ສພຊ ຝຶກອົບຮົມວຽກງານການເງິນ ແລະ ວຽກງານບໍລິຫານ ໃຫ້ພະນັກງານ-ລັດຖະກອນ

04/01/2019 00:00 -

(ສພຊ) ໃນລະຫວ່າງ ວັນທີ 21-23 ທັນວາ 2018 ທີ່ທ່າລາດ ເມືອງແກ້ວອຸດົມ ແຂວງວຽງຈັນ, ຄະນະເລຂາທິການສະພາແຫ່ງຊາດ ໄດ້ຈັດກອງປະຊູມຝຶກອົບຮົມວຽກງານການເງິນ ແລະ ວຽກງານບໍລິຫານໃຫ້ພະນັກງານສະພາແຫ່ງຊາດ ໂດຍການເປັນປະທານຂອງ  ທ່ານ ນາງ ສວນສະຫວັນ ວິຍະເກດ ກຳມະການຄະນະປະຈຳເລຂາທິການສະພາແຫ່ງຊາດ; ເຂົ້າຮ່ວມມີບັນດາຫົວໜ້າ-ຮອງຫົວໜ້າກົມ, ຄະນະພະແນກ ພ້ອມດ້ວຍພະນັກງານ-ລັດຖະກອນຂອງສະພາແຫ່ງຊາດ ແລະ ນັກວິທະຍາກອນຈາກກະຊວງການເງິນ, ກະຊວງແຜນການ ແລະ ການລົງທຶນ ເຂົ້າຮ່ວມທັງໝົດ 77 ທ່ານ, ຍິງ 40 ທ່ານ.

          ຈຸດປະສົ່ງໃນການຝືກອົບຮົມໃນຄັ້ງນີ້ ເພື່ອຍົກລະດັບຄວາມຮູ້, ຄວາມເຂົ້າໃຈເລິກເຊິ່ງກວ່າເກົ່າຕໍ່ລະບຽບການຄຸ້ມຄອງ ແລະນໍາໃຊ້ງົບປະມານຂອງລັດ.  ຢູ່ໃນກອງປະຊຸມ ໃນຄັ້ງນີ້, ຜູ້ເຂົ້າຮ່ວມໄດ້ຮັບຟັງການສະເໜີເນື້ອໃນສຳຄັນ ແລະ ສົນທະນາແລກປ່ຽນຄຳຄິດຄຳເຫັນ ແລະ ປະສົບການ, ສ່ວນຫຼາຍແມ່ນໄດ້ລົງເລິກກ່ຽວກັບ ການຈັດຊື້-ຈັດຈ້າງ, ການສົມທຽບລາຄາ ແລະ ການບໍລິການດ້ວຍທຶນຂອງລັດ; ການຈັດຕັ້ງປະຕິບັດໃນການຄິດໄລ່ງົບປະມານຕາມຂໍ້ຕົກລົງການກຳນົດໝາຍໃນການໃຊ້ຈ່າຍງົບປະມານບໍລິຫານຂອງລັດ ສະບັບເລກທີ 4000/ກງ, ລົງວັນທີ12/12/2018 ທີ່ປ່ຽນແທນຂໍ້ຕົກລົງ ສະບັບເລກທີ 2066/ກງ, ການກະກຽມເອກະສານເພື່ອຖອນງົບປະມານຂອງລັດ ແລກປ່ຽນບົດຮຽນໃນການປະຕິບັດກົດໝາຍວ່າດ້ວຍການບັນຊີ ແລະ ການນຳໃຊ້ລະບົບໂປຣແກມບັນຊີຄູ່;   ຂັ້ນຕອນການປະກອບເອກະສານເພື່ອຊຳລະລາຍຈ່າຍງົບປະມານຂອງລັດ; ການຄູ້ມຄອງຊັບສິນຂອງລັດ, ການຄູ້ມຄອງພາຫະນະ, ລະບຽບການຈົດທະບຽນສັນຍາເອກະສານຂອງລັດ ແລະ ການສ້າງແຜນການງົບປະມານ ແລະ ການປະເມີນໂຄງການລົງທຶນຂອງລັດເຂົ້າແຜນ.

 

          ໃນຕອນທ້າຍ ທ່ານ ນາງ ສວນສະຫວັນ ວິຍະເກດ ໄດ້ມີຄຳເຫັນໂອ້ລົມຕໍ່ກອງປະຊຸມ ວ່າ: ກອງປະຊຸມຄັ້ງນີ້ໄດ້ຮັບຜົນສຳເລັດຕາມລະດັບຄາດໝາຍ ເຊີ່ງສະແດງ ຊຶ່ງສະແດງອອກ ນັກສຳມະນາກອນໄດ້ເປັນເຈົ້າ ການ ຕັ້ງບັນຫາທີ່ຍັງບໍ່ທັນເຂົ້າໃຈ ເພື່ອໃຫ້ນັກວິທະຍາກອນຊີ້ແຈງອະທິບາຍ, ທັງມີການແລກປ່ຽນບົດຮຽນປະສົບການ ທັງດ້ານສະດວກ ແລະຫຍຸ້ງຍາກໃນການປະຕິບັດໜ້າທີ່ ເປັນເສນາທິການຮັບໃຊ້ໃຫ້ກົງຈັກທີ່ຕົນສັງກັດຢູ່ຜ່ານກອງປະ ຊຸມໃນຄັ້ງນີ້ຈະເຮັດໃຫ້ການປະສານງານ ລະຫວ່າງ ກົມການເງິນກັບບັນດາກົມທີ່ນຳໃຊ້ງົບປະມານຂອງສະພາແຫ່ງຊາດ ມີຄວາມເຂົ້າໃຈກ່ຽວກັບລະບຽບການ, ມີຄວາມສະດວກໃນການຈັດຕັ້ງປະຕິບັດ, ມີຄວາມຖືກຕ້ອງ ແລະຫັນເຂົ້າສູ່ມລະບຽບຫຼັກການດີຂື້ນ.

          ກອງປະຊຸມຄັ້ງນີ້ ໄດ້ຮັບການສະໜັບສະໜູນທາງດ້ານງົບປະມານ ຈາກໂຄງການເຊກາ ໃສ່ຊື່ແທ້ ເປັນພາສາລາວກ່ອນຈື່ງ(CEGGA)