ກອງປະຊຸມຄົບຄະນະກຳມາທິການ ປກຊ-ປກສ ປະຈໍາປີ 2017

07/03/2018 00:00 -

(ສພຊ) ວັນຈັນທີ 8 ມັງກອນຜ່ານມາ ທີ່ຫ້ອງປະຊຸມຄະນະເລຂາທິການສະພາແຫ່ງ ຊາດ (ຫລັກ 6), ນະຄອນຫລວງວຽງຈັນ ກອງປະຊຸມຄົບຄະນະກຳມາທິການປ້ອງກັນ ຊາດ-ປ້ອງກັນຄວາມສະງົບ (ປກຊ-ປກສ) ປະຈໍາປີ 2017 ໄດ້ໄຂຂຶ້ນ ໂດຍການເປັນປະ ທານຂອງທ່ານ ພົຈວ. ຄຳສຸກ ວີອິນທະວົງ ປະທານກຳມາທິການດັ່ງກ່າວ; ເຂົ້າຮ່ວມມີບັນ ດາທ່ານປະທານ-ຮອງປະທານກຳມາທິການ, ສະຖາບັນຄົ້ນຄວ້ານິຕິກຳ, ຮອງລັດຖະມົນຕີ ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ, ສະມາຊິກສະພາແຫ່ງຊາດ ທີ່ເປັນກໍາມະການກໍາມາທິການ ປກຊ-ປກສ ພ້ອມດ້ວຍແຂກຖືກເຊີນ.

        ທ່ານປະທານກອງປະຊຸມ ໄດ້ມີຄຳເຫັນກ່າວໄຂວ່າ: ກອງປະຊຸມຈະໄດ້ຄົ້ນຄວ້າພິຈາ ລະນາ ແລະ ປະກອບຄຳຄິດເຫັນຕໍ່ບັນຫາຕ່າງໆຄື: ບົດສະຫລຸບການເຄື່ອນໄຫວຂອງກໍາ ມາທິການ ປກຊ-ປກສ ປະຈໍາປີ 2017 ແລະ ແຜນການເຄື່ອນໄຫວ ປະຈໍາປີ 2018; ທາບທາມຮ່າງກົດໝາຍວ່າດ້ວຍນາຍທະຫານກອງທັບ ປະຊາຊົນລາວ (ສະບັບປັບປຸງ); ຜ່ານຮ່າງມະຕິກອງປະຊຸມຄົບຄະນະຂອງກຳມາທິການ ປກຊ-ປກສ ປະຈໍາປີ 2017 ແລະ ວຽກງານອື່ນໆ, ນອກຈາກນັ້ນ ກອງປະຊຸມຍັງໄດ້ຮັບ ຟັງການໂອ້ລົມ ແລະ ການໃຊ້ທິດຊີ້ ນໍາຂອງຄະນະປະຈໍາສະພາແຫ່ງຊາດຕໍ່ການເຄື່ອນໄຫວວຽກງານຂອງກຳມາທິການໃນຕໍ່ໜ້າ.

        ໃນຕອນທ້າຍ, ທ່ານໄດ້ສະເໜີມາຍັງບັນດາທ່ານຜູ້ເຂົ້າຮ່ວມ ຈົ່ງໄດ້ພ້ອມກັນເພີ່ມ ທະວີຄວາມຮັບຜິດຊອບຂອງຕົນໃນການປະກອບຄໍາຄິດເຫັນໃສ່ບັນ ຫາຕ່າງໆຢ່າງກົງໄປ ກົງມາ, ມີລັກສະນະສ້າງສັນ, ຊອກໄດ້ດ້ານດີ, ດ້ານອ່ອນ, ຂໍ້ຄົງຄ້າງ, ສາເຫດ, ວິທີການ ແກ້ໄຂໃນຕໍ່ໜ້າ.

(ສົມນຶກ ແກ້ວໄຊຍະຈັກ)