ເພື່ອບັນລຸການປະຕິບັດບາດກ້າວບຸກທະລຸ 4 ດ້ານທີ່ກອງປະຊຸມໃຫ່ຍຄັ້ງທີ IX ຂອງພັກວາງອອກໃຫ້ເປັນຮູບເປັນທຳ ແລະ ຂະນະດຽວກັນເພື່ອແລກປຽ່ນເອົາບົດຮຽນທີ່ໜູນໃຊ້ໃຫ້ແທດເໝາະກັບຈຸດພິເສດ ແລະ ເງື່ອນໄຂໂຕຈິງຂອງແຕ່ລະເຂດເລືອກຕັ້ງທັງເຮັດໃຫ້ພະນັກງານຫ້ອງວ່າການສະພາແຫ່ງຊາດປະຈຳເຂດເລືອກຕັ້ງມີທັດສະນະການເຮັດວຽກຢ່າງມີຄຸນນະພາບນັ້ນ,ພະນັກງານຫ້ອງວ່າ ການສະພາແຫ່ງຊາດປະຈຳເຂດເລືອກຕັ້ງແຂວງຫລວງນ້ຳທາ,ອຸດົມໃຊ,ຜົງສາລີ ແລະ ແຂວງບໍ່ແກ້ວ
ເຈົ້າພາບໂດຍມີທ່ານດຣ ອຸ່ນແກ້ວ ວຸທິລາດ ກຳມະການຄະນະປະຈຳສະພາແຫ່ງຊາດ,ຫົວໜ້າຫ້ອງວ່າການສະພາແຫ່ງຊາດ. ທ່ານວິໄຊກອນ ວັນນະຈອນຈັນ ຮອງເລຂາພັກແຂວງປະທານຄະນະສະມາຊິກສະພາແຫ່ງຊາດເຂດເລືອກຕັ້ງທີ 5 ໄດ້ເຂົ້າຮ່ວມປຶກສາຫາລືກັນເພື່ອເຮັດໃຫ້ວຽກງານຂອງແຕ່ລະເຂດເລືອກຕັ້ງປະສົບຜົນສຳເລັດຕາມເປົ່າໝາຍ.
ການແລກປຽ່ນດັ່ງກ່າວຫ້ອງວ່າການສະພາແຫ່ງຊາດປະຈຳເຂດເລືອກຕັ້ງທີ 5 ແຂວງບໍ່ແກ້ວໄດ້ສະເໜີບົດລາຍງານ 4 ຫົວຂໍ້ໃຫ່ຍຄືແນວຄິດການເມືອງ.ການຈັດຕັ້ງ ແລະ ແບບແຜ່ນວິທີເຮັດວຽກ,ການຍບໍລິຫານຫ້ອງວ່າການຄົ້ນຄວ້າສັງລວມຂໍ້ມູນຂ່າວສານ ແລະ ວິຊາການຕາມຂົງເຂດ. ຂະນະທີ່ຫ້ອງວ່າການສະພາແຫ່ງຊາດເຂດເລືອກຕັ້ງທີ່ 2 ແຂວງຜົງສາລີກໍ່ໄດ້ສະເໜີບົດລາຍງານໃນຫົວຂໍ້ການຄົ້ນຄວ້າສັງລວມຂໍ້ມູນຂ່າວສານ ແລະ ການເປັນເສນາທິການໃຫ້ແກ່ສະສະມາຊິກສະພາແຫ່ງຊາດເພື່ອແກ້ໄຂຄຳຮ້ອງຂໍຄວາມເປັນທຳສ່ວນຫ້ອງວ່າການສະພາແຫ່ງຊາດເຂດເລືອກຕັ້ງທີ່ 3 ແຂວງຫລວງນ້ຳທາໄດ້ສະເໜີບົດລາຍງານໃນຫົວຂໍ້ແບບແຜ່ນວິທີເຮັດວຽກ ແລະ ການຄຸ້ມຄອງບໍລິຫານ_ການເງິນ ແລະ ຫ້ອງວ່າການສະພາແຫ່ງຊາດເຂດເລືອກຕັ້ງທີ 4 ແຂວງອຸດົມໄຊ ໄດ້ສະ ເໜີບົດລາຍງານໃນຫົວຂໍ້ການເປັນເສນາທິການໃຫ້ແກ່ຄະນະສະມາຊິກສະພາແຫ່ງຊາດຕໍ່ການຕິດຕາມກວດກາ ແລະ ການຜັນຂະຫຍາຍຜົນສຳເລັດກອງປະຊຸມສະພາແຫ່ງຊາດ .
ແນວໃດກໍ່ດີກຳມະການຄະນະປະຈຳສະພາແຫ່ງຊາດ.ຫົວໜ້າຫ້ອງວ່າການສະພາແຫ່ງຊາດນອກຈາກໄດ້ຍ້ອງຍໍຊົມເຊີຍຫ້ອງວ່າການ 4 ເຂດເລືອກຕັ້ງມີຫົວຄິດປະດິດສ້າງພົບປະແລກປ່ຽນບົດ ຮຽນເຊິງກັນ ແລະ ກັນແລ້ວກໍ່ໄດ້ຊີນຳໃຫ້ເອົາໃຈໃສ່ 6 ວຽກງານເພື່ອພັດທະນາຫ້ອງວ່າການສະພາແຫ່ງຊາດປະຈຳເຂດເລືອກຕັ້ງໃຫ້ກ່າວໜ້າຂະຫຍາຍໂຕເປັນຕົ້ນການແນວຄິການເມືອງ,ບຸກຄະລາກອນ ລະບອບແບບແຜ່ນວິທີເຮັວຽກ,ການໂຄສະນາຜ່ານສື່ມວນຊົນ,ນະໂຍບາຍ ແລະ ການເປັນເສນາທິການດ້ານເນື້ອໃນ ແລະ ບໍລິຫານການເງິນໃຫ້ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງ.
| < ຖອຍຫຼັງ | ຕໍ່ໄປ > |
|---|
