ພິທີມອບ-ຮັບລົດຈັກຈາກບໍລິສັດລາວທາທີ

02/01/2019 00:00 -

(ສພຊ) ໃນຕອນບ່າຍຂອງວັນສຸກທີ 21 ທັນວາ 2018 ຜ່ານມາທີ່ສະພາແຫ່ງຊາດ (ສພຊ) ໄດ້ມີພິພີມອບ-ຮັບລົດຈັກ ລະຫວ່າງຄະນະເລຂາທິການສະພາແຫ່ງຊາດ ແລະ ບໍລິສັດລາວທານີການຄ້າຊຸກຍູ້ກະສິກໍາຈໍາກັດ ກ່າວຮັບໂດຍທ່ານ ນາງ ສວນສະຫວັນ ວິຍະເກດ ເລຂາທິການ ສພຊ, ກ່າວມອບໂດຍທ່ານ ສົມສຸກ ພິມພະຈັນ ປະທານບໍລິສັດລາວທານີການຄ້າຊຸກຍູ້ກະສິກໍາຈໍາກັດ, ມີບັນດາເລຂາ-ຮອງເລຂາທິການສະພາປະຊາຊົນຂັ້ນແຂວງຈາກ 18 ແຂວງ, ບັນດາຫົວໜ້າກົມທີ່ຂຶ້ນກັບຄະນະເລຂາທິການ ສພຊ ເຂົ້າຮ່ວມເປັນສັກຂີພະຍານ.

ພາຫະນະທີ່ໄດ້ຮັບອຸປະຖໍາຈາກ ບໍລິສັດລາວທາງນີການຄ້າຊຸກຍູ້ກະສິກໍາຈຳກັດຄັ້ງນີ້ມີລົດຈັກ 18 ຄັນ ເຊິ່ງລວມມູນຄ່າ 270.216.000 ກີບ (ສອງຮ້ອຍເຈັດສິບລ້ານສອງແສນສິບຫົກພັນກີບຖ້ວນ) ເຊິ່ງພາຫະນະດັ່ງກ່າວເລຂາທິການ ສພຊ ຈະແຈກຢາຍໃຫ້ບັນດາຄະນະເລຂາທິການສະພາປະຊາຊົນຂັ້ນແຂວງ, ນະຄອນຫລວງວຽງຈັນເພື່ອຄຸ້ມຄອງປົກປັກຮັກສາ ແລະ ນໍາໃຊ້ເຂົ້າວຽກງານລັດຖະການປະຈໍາວັນຂອງຕົນ.

(ສອນສັກ ວັນວິໄຊ)