ກສຕສ ສ້າງຄວາມເຂັ້ມແຂງທາງດ້ານວິຊາການໃຫ້ບຸກຄະລາກອນ

01/01/1970 01:00 -

(ສພຊ) ເພື່ອເປັນບ່ອນອີງໃນການປະສານງານລະຫວ່າງຄະນະເລຂາທິການສະພາແຫ່ງຊາດ ກັບບັນດາ ກໍາມາທິການ ແລະ ກົງຈັກທີ່ຄະນະປະຈໍາສະພາແຫ່ງຊາດສ້າງຕັ້ງ; ເພຶ່ອຮັບປະກັນການເປັນເສນາທິການໃຫ້ແກ່ສະພາແຫ່ງຊາດ, ຄະນະປະຈໍາສະພາແຫ່ງຊາດ ແລະ ລັດຖະບານ ມີປະສິດທິພາບນັບມື້ສູງຂຶ້ນ; ເພື່ອຮັບປະກັນເຮັດໃຫ້ ກົງຈັກເສນາທິການທີ່ຮັບຜິດຊອບວຽກງານສາຍດ່ວນ ມີບ່ອນອີງໃນການເຄື່ອນໄຫວປະຕິບັດໜ້າທີ່ວຽກງານ; ແລະ ເພື່ອຮັບປະກັນໃຫ້ແກ່ການເກັບກໍາຂ່າວກ່ຽວກັບການເຄື່ອນໄຫວທາງລັດຖະການ ຂອງສະພາແຫ່ງຊາດ ຢູ່ພາຍໃນ ແລະ ຕ່າງປະເທດ ໄດ້ຮັບຜົນດີ ແລະ ມີປະສິດທິຜົນ.
ໃນລະຫວ່າງວັນທີ 26-28 ທັນວາ 2018 ທີ່ ແຂວງບໍລິຄໍາໄຊ, ຄະນະເລຂາທິການສະພາແຫ່ງຊາດ ໄດ້ຈັດກອງປະຊຸມສໍາມະນາທາບທາມນິຕິກໍາຂອງສະພາແຫ່ງຊາດ ໂດຍການເປັນປະທານຂອງທ່ານ ນາງ ສວນສະຫວັນ ວິຍະເກດ ເລຂາທິການສະພາແຫ່ງຊາດ, ເຂົ້າມຮ່ວມມີ ທ່ານ ນ. ສີໃສ ລືເດດມູນສອນ ຮອງປະທນສະພາແຫ່ງຊາດ, ມີບັນດາຮອງເລຂາທິການສະພາແຫ່ງຊາດ, ຮອງລັດຖະມົນຕີປະຈໍາສໍານັກງານນາຍົກລັດຖະມົນຕີ, ຮອງເລຂາທິການສະພາປະຊາຊົນແຂວງບໍລິຄໍາໄຊ, ຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າພະແນກ ແລະ ພະນັກງານວິຊາການທີ່ກ່ຽວຂ້ອງ ພາຍໃນສະພາແຫ່ງຊາດ.
ໃນພິທີໄຂ, ທ່ານ ນາງ ສວນສະຫວັນ ວິຍະເກດ ໄດ້ຮຽກຮ້ອງໃຫ້ຜູ້ເຂົ້າຮ່ວມກອງປະຊຸມ ສຸມທຸກສະຕິ ປັນຍາ ເຂົ້າໃນການປະກອບຄໍາຄິດຄໍາເຫັນໃສ່ລັນດາຮ່າງມິຕິທີ່ນໍາມາທາບທາມໃນຄັ້ງນີ້ ເພື່ອໃຫ້ມີເນື້ອໃນຄົບຖ້ວນ, ກະທັດຮັດ, ຈະແຈ້ງ, ຮັດກຸມ ແລະ ສາມາດຈັດຕັ້ງປະຕິບັດໄດ້.
