ລາຍການ

ເຂົ້າສູ່ລະບົບ



ຈຳນວນຜູ້ເຂົ້າເບິ່ງເວັບໄຊ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
ເລີ່ມນັບຈາກວັນທີ 28/02/2011

ກຳມາທິການກົດໝາຍ

ອີເມລ ພິມ PDF

ທີ່ຕັ້ງ ແລະ ພາລະບົດບາດຂອງກຳມະທິການສະພາແຫ່ງຊາດ

ກຳມາທິການສະພາແຫ່ງຊາດ ແມ່ນ ກົງຈັກການຈັດຕັ້ງຂອງສະພາແຫ່ງຊາດ ແລະຄະນະປະຈຳ ສະພາແຫ່ງຊາດ ທີ່ປະກອບດ້ວຍ ບັນດາສະມາຊິກສະພາແຫ່ງຊາດ, ມີພາລະບົດບາດຊ່ວຍສະ ພາແຫ່ງ ຊາດ ແລະ ຄະນະປະຈຳສະພາແຫ່ງຊາດ ໃນການຈັດຕັ້ງປະຕິບັດວຽກງານ ຕາມຂອບເຂດ ສິດ ແລະ ໜ້າທີ່ລວມຂອງກຳມາທິການ ທີ່ໄດ້ກຳນົດໄວ້ ໃນກົດໝາຍສະບັບນີ້ ແລະ ລະບຽບການສະ ເພາະ ຂອງແຕ່ລະກຳມາທິການຂອງສະພາແຫ່ງຊາດ.


ສິດ ແລະໜ້າທີ່ລວມຂອງບັນດາກຳມາທິການ

ບັນດາກຳມາທິການມີສິດ ແລະ ໜ້າທີ່ລວມໃນການປະຕິບັດວຽກງານທີ່ຢູ່ໃນຄວາມຮັບຜິດຊອບ ຂອງຕົນ ດັ່ງນີ້:

1.    ສ້າງຮ່າງແຜນການເຄື່ອນໄຫວວຽກງານຂອງຕົນແຕ່ລະໄລຍະ;
2.    ຄົ້ົ້ນຄວ້າ ແລະ ປະກອບຄວາມເຫັນໃສ່ຮ່າງກົດໝາຍ, ຮ່າງລັດຖະບັນຍັດ, ຮ່າງລັດຖະ ດຳລັດ, ຮ່າງດຳລັດ ແລະ ຮ່າງນິຕິກຳອື່ນ ທີ່ຂະແໜງການກ່ຽວຂ້ອງສະເໜີມາ;
3.    ຄົ້ົ້ນຄວ້າກ່ຽວກັບການຕີຄວາມໝາຍ, ອະທິບາຍກົດໝາຍທີ່ກ່ຽວຂ້ອງກັບກຳມາທິການ ຂອງຕົນ ເພື່ອສະເໜີຕໍ່ຄະນະປະຈຳສະພາແຫ່ງຊາດ ພິຈາລະນາ;
4.    ເຂົ້າຮ່ວມແຕ່ຫົວທີກັບຂະແໜງການທີ່ກ່ຽວຂ້ອງ ເພື່ອຄົ້ນຄວ້າ, ປະກອບຄວາມເຫັນໃສ່ແຜນ ພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ ໃນຂະແໜງການທີ່ຕົນຮັບ ຜິດຊອບ;
