ສສຊ ແລະ ສສຂ ວຽງຈັນ ເຜີຍແຜ່ຜົນສຳເລັດກອງປະຊຸມສະໄໝສາມັນ

08/04/2019 00:00 -

(ສພຊ) ໃນລະຫວ່າງວັນທີ 19-22  ມີນາຜ່ານມາ, ທ່ານ ສົມພູ ດວງສະຫວັນ ປະທານກໍາມາທິການວັດທະນະທຳ-ສັງຄົມ ທັງເປັນສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 10 ແຂວງວຽງຈັນ, ທ່ານ ປະເສີດ ວັນສີ ສະມາຊິກສະພາປະຊາຊົນແຂວງ (ສສຂ) ປະຈຳເມືອງຊະນະຄາມ ພ້ອມດ້ວຍຄະນະ ໄດ້ເຄື່ອນໄຫວພົບປະປະຊາຊົນ ແລະ ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ (ສພຊ) ຊຸດທີ VIII ແລະ ສະພາປະຊາຊົນແຂວງ (ສພຂ) ວຽງຈັນ ຊຸດທີ I ຢູ່ 3 ບ້ານຄື: ນາດີ, ດົງຂ່າ, ນາປາຝາ-ບ້ານໍ້າພອກ ແລະ ກອງບັນຊາການທະຫານເມືອງຂອງເມືອງຊະນະຄາມ.

          ໃນການເຄື່ອນໄຫວພົບປະປະຊາຊົນ ແລະ ເຜີຍແຜ່ຄັ້ງນີ້, ຄະນະ ໄດ້ຮັບຟັງການລາຍງານສະພາບລວມໂດຍຫຍໍ້ຈາກອຳນາດການປົກຄອງແຕ່ລະກຸ່ມບ້ານ; ຈາກນັ້ນ, ບັນດາທ່ານ ສສຊ ແລະ ສສຂ ໄດ້ຜັດປ່ຽນກັນເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 6 ຂອງ ສພຊ ຊຸດທີ VIII ແລະ ສພຂ ວຽງຈັນ ຊຸດທີ I ໃຫ້ກັບພໍ່ແມ່ປະຊາຊົນຜູ້ມີສິດເລືອກຕັ້ງ ກໍຄືປະຊາຊົນບັນດາເຜົ່າໄດ້ຮັບຟັງ, ຮັບຮູ້ ແລະ ເຂົ້າໃຈກ່ຽວກັບ ລະບົບການເຮັດວຽກຂອງ ສສຊ ແລະ ສສຂ ກໍຄືຂອງ ສພຊ ເປັນຕົ້ນແມ່ນບັນຫາສຳຄັນຕ່າງໆທີ່ໄດ້ຮັບຮອງເອົາໃນກອງປະຊຸມ ຄື: ມະຕິຂອງກອງປະຊຸມສະພາແຫ່ງຊາດວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປີ 2018 ແລະ ທິດທາງແຜນການ ປີ 2019; ມະຕິຂອງກອງປະຊຸມສະພາແຫ່ງຊາດວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດແຜນງົບປະມານແຫ່ງລັດ 9 ເດືອນ, ຄາດຄະເນໝົດປີ 2018 ແລະ ທິດທາງແຜນການ ປີ 2019; ມະຕິຂອງກອງປະຊຸມສະພາແຫ່ງຊາດວ່າດ້ວຍການຮັບຮອງເອົາການເຄື່ອນໄຫວວຽກງານກາງສະໄໝ 2016-2018 ແລະ ປິ 2018. ທິດທາງຮອດປິ 2020 ແລະ ແຜນວຽກຈຸດສຸມ ປະຈຳປິ 2019 ຂອງສະພາແຫ່ງຊາດ ຊຸດທີ VIII; ມະຕິຂອງກອງປະຊຸມສະພາແຫ່ງຊາດວ່າດ້ວຍການຮັບຮອງເອົາບົດລາຍງານການເຄື່ອນໄຫວວຽກງານກວດສອບ ປະຈຳປີ 2018, ທິດທາງແຜນການ ປິ 2019, ບົດລາຍງານຜົນການກວດສອບບົດສະຫລຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ ປະຈຳປີ 2017 ແລະ ບົດລາຍງານອົງການກວດກາລັດຖະບານກ່ຽວກັບຜົນການກວດກາຕາມຜົນການກວດສອບ; ມະຕິຂອງກອງປະຊຸມສະພາແຫ່ງຊາດວ່າດ້ວຍການຮັບຮອງເອົາບົດລາຍງານການເຄື່ອນໄຫວວຽກງານກາງສະໄໝ ຂອງການ 5 ປີ, ວຽກງານປະຈຳປີ 2018 ແລະ ທິດທາງແຜນການຮອດ 2020, ວຽກງານຈຸດສຸມ ປິ 2019 ຂອງອົງການໄອຍາການປະຊາຊົນສູງສຸດ ແລະ ສານປະຊາຊົນສູງສູດ; ມະຕິຂອງກອງປະຊຸມສະພາແຫ່ງຊາດວ່າດ້ວຍການຮັບຮອງເອົາການຊີ້ແຈງຂອງໄອຍາການປະຊາຊົນສູງສຸດ ກ່ຽວກັບການລະເມີດສັນຍາກູ້ຍືມ ທີ່ມີຫລັກຊັບຄ້ຳປະກັນ ແຕ່ນຳມາດຳເນີນເປັນຄະດີອາຍາໃນຂໍ້ຫາສໍ້ໂກງຊັບຂອງພົນລະເມືອງ; ມະຕິຂອງກອງປະຊຸມສະພາແຫ່ງຊາດວ່າດ້ວຍການຮັບຮອງເອົາຊົນເຜົ່າບຣູ ແລະ ມະຕິຂອງກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາການແຕ່ງຕັ້ງລັດຖະມົນຕີກະຊວງປ້ອງກັນຄວາມສະຫງົບ ແລະ ຍັງໄດ້ເຜີຍແຜ່ເນື້ອໃນເອກະສານຂອງກອງປະຊຸມສະໄໝສາມັນເທື່ອທີ 6 ຂອງ ສພຂ ຊຸດທີ I ແລະ ເນື້ອໃນເອກະສານອື່ນທີ່ກ່ຽວຂ້ອງ;ພ້ອມທັງເຜີຍແຜ່ກ່ຽວກັບທີ່ຕັ້ງ, ພາລະບົດບາດ, ສິດ ແລະ ໜ້າທີ່ ຂອງ ສພຊ, ສພຂ ໃນການເຄື່ອນໄຫວຈັດຕັ້ງປະຕິບັດ 3 ພາລະບົດບາດ ທີ່ໄດ້ກຳນົດໄວ້ໃນລັດຖະທຳມະນູນ ແລະ ກົດໝາຍວ່າດ້ວຍ ສພຊ ແລະ ສພຂ ເປັນຕົ້ນ ດ້ານນິຕິກຳ ການສ້າງ ແລະ ປັບປຸງກົດໝາຍ, ການຕົກລົງຮັບຮອງເອົາບັນຫາພື້ນຖານສຳຄັນຂອງຊາດ, ຂອງທ້ອງຖິ່ນ ແລະ ການຕິດຕາມກວດກ.

