ມອບ-ຮັບໜ້າທີ່ລະຫວ່າງຫົວໜ້າຄະນະຮັບຜິດຊອບວຽກງານເຂດເລືອກຕັ້ງ ແລະ ປະທານກໍາມາທິການວຽກງານ ສສຊ ຊຸດທີ IX

11/05/2021 00:00 -

     (ສພຊ) ວັນທີ 1 ເມສາ 2021 ທີ່ຫ້ອງຮັບແຂກສະພາແຫ່ງຊາດຊັ້ນ 2 ຄະນະຮັບຜິດຊອບວຽກງານເຂດເລືອກຕັ້ງ ໄດ້ຈັດພິທີມອບ-ຮັບໜ້າທີ່ປະທານກໍາມາທິການວຽກງານສະມາສິກສະພາແຫ່ງຊາດ ລະຫວ່າງທ່ານ ພົງສະເໜ່ ຍຸຕິທໍາ ຫົວໜ້າຄະນະຮັບຜິດຊອບວຽກງານເຂດເລືອກຕັ້ງ VIII ແລະ ທ່ານ ສຸບັນ ສະວະບຸດ ປະທານກໍາມາທິການວຽກງານສະມາຊິກສະພາແຫ່ງຊາດ ຊຸດທີ IX, ມີບັນດາທ່ານຮອງຫົວໜ້າຄະນະຮັບຜິດຊອບວຽກງານເຂດເລືອກຕັ້ງ ແລະ ຮອງປະທານກໍາມາທິການ, ຄະນະກົມ, ຄະນະພະແນກຕະຫລອດຮອດພະນັກງານ-ລັດຖະກອນ ພາຍໃນກໍາມາທິການວຽກງານສະມາ ຊິກສະພາແຫ່ງຊາດເຂົ້າຮ່ວມເປັນສັກຂີພິຍານ.

       ຈຸດປະສົງຂອງການຈັດພິທີມອບ-ຮັບໜ້າທີ່ໃນຄັ້ງນີ້ ເພື່ອເປັນການເຂົ້າຮ່ວມ ແລະ ເປັນສັກຂີພິຍານຕໍ່ການມອບ-ຮັບໜ້າທີ່, ຕໍາແໜ່ງປະທານກໍາມາທິການ ເຊິ່ງເປັນໜ້າທີ່ໆມີກຽດຂອງກໍາມາທິການວຽກງານສະມາຊິກສະພາແຫ່ງຊາດ ແລະ ເປັນຊ່ວງປ່ຽນທີ່ສໍາຄັນຢ່າງຍິ່ງ ຈາກຄະນະຮັບຜິດຊອບວຽກງານເຂດເລືອກຕັ້ງສະພາແຫ່ງຊາດ ຊຸດທີ VIII ມາເປັນກໍາມາທິການວຽກງານສະມາຊິກສະພາແຫ່ງຊາດ ຊຸດທີ IX.

       ໃນພິທີ, ຜູ້ເຂົ້າຮ່ວມໄດ້ຮັບຟັງການສະຫລຸບວຽກງານການເຄື່ອນໄຫວຂອງຄະນະຮັບຜິດຊອບວຽກງານເຂດເລືອກຕັ້ງສະພາແຫ່ງຊາດ ຊຸດທີ VIII ພ້ອມທັງຄໍາກ່າວມອບໜ້າທີ່ຂອງຫົວໜ້າຄະນະຮັບຜິດຊອບວຽກງານເຂດເລືອກຕັ້ງສະພາແຫ່ງຊາດ ແລະ ການສະເໜີແຜນການເຄື່ອນໄຫວຕໍ່ໜ້າໂດຍຫຍໍ້ ແລະ ການກ່າວຮັບໜ້າທີ່ ຂອງປະທານກໍາມາທິການວຽກງານສະມາຊິກສະພາແຫ່ງຊາດ ຊຸດທີ IX.

                                                                       ແຫຼ່ງຂ່າວທີ່ມາ: ສະພາແຫ່ງຊາດ