ກອງປະຊຸມວຽກງານຫ້ອງວ່າການທົ່ວປະເທດ ຄັ້ງທີ VIII

09/03/2018 00:00 -

(ສພຊ) ໃນລະຫວ່າງວັນທີ 15-16 ມັງກອນຜ່ານມາ, ທີ່ຫ້ອງປະຊຸມຄະນະເລຂາທິ ການສະພາແຫ່ງຊາດ (ຫລັກ 6) ໄດ້ມີກອງປະຊຸມວຽກງານຫ້ອງວ່າການທົ່ວປະເທດ ຄັ້ງທີ VIII “ຍົກສູງຄຸນນະພາບການເປັນເສນາທິການ ແລະ ການປະສານງານທີ່ດີຂອງຫ້ອງວ່າ ການ”; ໂດຍການເປັນປະທານຂອງທ່ານ ນາງ ສວນສະຫວັນ ວິຍະເກດ ກໍາມະການສໍາ ຮອງສູນກາງພັກ, ເລຂາທິການສະພາແຫ່ງຊາດ, ເຂົ້າຮ່ວມມີທ່ານ ນາງ ສີໃສ ລືເດດມູນ ສອນ ກໍາມະການສູນກາງພັກ, ຮອງປະທານສະພາແຫ່ງຊາດ, ມີບັນດາຫົວໜ້າ-ຮອງຫົວ ໜ້າຫ້ອງວ່າການປະທານປະເທດ, ຫ້ອງວ່າການສໍານັກງານນາຍົກລັດຖະມົນຕີ, ຫ້ອງວ່າ ການສູນກາງພັກ, ຫ້ອງການອ້ອມຂ້າງກະຊວງຈາກສູນກາງ ແລະ ທ້ອງຖິ່ນ, ຄະນະເລຂາ ທິການສະພາປະຊາຊົນແຂວງ ພ້ອມດ້ວຍພະນັກງານທີ່ສັງກັດຢູ່ບັນດາຫ້ອງວ່າການ.

        ກອງປະຊຸມຄັ້ງນີ້, ກໍເພື່ອສະຫລຸບຕີລາຄາການຈັດຕັ້ງປະຕິບັດມະຕິກອງປະຊຸມວຽກ ງານ ຫ້ອງວ່າການທົ່ວປະເທດ ຄັ້ງທີ VII ທີ່ຜ່ານມາ, ເຫັນວ່າມີທັງດ້ານດີ ແລະ ຜົນສໍາເລັດ ທີ່ຈະຕ້ອງໄດ້ພ້ອມກັນສືບຕໍ່ຜັນຂະຫຍາຍ, ພ້ອມກັນນັ້ນ ກໍເພື່ອຊອກມໃຫ້ເຫັນຈຸດອ່ອນ ແລະ ຂໍ້ຄົງຄ້າງໃນການເຄື່ຶອນໄຫວວຽກງານໃນໄລຍະຜ່ານມາ ເຊິ່ງກອງປະຊຸມ ຈະໄດ້ພ້ອມ ກັນປຶກສາຫາລື ແລະ ແລກປ່ຽນຄໍາຄິດເຫັນ, ຊອກຫາວິທີການແກ້ໄຂຮ່ວມກັນ ເພື່ອຈະ ເປັນຂໍ້ມູນ ແລະ ບົດຮຽນໃນການແກ້ໄຂວຽກງານໃນຂອບເຂດຄວາມຮັບຜິດຊອບຂອງແຕ່ ລະພາກສ່ວນ ໃຫ້ດີຂຶ້ນ; ຈະໄດ້ພ້ອມກັນຄົ້ນຄວ້າ, ວາງທິດທາງແຜນການຂອງຫ້ອງວ່າ ການທົ່ວປະເທດ ແຕ່ນີ້ຮອດປິ 2020 ເຊິ່ງຈະເປັນບ່ອນອີງ ແລະ ເປັນຄາດໝາຍທີ່ແຕ່ ລະພາກສ່ວນຈະໄດ້ບຸກບືນສູ້ຊົນໃຫ້ບັນລຸຕາມຄາດໝາຍທີ່ວາງໄວ້.

ກອງປະຊຸມຫ້ອງວ່າການທົ່ວປະເທດຄັ້ງທີ VIII ໄດ້ຮັບຟັງການລາຍງານ ແລະ ປະ ກອບຄໍາເຫັນຕໍ່ບັນຫາຕ່າງໆດັ່ງນີ້: ບົດສະຫລຸບຕີລາຄາການຈັດຕັ້ງປະຕິບັດມະຕິກອງປະ ຊຸມວຽກງານຫ້ອງວ່າການທົ່ວປະເທດ ຄັ້ງທີ VII; ບົດປະກອບຄໍາເຫັນຂອງຫ້ອງວ່າການ ສູນກາງພັກ, ຫ້ອງວ່າການສໍານັກງານນາຍົກລັດຖະມົນຕີ, ຫ້ອງວ່າການປະທານປະເທດ, ຄະນະເລຂາທິການສະພາແຫ່ງຊາດ ກ່ຽວກັບການຍົກສູງຄຸນນະພາບການເປັນເສນາທິການ ແລະ ການປະສານງານທີ່ດີຂອງແຕ່ລະພາກສ່ວນ ເພື່ອຮັບປະກັນການປະຕິບັດພາລະບົດ ບາດຂອງອົງການຈັດຕັ້ງຕົນ; ບົດປະກອບຄຳເຫັນຂອງຫ້ອງການກະຊວງ 4 ກະຊວງຄື: ຍຸຕິທໍາ, ພາຍໃນ, ການເງິນ ແລະ ແຜນການ ແລະການລົງທຶນ ກ່ຽວກັບການຍົກສູງຄຸນ ນະພາບການເປັນເສນາທິການ ແລະ ການປະສານງານທີ່ດີຂອງແຕ່ລະຫ້ອງການກະຊວງ ເພື່ອຮັບປະກັນການປະຕິບັດພາລະບົດບາດຂອງກະຊວງຕົນ; ບົດປະກອບຄໍາເຫັນຂອງ ຫ້ອງວ່າການປົກຄອງນະຄອນຫລວງວຽງຈັນ, ແຂວງໄຊຍະບູລີ,  ຄະນະເລຂາທິການສະພາ ປະຊາຊົນແຂວງ ສະຫວັນນະເຂດ, ແຂວງຫລວງພະບາງ ກ່ຽວກັບການຍົກສູງຄູນນະພາບ ການເປັນເສນາທິການ ແລະ ການປະສານງານທີ່ດີຂອງແຕ່ລະພາກສ່ວນ ເພື່ອຮັບປະກັນ ການປະຕິບັດພາລະບົດບາດຂອງອົງການຈັດຕັ້ງຕົນ. ນອກຈາກນັ້ນ, ບັນດາຜູ້ເຂົ້າຮ່ວມ ກອງປະຊຸມ ໄດ້ເອົາໃຈໃສ່ສຸມສິຕິປັນຍາເຂົ້າໃນການຄົ້ນຄວ້າ, ປະກອບຄໍາເຫັນ ໂດຍໄດ້ສະ ເໜີບົດຮຽນ, ​ປະສົບການໃນການເຄື່ອນໄຫວວຽກງານຫ້ອງວ່າການ, ຫ້ອງການກ່ຽວກັບ ການຍົກສູງຄຸນນະພາບການເປັນເສນາທິການ, ການປະສານງານທີ່ດີ ເພື່ອຮັບປະກັນການ ປະຕິບັດພາລະບົດບາດຂອງສໍານັກງານອົງການຕົນ ມາແລກປ່ຽນຄວາມຄິດເຫັນ, ບົດຮຽນ ຮ່ວມກັນ ແນໃສ່ເຮັດໃຫ້ການປະຕິບັດພາລະບົດບາດຂອງຫ້ອງວ່າການ, ຫ້ອງການຂັ້ນ ຕ່າງໆໃນຂອບເຂດທົ່ວປະເທດ ໂດຍໄດ້ຍົກໃຫ້ເຫັນຜົນສໍາເລັດ ເພື່ອເປັນບົດຮຽນ ໃຫ້ ພາກສ່ວນຕ່າງໆ ນໍາໄປຈັດຕັ້ງຜັນຂະຫຍາຍ ແລະ ຂໍ້ຄົງຄ້າງ ເພື່ອເປັນບົດຮຽນໃຫ້ພາກ ສ່ວນຕ່າງໆ ພ້ອມກັນແກ້ໄຂ ແລະ ຫລີກລ່ຽງໄດ້.

ກອງປະຊຸມໄດ້ຮັບຟັງການໂອ້ລົມຈາກທ່ານ ນາງ ປານີ ຢາທໍ່ຕູ້ ກໍາມະການກົມການ ເມືອງສູນກາງພັກ, ປະທານສະພາແຫ່ງຊາດ ເຊິ່ງທ່ານໄດ້ເນັ້ນໜັກບາງບັນຫາທີ່ຕ້ອງເອົາໃຈ ໃສ່ແກ້ໄຂ ເປັນຕົ້ນຂໍ້ຄົງຄ້າງໃນວຽກງານຫ້ອງວ່າການ ເປັນຕົ້ນເອົາໃຈໃສ່ຖອດຖອນບົດ ຮຽນດ້ານດີຂອງການຈັດຕັ້ງປະຕິບັດມະຕິກອງປະຊຸມວຽກງານຫ້ອງວ່າການທົ່ວປະເທດຄັ້ງຜ່ານມາ ເພື່ອພ້ອມກັນສືບຕໍ່ຈັດຕັ້ງຜັນຂະຫຍາຍໃຫ້ມີຜົນສໍາເລັດຍິ່ງຂຶ້ນ, ຍົກສູງຄຸນນະ ພາບຂອງການເປັນເສນາທິການ, ຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ, ມະຕິກອງປະຊຸມຄົບຄະນະບໍລິຫານງານສູນກາງພັກ ມາເປັນແຜນການເຄື່ອນໄຫວວຽກ ງານຂອງອົງການຈັດຕັ້ງພັກ-ລັດ ແລະ ພ້ອມກັນສູ້ຊົນຈັດຕັ້ງປະຕິບັດໃຫ້ໄດ້ຮັບຜົນສໍາເລັດ; ສັງລວມສະພາບການ, ຄົ້ນຄວ້າ, ວິເຄາະວິໄຈບັນຫາຕ່າງໆ ເພື່ອສະໜອງຂໍ້ມູນໃຫ້ຂັ້ນເທິງ ຂອງຕົນ ເພື່ອເພີ່ມທະວີການປະສານງານພາຍໃນ, ປະສານງານພາຍໃນຫ້ອງວ່າການ, ຫ້ອງ ການດ້ວຍກັນ ແລະ ປະສານງານຕາມສາຍຕັ້ງໃຫ້ເປັນປົກກະຕິ ແລະ ກົມກຽມ, ຖືເອົາການ ສຶກສາອົບຮົມກາເມືອງແນວຄິດໃຫ້ແກ່ພະນັກງານເປັນກົກ, ສ້າງໃຫ້ໄດ້ຄວາມສາມັກຄີ ເປັນອັນໜຶ່ງອັນດຽວຂອງພະນັກງານ-ລັດຖະກອນ.

(ສົມນຶກ ແກ້ວໄຊຍະຈັກ)