ກຳມາທິການກົດໝາຍສ້າງຂະບວນການກິລາຂໍ່ານັບຮັບຕ້ອນວັນສໍາຄັນຂອງຊາດ

28/01/2019 00:00 -

(ສພຊ) ເພື່ອຮັດແໜ້ນຄວາມສາມັກຄີຂອງພະນັກງານ-ລັດຖະກອນ ​ແລະ ຂໍ່ານັບຮັບຕ້ອນວັນສ້າງຕັ້ງກອງທັບ​ປະຊາຊົນລາວ ຄົບຮອບ 70 ປີ (20/1/1949-20/1/2019) ​ແລະ ກອງ​ປະຊຸມ​ໃຫຍ່​ຄັ້ງ​ທີ I ຂອງ​ກໍາມະບານ​ຮາກ​ຖານ​ກໍາມາ​ທິການ​ກົດໝາຍ ທີ່​ຈະ​ຈັດ​ຂຶ້ນ​ໃນ​ລະຫວ່າງ​ເດືອນເມສາ 2019 ທີ່​ຈະ​ມາ​ເຖິງ, ​ກໍາມະບານ​ຮາກ​ຖານກໍາມາທິການກົດໝາຍ ສະພາແຫ່ງຊາດ ​ແລະ ກະຊວງ​ໄປສະນີ, ໂທລະ​ຄົມມະນາຄົມ ​ແລະ ການ​ສື່ສານ ໄດ້ຈັດ ການແຂ່ງຂັນກິລາບານເຕະມິດຕະພາບຂຶ້ນທີ່ສະໜາມກິລາ​ໂດ​ລ້າ ໃນວັນທີ 17 ມັງກອນ 2019 ເຂົ້າຮ່ວມມີທ່ານ ພອນແກ້ວ ຕົ້ນວໍລະຈິດ ວ່າການຫົວໜ້າກົມໂຄສະນາ ແລະ ຕີຄວາມໝາຍກົດໝາຍ, ຮອງ​ປະທານ​ສະຫະພັນ​ກໍາມະບານ​ສະພາ​ແຫ່ງ​ຊາດ, ປະທານ​ກໍາມະບານ​ຮາກ​ຖານ​ກໍາມາ​ທິການ​ກົດໝາຍ ແລະ ທ່ານ ພູ​ທອງ ສີສະ​ຫວັດ ຮັກສາ​ການຫົວໜ້າກົມ​ເຕັກ​ໂນ​ໂລ​ຊີ​ການ​ສື່ສານ​ຂໍ້​ມູນ-​ຂ່າວສານ ພ້ອມ​ດ້ວຍ​ພະນັກງານ​ຂອງ​ທັງ​ສອງ​ຝ່າຍ.

          ບັນຍາກາດ​ໃນການແຂ່ງຂັນຄັ້ງນີ້ ແມ່ນມີຄວາມຟົດ​ຟຶ້ນທາມກາງກອງເຊຍຂອງທັງສອງທີມທີ່ໃຫ້ກໍາລັງໃຈແກ່ນັກກິລາ ​​ເຊິ່ງຜົນ​ຂອງການແຂ່ງຂັນ​ແມ່ນທີມກະຊວງ​ໄປສະນີ, ໂທລະ​ຄົມມະນາຄົມ ​ແລະ ການ​ສື່ສານ ສາມາດຍິງປະຕູເອົາຊະນະທີມກໍາມາທິການກົດໝາຍ ສະພາແຫ່ງຊາດ ດ້ວຍ​ຄະ​ແນນ 11-7 ປະຕູ.

           

(ກົມໂຄສະນາ ແລະ ຕີຄວາມໝາຍກົດໝາຍ)