ປະທານ ກວທສ ມອບລົດ ແລະ ອຸປະກອນການແພດໃຫ້ແຂວງວຽງຈັນ

31/10/2018 00:00 -

(ສພຊ) ໃນຕອນບ່າຍວັນທີ 17 ກັນຍາ 2018, ທີ່ຫ້ອງປະຊຸມສະພາປະຊາຊົນແຂວງ (ສພຂ) ວຽງຈັນ ໄດ້ຈັດພິທີມອບ-ຮັບລົດນໍາສົ່ງຄົນເຈັບ ຈໍານວນ 1 ຄັນ ພ້ອມດ້ວຍອຸປະກອນການແພດຮັບ ໃຊ້ພາຍໃນ ໃຫ້ແຂວງວຽງຈັນ ລວມມູນຄ່າທັງໝົດ 67.286 ໂດລາສະຫະລັດ  ກ່າວມອບໂດຍທ່ານ ສົມພູ ດວງສະຫວັນ ປະທານກໍາມາທິການວັດທະນະທໍາສັງຄົມ ສະພາແຫ່ງຊາດ, ປະທານຄະນະມິດ ຕະພາບລັດຖະສະພາເກົາຫລີ-ລາວ, ທັງເປັນຄະນະສະມາຊິກສະພາແຫ່ງຊາດ ປະຈໍາເຂດເລືອກຕັ້ງທີ 10 ແຂວງວຽງຈັນ ແລະ ກ່າວຮັບໂດຍທ່ານ ນາງ ສິງຄໍາ ຄົງສະຫວັນ ຮອງເຈົ້າແຂວງໆວຽງຈັນ, ເພື່ອນໍາໄປມອບຕໍ່ໃຫ້ ອໍານາດການປົກຄອງເມືອງແມດ ໂດຍການເຂົ້າຮ່ວມເປັນສັກຂີພິຍານຂອງທ່ານ ບຸນເພັງ ສາຍນໍລະດີ ປະທານ ສພຂ ວຽງຈັນ, ສະມາຊິກສະພາປະຊາຊົນແຂວງປະຈໍາການ, ຄະນະເລຂາທິການ, ຫົວໜ້າ ພະແນກສາທາລະນະສຸກແຂວງ, ເຈົ້າເມືອງໆແມດ, ຫົວໜ້າຫ້ອງການສາທາເມືອງແມດ ແລະ ບັນດາ ຫົວໜ້າຂະແໜງພາຍໃນ ສພຂ.

         ທ່ານ ນາງ ສິງຄໍາ ຄົງສະຫວັນ ຕາງໜ້າກ່າວຮັບເຄື່ອງຊ່ວຍເຫລືອດັ່ງກ່າວ ໄດ້ສະແດງຄວາມ ຂອບໃຈ ພ້ອມທັງຊົມເຊີຍ ທີ່ທ່ານຍັງມີຄວາມເປັນຫ່ວງເປັນໃຍ ແລະ ໃຫ້ການຊ່ວຍເຫລືອແຂວງວຽງ ຈັນຂອງພວກເຮົາໃນຄັ້ງນີ້.

(ເພັດສະໝອນ ສຸວັນນະສານ)