5.    ຄົ້ົ້ນຄວ້າກ່ຽວກັບການໂຈະການຈັດຕັ້ງປະຕິບັດ, ການປັບປຸງ, ຍົກເລີກ, ລົບລ້າງ ກົດໝາຍ ແລະ ນິຕິກຳອື່ນ;
6.    ເກັບກຳ, ວິເຄາະຂໍ້ມູນ-ຂ່າວສານ ກ່ຽວກັບບັນຫາໃດໜຶ່ງຂອງຂະແໜງການທີ່ຕົນຮັບ ຜິດ ຊອບ ເພື່ອສະເໜີໃຫ້ພາກສ່ວນທີ່ກ່ຽວຂ້ອງແກ້ໄຂໃຫ້ຖືກຕ້ອງ ແລະ ຕິດຕາມກວດ ກາຜົນການແກ້ໄຂບັນຫາ ດັ່ງກ່າວ.
ຂະແໜງການ ດັ່ງກ່າວ ຕ້ອງສະໜອງຂໍ້ມູນ-ຂ່າວສານ ໃຫ້ກຳມາທິການທີ່ກ່ຽວຂ້ອງຢ່າງຄົບ
ຖ້ວນ, ທັນເວລາ ຕາມການສະເໜີຂອງກຳມາທິການນັ້ນ;
7.    ຄົ້ນຄວ້າກ່ຽວກັບການໃຫ້ສັດຕະຍາບັນ ຫລື ລົບລ້າງການເຂົ້າຮ່ວມສົນທິສັນຍາ ທີ່ ສປປ ລາວ ເປັນພາຄີ ແລະ ສັນຍາສາກົນໃນລະດັບລັດ ໃນຂົງເຂດຄວາມຮັບຜິດຊອບຂອງກຳມາທິການຕົນ;
8.    ສະເໜີການແຕ່ງຕັ້ງໜ່ວຍງານສະເພາະກິດ ເມື່ອມີຄວາມຈຳເປັນ ບົນພື້ນຖານການ ເຫັນດີ ຫລື ການຕົກລົງຂອງຄະນະປະຈຳສະພາແຫ່ງຊາດ;
9.    ສະເໜີຕໍ່ຄະນະປະຈຳສະພາແຫ່ງຊາດ ກ່ຽວກັບບັນຫາ ແລະ ມາດຕະການແກ້ໄຂທີ່ພົວພັນກັບວຽກງານຂອງຕົນ;
10.    ຮັບຕ້ອນ, ຈັດກອງປະຊຸມ ເພື່ອຮັບຟັງຄຳຄິດຄຳເຫັນຂອງປະຊາຊົນ ແລະ ອົງການ ຈັດຕັ້ງສັງ ຄົມ ກ່ຽວກັບບັນຫາສຳຄັນຕ່າງໆ;
11.    ພົວພັນ, ຮ່ວມມືກັບລັດຖະສະພາພາກພື້ນ, ສາກົນ ແລະ ອົງການຈັດຕັ້ງຕ່າງປະເທດ ຕາມ ການຕົກລົງ ຂອງຄະນະປະຈຳສະພາແຫ່ງຊາດ;
12.     ສະຫລຸບ,ຖອດຖອນບົດຮຽນ ແລະ ລາຍງານການເຄື່ອນໄຫວຂອງກຳມາທິການຕົນ ໃຫ້ ຄະ ນະປະຈຳສະພາແຫ່ງຊາດ;
13.    ປະຕິບັດສິດ ແລະ ໜ້າທີ່ອື່ນ ຕາມການມອບໝາຍຂອງປະທານສະພາແຫ່ງຊາດ ຫລື ຄະນະ ປະຈຳສະພາແຫ່ງຊາດ.

