ຕິດຕາມກວດກາບັນດາວຽກງານໃນຂົງເຂດ ປກຊ-ປກສ ຢູ່ແຂວງວຽງຈັນ

13/05/2019 00:00 -

(ສພຊ) ວັນທີ 2 ພຶດສະພາ 2019 ທີ່ຫ້ອງປະຊຸມສະພາປະຊາຊົນແຂວງວຽງຈັນ ໄດ້ເປີດກອງປະຊຸມຕິດຕາມກວດກາ ບັນດາວຽກງານໃນຂົງເຂດປ້ອງກັນຊາດ-ປ້ອງກັນຄວາມສະຫງົບ (ປກຊ-ປກສ) ຂອງກໍາມາທິການປ້ອງກັນຊາດ-ປ້ອງກັນຄວາມສະຫງົບ (ກປຊສ) ສະພາແຫ່ງຊາດໂດຍການເປັນປະທານຂອງທ່ານ ພົຈ. ພູມີ ວັນດີໄຊ ຮອງປະທານ ກປຊສ ສະພາແຫ່ງຊາດ; ເຂົ້າຮ່ວມມີທ່ານ ພັອ. ສີນວນ ພົມມະຈັກ ປະທານກໍາມະການຍຸຕິທໍາ ແລະ ປກຊ-ປກສ ສະພາປະຊາຊົນແຂວງ,ມີສະມາຊິກສະພາປະຊາຊົນແຂວງ,ເລຂາທິການສະພາປະຊາຊົນແຂວງ ແລະ ພະນັກງານ-ວິຊາການທີ່ ກ່ຽວຂ້ອງເຂົ້າຮ່ວມ.

ໃນການເຄື່ອນໄຫວວຽກງານໃນຄັ້ງນີ້ແມ່ນເພື່ອຕິດຕາມກວດກາບັນດາວຽກງານໃນຂົງເຂດ ປກຊ-ປກສ ຢູ່ແຂວງວຽງຈັນ ເຊິ່ງໃນກອງປະຊຸມທ່ານ ພັອ. ສີນວນ ພົມມະຈັກ ໄດ້ລາຍງານຫຍໍ້ກ່ຽວກັບວຽກງານຂອງຄະນະກໍາມະການຍຸຕິທໍາແລະປກຊ-ປກສສະພາປະຊາຊົນແຂວງໄລຍະຜ່ານມາໂດຍສະເພາະແມ່ນສະພາບຄວາມບໍ່ສະຫົງບແລະຄວາມບໍ່ເປັນລະບຽບຮຽບຮ້ອຍຢູ່ພາຍໃນແຂວງວຽງຈັນ; ນອກນີ້,ຍັງໄດ້ປະສານສົມທົບກັບກອງບັນຊາການທະຫານແຂວງ ແລະ ປກສແຂວງເພື່ອກໍາສະພາບກົນອຸບາຍແລະການເຄື່ອນໄຫວຂອງກຸ່ມຄົນທີ່ບໍ່ດີ,ຕິດຕາມການແກ້ໄຂບັນຫາປະກົດການຫຍໍ້ທໍ້ຢູ່ພາຍໃນແຂວງ, ການຈັດຕັ້ງປະຕິບັດລັດຖະທໍາມະນູນແລະກົດໝາຍ,ຕິດຕາມກວດກາແລະເກັບກໍາສະພາບການຂອງປະຊາຊົນກ່ຽວກັບຄໍາຮ້ອງຂໍຄວາມເປັນທໍາ,ຄໍາສະເໜີທີ່ພົວພັນເຖິງວຽກງານ ປກຊ-ປກສ ແລະ ລົງເກັບກໍາຂໍ້ມູນ, ກວດກາຄືນບັນດາຄໍາຮ້ອງຂໍຄວາມເປັນທໍາທີ່ເຫັນວ່າບໍ່ທັນຈະແຈ້ງ ແລະ ມີຄວາມຫຍຸ້ງຍາກ ເພື່ອຄົ້ນຄວ້າພິຈາລະນາແກ້ໄຂ; ພ້ອມດຽວກັນນັ້ນ, ບັນດາຜູ້ເຂົ້າຮ່ວມຍັງໄດ້ສົນທະນາແລກປ່ຽນຄຳຄິດຄຳເຫັນເພື່ອພ້ອມກັນຊອກຫາວິທີທາງແກ້ໄຂປາ ກົດການຫຍໍ້ທໍ້ຂອງສັງຄົມໃນຕໍ່ໜ້າ.

(ນາງ ບູລາຕີ ແສນທະວົງ)