  • , ຄະນະຜູ້ແທນ ຍັງໄດ້ຮັບຟັງ ແລະ ຮັບເອົາຄຳຄິດຄຳເຫັນ, ຄຳສະເໜີຂອງພະນັກງານ, ອຳນາດການປົກຄອງ ແລະ ປະຊາຊົນ ທີ່ສະເໜີໃຫ້ບັນດາທ່ານ ສສຊ ຊ່ວຍຄົ້ນຄວ້າ, ພິຈາລະນາຫາວິທີເພື່ອແກ້ໄຂກ່ຽວກັບບັນຫາຕ່າງໆທີ່ຕິດພັນກັບການດຳລົງຊີວິດ ໃຫ້ໄດ້ຮັບການພັດທະນາດີຂຶ້ນເທື່ອລະກ້າວ; ພ້ອມນັ້ນ, ຄະນະຜູ້ແທນຍັງໄດ້ມີຄຳເຫັນຕອບຕໍ່ບັນຫາທີ່ສະເໜີ ແລະ ຮັບເອົາບັນຫາຕ່າງໆນັ້ນ ເພື່ອຈະປະສານສົມທົບກັບອຳນາດການປົກຄອງເມືອງ, ບັນດາຂະແໜງການທີ່ກ່ຽວຂ້ອງ ເພື່ອຫາວິທີເພື່ອແກ້ໄຂທີ່ເໝາະສົມ.  ໃນໂອກາດດັ່ງກ່າວ ຄະນະຍັງໄດ້ໄປຢ້ຽມຊົມເບິ່ງການຜະລິດຂອງປະຊາຊົນຕາມການເໜີອີກດ້ວຍ.