ຮ່າງນິຕິກໍາ ແລະ ຂໍ້ຕົກລົງທີ່ໄດ້ນໍາມາທາບທາມໃນຄັ້ງນີ້ ປະກອບມີ ຮ່າງມະຕິຂອງຄະນະປະຈໍາ ສະພາແຫ່ງຊາດ ວ່າດ້ວຍການປະສານງານ ລະຫວ່າງ ຄະນະເລຂາທິການສະພາແຫ່ງຊາດ ກັບບັນດາກໍາມາທິການ ແລະ ກົງຈັກທີ່ຄະນະປະຈໍາສພາແຫ່ງຊາດສ້າງຕັ້ງ; ຮ່າງມະຕິຂອງຄະນະປະຈໍາສະພາແຫ່ງຊາດ ວ່າດ້ວຍ  ການປະສານງານ ລະຫວ່າງ ຄະນະເລຂາທິການສະພາແຫ່ງຊາດ ກັບຫ້ອງວ່າການສໍານັກງານນາຍົກລັດຖະມົນຕີ; ຮ່າງຂໍ້ຕົກລົງ ຂອງຄະນະເລຂາທິການສະພາແຫ່ງຊາດ ວ່າດ້ວຍວຽກງານສາຍດ່ວນຂອງສະພາແຫ່ງຊາດ; ແລະ ຮ່າງຂໍ້ຕົກລົງ ຂອງຄະນະເລຂາທິການສະພາແຫ່ງຊາດ ວ່າດ້ວຍການປະກອບນັກຂ່າວຮັບໃຊ້ການເຄື່ອນໄຫວ ທາງລັດຖະການ ຂອງສະພາແຫ່ງຊາດ ຢູ່ພາຍໃນ ແລະ ຕ່າງປະເທດ.
ບັນດາຜູ້ເຂົ້າຮ່ວມກອງປະໍຸມສໍາມະນາ ແມ່ນໄດ້ສຸກທຸຄວາມສາມາດໃນການຄົ້ນຄວ້າປະກອບຄໍາເຫັນ ໃສ່ໂຄງປະກອບ ແລະ ແຕ່ໝວດ ແຕ່ລະມາດຕາ ຢ່າງກົງໄປກົງມາ, ມີເນື້ອໃນຫລາກຫລາຍ ຕໍ່ຍັນດາບັນຫາ ທີ່ບໍ່ທັນຊັດເຈນ, ຈະແຈນ, ສະເໜີໃຫ້ມີການສັບຊ້ອນໂຄງປະກອບບາງມາດຕາຂອງ ບັນດາຮ່າງມະຕິ ແລະ ຮ່າງຂໍ້ຕົກລົງ ເພື່ອຮັບປະກັນໃຫ້ບັນດາຮ່າງມະຕິ ກໍຄືຂໍ້ຕົກລົງທີ່ ໄດ້ນໍາມາທາບທາມ ສາມາດຈັດຕັ້ງປະຕິບັດໄດ້ ພາຍຫລັງທີ່ຄະນະປະຈໍາສະພາແຫ່ງຊາດລົງລາຍເຊັນ.
ໃນໂອກາດເຂົ້າຮ່ວມກອງປະຊຸມສໍາມະນາທາບທາມຮ່າງນິຕິກໍາຄັ້ງນີ້, ທ່ານ ນາງ ສີໃສ ລືເດດມູນສອນ ຮອງປະທານສະພາແຫ່ງຊາດ ຍັງໄດ້ມີຄໍາເຫັນໂອລົມຕໍ່ກອງປະຊຸມ; ເຊິ່ງທ່ານໄດ້ສະແດງຄວາມຊົມເຊີຍ ຕໍ່ຜູ້ເຂົ້າຮ່ວມກອງປະຊຸມ ທີ່ໄດ້ພ້ອມກັນເອົາໃຈໃສ່ປະກອບຄໍາຄິດຄໍາເຫັນ ຢ່າງຫລາກຫລາຍ ກົງໄປກົງມາ ມີເຫດມີຜົນ ຕໍ່ບັນດາຮ່າງນິຕິກໍາທີ່ໄດ້ນໍາມາທາບທາມ ແລະ ໄດ້ຊີ້ນໍາໃຫ້ ຄະນະຮັບຜິດຊອບຮ່າງນິຕິກໍາດັ່ງກ່າວ ນໍາເອົາຄຳຄິດຄໍາເຫັນເຫລົ່ານັ້ນ ໄປປັບປຸງໃສ່ໂຄງຮ່າງ ແລະ ເນື້ອໃນ ໃຫ້ສົມບູນ, ຄົບຖ້ວນ ແລະ ສາມາດນໍາໄປ ຈັດຕັ້ງປະຕິບັດໄດ້.