ກມຍທ ເປີດກອງປະຊຸມຄົບຄະນະ ປະຈຳປີ 2018

07/11/2018 00:00 -

(ສພຊ) ໃນລະຫວ່າງວັນທີ 30-31 ຕຸລາ 2018 ທີ່ໂຮງແຮມອ່າງຄໍາ ນະຄອນຫລວງວຽງຈັນ,  ກໍາມາທິການຍຸຕິທໍາ (ກຍທ) ສະພາແຫ່ງຊາດ ໄດ້ຈັດກອງປະຊຸມຄົບຄະນະ ປະຈໍາປີ 2018 ຂອງຕົນຂຶ້ນ, ໂດຍການເປັນປະທານຂອງທ່ານ ນາງ ບົວຄໍາ ທິບພະວົງ ກໍາມະການຄະນະປະຈໍາ, ປະທານ ກຍທ ສະພາແຫ່ງຊາດ; ເຂົ້າຮ່ວມມີ ປະທານ-ຮອງປະທານສະພາປະຊາຊົນແຂວງ (ສພຂ), ສະມາຊິກສະພາແຫ່ງຊາດ (ສສຊ) ທີ່ເປັນກໍາມະການກໍາມາທິການຍຸຕິທໍາ ຈາກ 18 ເຂດເລືອກຕັ້ງ, ຮອງລັດຖະມົນຕີກະຊວງຍຸຕິທໍາ, ຮອງປະທານສານປະຊາຊົນສູງສຸດ, ຮອງຫົວໜ້າອົງການໄອຍະການປະຊາຊົນ, ຮອງປະທານອົງການກວດກາລັດຖະບານ, ຕາງໜ້າໃຫ້ອົງການຕ່າງໆທີ່ກ່ຽວຂ້ອງ.

        ທັງນີ້, ກໍເພື່ອສະຫລຸບຕີລາຄາການເຄື່ອນໄຫວວຽກງານ ຂອງ ກຍທ ນັບແຕ່ກອງປະຊຸມຄັ້ງປະຖົມມະລຶກຂອງສະພາແຫ່ງຊາດ ຊຸດທີ VIII ເຖິງປັດຈຸບັນ ແລະ ແຕ່ນີ້ຮອດກອງປະຊຸມຄັ້ງປະລຶກ ຂອງສະພາແຫ່ງຊາດ ຊຸດທີ IX; ການເຄື່ອນໄຫວວຽກງານປະຈໍາປີ 2018 ແລະ ທິດທາງວຽກງານຈຸດສຸມ ປະຈໍາປີ 2019 ຂອງກໍາມາທິການຍຸຕິທໍາ ໂດຍສະເພາະແມ່ນວຽກງານຕິດຕາມກວດກາການຈັດຕັ້ງປະຕິບັດລັດຖະທໍາມະນູນ ແລະ ກົດໝາຍ, ວຽກງານແກ້ໄຂຄໍາຮ້ອງຂໍຄວາມເປັນທໍາ ທີ່ຈະນໍາເຂົ້າຜ່ານກອງປະຊຸມສະໄໝສາມັນ ເທື່ອທີ່ 6 ຂອງສະພາແຫ່ງຊາດ ຊຸດທີ VIII; ພ້ອມທັງ, ຄົ້ນຄວ້າປະກອບຄໍາເຫັນໃສ່ຮ່າງບົດລາຍງານການເຄື່ອນໄຫວວຽກງານປະຈໍາປີ 2018 ແລະ ທິດທາງແຜນການ ປີ 2019 ຂອງອົງການໄອຍະການປະຊາຊົນສູງສຸດ ແລະ ສານປະຊາຊົນສູງສຸດ; ທັງເປັນການຄົ້ນຄວ້າປະກອບຄໍາເຫັນໃສ່ຮ່າງນິຕິກໍາ ວ່າດ້ວຍການພິຈາລະນາ ແລະ ແກ້ໄຂຄໍາຮ້ອງຂໍຄວາມເປັນທໍາ ແລະ ຂໍ້ຕົກລົງ ວ່າດ້ວຍການຮັບ ແລະ ພິຈາລະນາຄໍາຮ້ອງຂໍຄວາມເປັນທໍາ ຂອງກໍາມາທິການຍຸຕິທໍາ ສະພາແຫ່ງຊາດ;  ເຊິ່ງຜູ້ເຂົ້າຮ່ວມໄດ້ແລກປ່ຽນຄໍາຄິດຄໍາເຫັນໃສ່ບັນຫາຕ່າງໆ ຢ່າງກົງໄປກົງມາ,.