຕັ້ງ ສສຊ ຊຸດທີVII

ບົດຄວາມ ກ່ຽວກັບ ຢາເສບຕິດ
You are here: