ຜົນສຳເລັດ ກອງປະຊຸມຄົບຄະນະກຳມາທິການ ປກຊ-ປກສ ປະຈໍາປີ 2017

07/03/2018 00:00 -

(ສພຊ) ກອງປະຊຸມຄົບຄະນະກຳມາທິການປ້ອງກັນຊາດ-ປ້ອງກັນຄວາມສະຫງົບ (ປກຊ-ປກສ) ໄດ້ດໍາ ເນີນມາເປັນເວລາ 2 ວັນເຕັມ (8-9 ມັງກອນ 2018) ໄດ້ອັດລົງດ້ວຍຜົນສໍາເລັດອັນຈົບງາມ; ພາຍໃຕ້ການເປັນ ປະທານຂອງທ່ານ ພົຈວ. ຄໍາສຸກ ວີອິນທະວົງ ປະທານກໍາມາທິການດັ່ງກ່າວ; ເຂົ້າຮ່ວມມີທ່ານ ແສງນວນ ໄຊຍະລາດ ເລຂາທິການສູນກາງພັກ, ຮອງປະທານສະພາແຫ່ງຊາດ, ບັນດາທ່ານປະທານ-ຮອງປະທານກໍາມາທິການ, ຮອງລັດ ຖະມົນຕີ, ສະມາຊິກສະພາແຫ່ງຊາດ ສັງກັດໃນກໍາມະການ ປກຊ-ປກສ ພ້ອມດ້ວຍແຂກຖືກເຊີນ.

ກອງປະຊຸມເຫັນດີເປັນເອກະພາບກັບບົດສະຫລຸບຕີລາຄາສະພາບການດ້ານຕ່າງໆ  ແລະ  ການເຄື່ອນໄຫວ ວຽກງານປະຈໍາປີ 2017. ພ້ອມທັງຍ້ອງຍໍຊົມເຊີຍຕໍ່ຜົນສໍາເລັດໃນວຽກງານຂອງກໍາມາທິການ ປກຊ-ປກສ ທີ່ໄດ້ ເອົາໃຈໃສ່ປະຕິບັດພາລະບົດບາດຂອງຕົນໃນໜຶ່ງປີຜ່ານມາ; ພ້ອມກັນນັ້ນ, ກໍາມະການຂອງກໍາມາທິການ ປກຊ-ປກສ ໄດ້ເຂົ້າຮ່ວມການຄົ້ນຄ້ວາ ແລະ ປັບປຸງກົດໝາຍຕາມແຜນການຂອງສະພາແຫ່ງຊາດ  ລວມທັງການພິຈາລະ ນາປະກອບຄໍາເຫັນຕໍ່ບັນດາກົດໝາຍທີ່ພົວພັນເຖິງກໍາລັງປະກອບອາວຸດ,  ກໍຄືກໍາໃຕ້ກົດໝາຍທີ່ຢູ່ໃນເຂດເລືອກຕັ້ງ ໃຫ້ມີເນື້ອໃນຖືກຕ້ອງ ແລະ ຮັດກຸມ, ປະກອບຄໍາເຫັນຕໍ່ບັນຫາສໍາຄັນຂອງຊາດ ເປັນຕົ້ນແຜນພັດທະນາເສດຖະກິດ-ສັງຄົມ, ແຜນງົບປະມານແຫ່ງລັດ,  ແຜນການເຄື່ອນໄຫວຂອງສະພາແຫ່ງຊາດ ແລະ ອື່ນໆ, ໄດ້ປະຕິບັດຕາມກົດ ໝາຍວ່າດ້ວຍການຕິດຕາມກວດກາຂອງສະພາແຫ່ງຊາດ ທີ່ພົວພັນກັບຂົງເຂດປ້ອງກັນຊາດ-ປ້ອງກັນຄວາມສະ ຫງົບ  ພ້ອມນັ້ນກອງປະຊຸມກໍໄດ້ຊອກເຫັນບັນຫາຄົງຄ້າງຈໍານວນໜຶ່ງຢູ່ພາຍໃນຕ້ອງໄດ້ພ້ອມກັນສູ້ຊົນແກ້ໄຂ.    

ກອງປະຊຸມເຫັນດີຮັບຮອງເອົາທິດທາງແຜນການ ປະຈໍາປີ 2018 ເພື່ອເປັນບ່ອນອີງໃນການຈັດຕັ້ງປະຕິ ບັດວຽກງານຂອງບັນດາກໍາມະການສັງກັດ ກໍາມາທິການ ປກຊ-ປກສ ໂດຍສະເພາະວຽກງານຈຸດສຸມການລົງ ຕິດຕາມ, ກວດກາ, ວຽກງານປັບປຸງກົດໝາຍ ແລະ ນິຕິກໍາໃຕ້ກົດໝາຍໃນຂົງເຂດ ປກຊ-ປກສ, ກົນໄກປະສານ ງານກັບກະຊວງ ແລະ ອົງການກ່ຽວຂ້ອງ ເພື່ອພິຈາລະນາແກ້ໄຂຄໍາຮ້ອງຂໍຄວາມເປັນທໍາ ທີ່ພົວພັນເຖິງກໍາລັງ ປ້ອງກັນຊາດ-ປ້ອງກັນຄວາມສະຫງົບ ແລະ ຜົນກະທົບຕ່າງໆ ຕໍ່ກໍາລັງປະກອບອາວຸດ; ເຫັນດີເປັນເອກະພາບຕໍ່ບົດ ປະກອບຄໍາເຫັນຂອງກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ, ເຂດເລືອກຕັ້ງທີ 2, 17, 18  ແລະ ເຂດເລືອກຕັ້ງຕ່າງໆ ທີ່ໄດ້ຍົກຂຶ້ນກ່ຽວກັບຈຸດພິເສດ ແລະ ຄວາມຮັບຜິດຊອບຕາມພາລະບົດບາດ, ສິດ ແລະ ໜ້າທີ່ຂອງແຕ່ລະພາກສ່ວນ ເປັນຕົ້ນວຽກງານພັດທະນາເສດຖະກິດ-ສັງຄົມ, ບັນຫາຄວາມໝັ້ນຄົງຂອງຊາດ ແລະ ບັນດາປະກົດ ການຫຍໍ້ທໍ້ຂອງສັງຄົມ ແລະ ບັນຫາອື່ນໆ;

ພ້ອມກັນນັ້ນ, ຄະນະນໍາກະຊວງປ້ອງກັນປະເທດ ຍັງໄດ້ນໍາສະເໜີຮ່າງກົດໝາຍວ່າດ້ວຍນາຍທະຫານກອງ ທັບປະຊາຊົນລາວ (ສະບັບປັບປຸງ) ເຂົ້າທາບທາມໃນກອງປະຊຸມຄັ້ງນີ້ ເພື່ອຈະເອົາເຂົ້າຜ່ານກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງຊາດ ຊຸດທີ VIII.

ກອງປະຊຸມໄດ້ຮັບຟັງການໂອ້ລົມຂອງທ່ານຮອງປະທານສະພາແຫ່ງຊາດ ຜູ້ຊີ້ນໍາວຽກງານ ປກຊ-ປກສ ເຊິ່ງທ່ານໄດ້ໃຫ້ທິດທາງເປັນຕົ້ນການຈັດຕັ້ງປະຕິບັດໜ້າທີ່ວຽກງານໃຫ້ມີປະສິດທິຜົນ ພ້ອມກັນຕັດສິນໃຈຜ່ານຜ່າ ຄວາມຫຍຸ້ງຍາກເຮັດສໍາເລັດໜ້າທີ່ເປັນຢ່າງດີ, ໂດຍສະເພາະແມ່ນຂົງເຂດການປ້ອງກັນຊາດ-ປ້ອງກັນຄວາມສະ ຫງົບ ແລະ ປ້ອງກັນຮັບໃຊ້ກອງປະຊຸມສະໄໝສາມັນຂອງສະພາແຫ່ງຊາດແຕ່ລະເທື່ອ ໃຫ້ມີຄວາມປອດໄພ,  ພ້ອມ ກັນຜັນຂະຫຍາຍທິດທາງແຜນການຂອງຄະນະປະຈໍາສະພາແຫ່ງຊາດໃຫ້ເປັນແຜນການ, ກິດຈະກໍາຂອງຕົນ, ເປັນ ເຈົ້າການປະສານສົມທົບກັບຂະແໜງການກ່ຽວຂ້ອງ ແລະ ປະສານກັບຄະນະປະສານງານ 2  ກະຊວງ ປກຊ-ປກສ   ເພື່ອຕິດຕາມກໍາແໜ້ນສະພາບການຕ່າງໆທີ່ພົວພັນເຊື່ອມໂຍງກັບວຽກງານ ປກຊ-ປກສ ຮັບປະກັນການເຄົາລົບ ແລະ ຈັດຕັ້ງປະຕິບັດລັດຖະທໍາມະນູນ, ກົດໝາຍໃຫ້ຖືກຕ້ອງ ແລະ ເຂັ້ມງວດ.  ກໍາມາທິການ ປກຊ-ປກສ, ບັນດາ ກໍາມະການສັງກັດກໍາມາທິການດັ່ງກ່າວ ແລະ ກົມທີ່ເປັນເສນາທິການ ຈົ່ງເພີ່ມທະວີຄວາມຮັບຜິດຊອບປະສານສົມ ທົບກັບບັນດາກໍາມາທິການອື່ນ ເປັນເຈົ້າການຕິດຕາມ, ກວດກາຊຸກຍູ້ເປັນແຕ່ລະໄລຍະເພື່ອຈັດຕັ້ງປະຕິບັດໃຫ້ປະ ກົດ ເປັນ ຈິງ ແລະ ມີປະສິດທິຜົນສູງ.

(ສົມນຶກ ແກ້ວໄຊຍະຈັກ)