ກວດກາເນື້ອໃນຮອບດ້ານ ຂອງຮ່າງກົດໝາຍວ່າດ້ວຍ ການຈັດສັນ ພູມລໍາເນົາ ແລະ ອາຊີບ

26/02/2018 00:00 -

     (ສພຊ) ໃນລະຫວ່າງວັນທີ 19-21 ກຸມພາ 2018 ທີ່ ຣີສອດນາປ່າກວາງ, ແຂວງວຽງຈັນ ກໍາມາທິການກົດໝາຍ ​ແລະ ກໍາມາ​ທິການ​ເສດຖະກິດ ​ເຕັກ​ໂນ​ໂລ​ຊີ ​ແລະ ສິ່ງ​ແວດ​ລ້ອມ ຮ່ວມ​ກັບ ກະຊວງ​ກະສິກໍາ ​ແລະ ປ່າ​ໄມ້ ໄດ້ຈັດກອງປະຊຸມກວດກາ​ເນື້ອ​ໃນ​ຮອບດ້ານ ຂອງຮ່າງ​ກົດໝາຍວ່າ​ດ້ວຍ ການຈັດ​ສັນ ພູ​ມລໍາ​ເນົາ ​ແລະ ອາຊີບ ຂຶ້ນ ໂດຍການເປັນປະທານຮ່ວມຂອງ ທ່ານ ບູນປອນ ສີ​ສຸລາ​ດ, ກໍາມະການ​ຄະນະ​ປະ​ຈໍາ​ສະພາ​ແຫ່ງ​ຊາດ, ປະທານ​ກໍາມາ​ທິການ​ເສດຖະກິດ ​ເຕັກ​ໂນ​ໂລ​ຊີ ​ແລະ ສິ່ງ​ແວດ​ລ້ອມ, ທ່ານ ສາຍທອງ ​ແກ້ວ​ດວງ​ດີ ກໍາມະການ​ຄະນະ​ປະ​ຈໍາ​ສະ ພາ​ແຫ່ງ​ຊາດ, ປະທານກໍາມາ​ທິການ​ກົດໝາຍ ​ແລະ ທ່ານ ຄໍາ​ບູນນັດ ​ໄຊ​ຍະ​ນົນ ຮອງ​ລັດຖະມົນຕີ ກະຊວງ​ກະສິກໍາ ​ແລະ ປ່າ​ໄມ້; ເຂົ້າຮ່ວມ ມີ ບັນດາຮອງປະທານກໍາມາທິການ, ຜູ້​ຕາງໜ້າຈາກ ​ຫ້ອງ​ວ່າການ​ປະທານ​ປະ​ເທດ, ຫ້ອງ​ວ່າ ການ​ສໍານັກງານ​ນາຍົກລັດຖະມົນຕີ, ​ກະຊວງ​ຍຸຕິ​ທໍາ,  ບັນດາ​ຫົວໜ້າ-ຮອງ​ຫົວໜ້າກົມ ​ແລະ ລັດຖະກອນ ຈໍານວນໜຶ່ງ ຂອງ​ສະພາ​ແຫ່ງ​ຊາດ ​ແລະ ກະຊວງ​ກະສິກໍາ ​ແລະ ປ່າ​ໄມ້.

     ຮ່າງ​ກົດໝາຍສະບັບ​ນີ້ ​ເປັນ​ກົດໝາຍທີ່​ສ້າງ​ໃໝ່ ເອີ້ນ​ວ່າ ກົດໝາຍວ່າ​ດ້ວຍ ການຈັດ​ສັນ ພູມ​ລໍາ​ເນົາ ​ແລະ ອາຊີ​ບ ປະກອບ ມີ 12 ພາກ, 5 ໝວດ ​ແລະ 81 ມາດຕາ. ​ຊຶ່ງ​ໄດ້​ຜ່ານ​ການທາ​ບທາມ ຕາມ​ຂັ້ນ​ຕອນ​ຂອງ​ການ​ສ້າງ ​ແລະ ປັບປຸງ​ກົດໝາຍ ​ແລະ ​ໄດ້​ຜ່ານ​ກອງ​ປະຊຸມ​ລັດຖະບານ​ມາ​ແລ້ວ. ສະ​ນັ້ນ​ເພື່ອ​ເຮັດ​ໃຫ້​ເນື້ອ​ໃນຂອງ​ກົດ ໝາຍມີ​ຄວາມ ​ຊັດ​ເຈນ, ຈະ​ແຈ້ງ ​ແລະ ຄົບ​ຖ້ວນນັ້ນ, ຄະນະ​ປະ​ຈໍາ​ສະພາ​ແຫ່ງ​ຊາດ ຈຶ່ງ​ໄດ້​ມອບ​ໃຫ້​ກໍາມາ​ທິການ​ກົດໝາຍ ຮ່ວມ​ກັບ ກໍາມາ​ທິການ​ທີ່​ກ່ຽວຂ້ອງ​ ຄົ້ນຄວ້າ​ກວດກາຮອບດ້ານ ທາງ​ດ້ານ​ເຕັກນິກ, ຄວາມ​ສອດຄ່ອງ​ກັບ​ກົດໝາຍ ​ແລະ ລັດຖະທໍາ​ມະນູນ ລວມທັງ​ຄວາມ​ຈໍາ​ເປັນ ​ແລະ ຄວາມ​ສໍາຄັນ ຂ​ອງກົດໝາຍສະບັບ​ດັ່ງກ່າວ ​ເພື່ອ​ລາຍ​ງານ​ຄືນ​ໃຫ້​ຄະນະ​ປະ​ຈໍາ​ສະພາ​ແຫ່ງ​ຊາດ ພິຈາລະນາ​ ເອົາ​ເຂົ້າ​ໃນ​ວາລະກອງ​ປະຊຸມ​ສະ​ໄໝສາມັນ   ​ເທື່ອ​ທີ 5 ຂອງ​ສະພາ​ແຫ່ງ​ຊາດ ຊຸດ​ທີ VIII ທີ່​ຈະ​ຈັດ​ຂື້ນ​ໃນ​ມໍ່ໆນີ້.     

(ກົມໂຄສະນາ ແລະ ຕີຄວາມໝາຍກົດໝາຍ)