ປະທານ ກຕທ ຕ້ອນຮັບທູດລັດເຊຍ

08/11/2018 00:00 -

(ສພຊ) ໃນວັນທີ 2 ພະຈິກ 2018 ຜ່ານມາ ທີ່ສະພາແຫ່ງຊາດ (ສພຊ) ທ່ານ ເອກສະຫວ່າງ ວົງວິຈິດ ປະທານກໍາມາທິການຕ່າງປະເທດ ສະພາແຫ່ງຊາດ ໄດ້ຕ້ອນຮັ ທ່ານ ມິເຄວ ບາຣາໂນບ (Mikhail BARANOV) ເອກອັກຄະລັດຖະທູດລັດເຊຍ ປະຈໍາລາວ ພ້ອມດ້ວຍຄະນະ ເພື່ອປຶກສາຫາລືກ່ຽວກັບການເສີມຂະຫຍາຍ ແລະ ຮັດແໜ້ນການຮ່ວມມືລະຫວ່າງສະພາແຫ່ງຊາດລາວ-ລັດຖະສະພາລັດເຊຍໃຫ້ແໜ້ນແຟ້ນຍິ່ງ.

ທ່ານ ເອກສະຫວ່າງ ວົງວິຈິດ ໄດ້ສະແດງຄວາມຍິນດີຕ້ອນຮັບອັນອົບອຸ່ນຕໍ່ທ່ານ ມິເຄວ ບາຣາໂນບ  ທັງຕີລາຄາສູງຕໍ່ການເຂົ້າພົບປະໃນຄັ້ງນີ້ ເຊິ່ງເປັນການປະກອບສ່ວນເສີມຂະຫຍາຍການຮ່ວມມືຊ່ວຍເຫລືອລະຫວ່າງສະພາແຫ່ງຊາດລາວ ແລະ ສະພາລັດເຊຍ.

ທ່ານ ມິເຄວ ບາຣາໂນບ ກໍໄດ້ສະແດງຄວາມຂອບໃຈຕໍ່ທ່ານ ເອກສະຫວ່າງ ວົງວິຈິດ ທີ່ໄດ້ເສຍສະຫລະເວລາອັນມີຄຸນຄ່າໃຫ້ການຕ້ອນຮັບອັນອົບອຸ່ນ ແລະ ທັງຢືນຢັນວ່າຈະສືບຕໍ່ສົ່ງເສີມການພົວພັນຮ່ວມມື ລະຫວ່າງ ສະຫະພັນລັດເຊຍ ແລະ ສປປລາວ. ພ້ອມທັງມອບຈົດໝາຍຂອງທ່ານຮອງປະທານກໍາມາທິການການຕ່າງປະເທດສະພາສູງຂອງລັດເຊຍ ໃຫ້ທ່ານ ເອກສະຫວ່າງ ວົງວິຈິດ.

(ສອນສັກ ວັນວິໄຊ)