ປະທານກໍາມາທິການກົດໝາຍ ຕ້ອນຮັບຫົວໜ້າສະຖາບັນຄົ້ນຄົ້ວ ແລະເຝິກອົບຮົມຍຸຕິທໍາ, ກະຊວງຍຸຕິທໍາຍີ່ຢຸ່ນ

27/02/2019 00:00 -

(ສພຊ) ຕອນເຊົ້າອັງຄານ ທີ 19 ກຸມພາຜ່ານມາ ທີ່ສະພາແຫ່ງຊາດ (ສພຊ), ທ່ານ ສາຍທອງ ແກ້ວດວງດີ ກໍາມະການຄະນະປະຈໍາ, ປະທານກໍາມາທິການກົດໝາຍ ສພຊ ໄດ້ຕ້ອນຮັບທ່ານ ລຽວທາໂລະ ໂອເບະ (Mr Ryotaro Oba) ຫົວໜ້າສະຖາບັນຄົ້ນຄວ້າ ແລະ ເຝິກອົບຮົມຍຸຕິທໍາ, ກະຊວງຍຸຕິທໍາຍີ່ປຸ່ນ ພ້ອມດ້ຍຄະນະ ເນື່ອງໃນໂອກາດທີ່ເດີນທາງມາຢ້ຽມ, ເຮັດວຽກ ແລະ ເຂົ້້າຮ່ວມພິທີສະເຫລີມສະຫລອງຄົບຮອບ 20 ປີແຫ່ງການຮ່ວມມືມິດຕະພາບລາວ-ຍີ່ປຸ່ນ (1998-2018) ໃນລະຫວ່າງ ວັນທີ 19-21 ກຸມພາ 2019.

          ທ່ານ ສາຍທອງ ແກ້ວດວງດີ ໄດ້ກ່າວສະແດງຄວາມຍິນດີຕ້ອນຮັບອັນອົບອຸ່ນຕໍ່ທ່ານ ລຽວທາໂລະ ໂອເບະ ທັງຕີລາຄາສູງຕໍ່ການເຂົ້າພົບປະໃນຄັ້ງນີ້ ເຊິ່ງເປັນການປະກອບສ່ວນເຂົ້າໃນການເສີມຂະຫຍາຍສາຍພົວພັນການຮ່ວມມື ລະຫວ່າງສອງປະເທດໃຫ້ເຂົ້າສູ່ລວງເລິກ ແລະ ຂອບໃຈຕໍ່ການຊ່ວຍເຫລືອ, ສະໜັບສະໜູນເຊິ່ງກັນ ແລະ ກັນໃນເວທີພາກພື້ນ ແລະ ເວທີສາກົນຕະຫລອດມາ.

          ທ່ານ ລຽວທາໂລະ ໂອເບະ ກໍໄດ້ກ່າວສະແດງຄວາມຂອບໃຈຕໍ່ທ່ານ ສາຍທອງ ແກ້ວດວງດີ ທີ່ໄດ້ໃຫ້ການຕ້ອນຮັບອັນອົບອຸ່ນ ພ້ອມທັງແຈ້ງຈຸດປະສົງກ່ຽວກັບການເຂົ້າພົບປະໃນຄັ້ງນີ້ ກໍເພື່ອສືບຕໍ່ປະກອບສ່ວນຮັດແໜ້ນການພົວພັນ ແລະ ການຮ່ວມມືລະຫວ່າງສອງປະເທດລາວ-ຍີ່ປຸ່ນ ແລະ ສະເຫລີມສະຫລອງຄົບຮອບ 20 ປີ ແຫ່ງການຮ່ວມມືມິຕະພາບລາວ-ຍີ່ປຸ່ນ.

         

(ສອນສັກ ວັນວິໄຊ)