(ລະບຸໄວ້ໃນມາດຕາ 40 ຂອງກົດໝາຍວ່າດວ້ຍສະພາແຫ່ງຊາດ)


ລາຍຊື່ສະມາຊິກສະພາແຫ່ງຊາດຊຸດທີ VII ສັງກັດ ກຳມາທິການກົດໝາຍ
01.
ທ່ານ ສຈ. ດາວອນ ຫວ່າງວິຈິດ ສະມາຊິກສະພາແຫ່ງຊາດ ເຂດເລືອກຕັ້ງທີ 14 ເປັນປະທານ
02.
ທ່ານ ກິສິນ ສິນພັນງາມ ສະມາຊິກສະພາແຫ່ງຊາດ ເຂດເລືອກຕັ້ງທີ 15 ເປັນຮອງປະທານ
03.
ທ່ານ ນາງ ບຸນຂໍາ ເຫງົ້າພະສິຣິ ສະມາຊິກສະພາແຫ່ງຊາດ ເຂດເລອກຕັ້ງທີ 16 ເປັນຮອງປະທານ
04.
ທ່ານ ສົມພັນ ແພງຄໍາມີ ສະມາຊິກສະພາແຫ່ງຊາດ ເຂດເລືອກຕັ້ງທີ 8 ເປັນກໍາມະການ
05. ທ່ານ ດຣ. ຄໍາເຜີຍ ປານມະໄລທອງ ສະມາຊິກສະພາແຫ່ງຊາດ ເຂດເລືອກຕັ້ງທີ 1 ເປັນກໍາມະການ
06. ທ່ານ ລາດຊະນີວົງ ອະມາຣາທິທາດາ ສະມາຊິກສະພາແຫ່ງຊາດ ເຂດເລືອກຕັ້ງທີ 1 ເປັນກໍາມະການ
07. ທ່ານ ຄໍາຈັນ ຄໍາວົງໃຈ ສະມາຊິກສະພາແຫ່ງຊາດ ເຂດເລືອກຕັ້ງທີ 2 ເປັນກໍາມະການ
08. ທ່ານ ກົງເພັດ ແກ້ວບົວພາ ສະມາຊິກສະພາແຫ່ງຊາດ ເຂດເລືອກຕັ້ງທີ 3 ເປັນກໍາມະການ
09. ທ່ານ ບຸນລອດ ອ່ອນພະຈັນ ສະມາຊິກສະພາແຫ່ງຊາດ ເຂດເລືອກຕັ້ງທີ 4 ເປັນກໍາມະການ
10. ທ່ານ ດຣ. ອຸ່ນແກ້ວ ວຸທິລາດ ສະມາຊິກສະພາແຫ່ງຊາດ ເຂດເລືອກຕັ້ງທີ 5 ເປັນກໍາມະການ
11. ທ່ານ ສິງຕັນ ໄຊລືຊົງ ສະມາຊິກສະພາແຫ່ງຊາດ ເຂດເລືອກຕັ້ງທີ 6 ເປັນກໍາມະການ
12. ທ່ານ ຄໍາສຸກ ທໍ່ ສະມາຊິກສະພາແຫ່ງຊາດ ເຂດເລືອກຕັ້ງທີ 7 ເປັນກໍາມະການ
13. ທ່ານ ນາງ ອໍາໄພວອນ ລ້ອມບຸນແພງ ສະມາຊິກສະພາແຫ່ງຊາດ ເຂດເລືອກຕັ້ງທີ 8 ເປັນກໍາມະການ
14. ທ່ານ ສົມວັນດີ ສີສຸພັນ ສະມາຊິກສະພາແຫ່ງຊາດ ເຂດເລືອກຕັ້ງທີ 9 ເປັນກໍາມະການ
15. ທ່ານ ບຸນເພັງ ສາຍນໍລະດີ ສະມາຊິກສະພາແຫ່ງຊາດ ເຂດເລືອກຕັ້ງທີ 10 ເປັນກໍາມະການ
16. ທ່ານ ສົມດີ ແກ້ວດາລາວິນ ສະມາຊິກສະພາແຫ່ງຊາດ ເຂດເລືອກຕັ້ງທີ 10 ເປັນກໍາມະການ
17. ທ່ານ ນາງ ສີໄຄ ສີປະເສີດ ສະມາຊິກສະພາແຫ່ງຊາດ ເຂດເລືອກຕັ້ງທີ 11 ເປັນກໍາມະການ
18. ທ່ານ ແສງທອງ ພະຄຸນທອງ ສະມາຊິກສະພາແຫ່ງຊາດ ເຂດເລືອກຕັ້ງທີ 12 ເປັນກໍາມະການ
19. ທ່ານ ບຸນເຕັມ ຊ່ວງສາຍະວົງ ສະມາຊິກສະພາແຫ່ງຊາດ ເຂດເລືອກຕັ້ງທີ 13 ເປັນກໍາມະການ
20. ທ່ານ ຫວັນຄໍາ ອິນທິຈັກ ສະມາຊິກສະພາແຫ່ງຊາດ ເຂດເລືອກຕັ້ງທີ 13 ເປັນກໍາມະການ
21. ທ່ານ ແຫວນເພັດ ລັດດາວົງ ສະມາຊິກສະພາແຫ່ງຊາດ ເຂດເລືອກຕັ້ງທີ 14 ເປັນກໍາມະການ
22. ທ່ານ ເມກສະຫວັນ ພົມພິທັກ ສະມາຊິກສະພາແຫ່ງຊາດ ເຂດເລືອກຕັ້ງທີ 15 ເປັນກໍາມະການ
23. ທ່ານ ວັນນະລາ ສຸດທິຈັກ ສະມາຊິກສະພາແຫ່ງຊາດ ເຂດເລືອກຕັ້ງທີ 15 ເປັນກໍາມະການ
24. ທ່ານ ສິງເພັດ ບຸນສະຫວັດທິພັນ ສະມາຊິກສະພາແຫ່ງຊາດ ເຂດເລືອກຕັ້ງທີ 15 ເປັນກໍາມະການ
25. ທ່ານ ນາງ ໄຮມະນີ ວົງໜໍ່ແກ້ວ ສະມາຊິກສະພາແຫ່ງຊາດ ເຂດເລືອກຕັ້ງທີ 16 ເປັນກໍາມະການ
26. ທ່ານ ດຣ. ອ່ອນແກ້ວ ພົມມະກອນ ສະມາຊິກສະພາແຫ່ງຊາດ ເຂດເລືອກຕັ້ງທີ 17 ເປັນກໍາມະການ
 


ການເລືອກຕັ້ງ ສສຊ ຊຸດທີVII

Click here to download
Lao font
You are here: