ກມຍທ ເຜີຍແຜ່ເອກະສານສຳຄັນຂອງພັກ

15/06/2021 00:00 -

           (ສພຊ) ວັນທີ 14 ມິກຸນາ 2021 ທີ່ຫ້ອງປະຊຸມຄະນະເລຂາທິການສະພາແຫ່ງຊາດ (ຫລັກ6) ນະຄອນຫລວງວຽງຈັນ, ກຳມາທິການຍຸຕິທຳ (ກມຍທ) ສະພາແຫ່ງຊາດ (ສພຊ) ໄດ້ມີພິທີເຊື່ອມຊຶມ ແລະ ຜັນຂະຫຍາຍ ມະຕິກອງປະຊຸມໃຫຍ່ ຄັ້ງທີ XI ຂອງພັກ, ເຜີຍແຜ່ເອກະສານສຳຄັນຕ່າງໆ ເພື່ອກະກຽມກອງປະຊຸມໃຫຍ່ຂອງບັນດາຮາກຖານພັກ ແລະ ກອງປະຊຸມໃຫຍ່ອົງຄະນະພັກ ສພຊ ຄັ້ງທີ IV ໂດຍການເປັນປະທານຂອງສະຫາຍ ຄຳແພງ ວິລະພັນ ເລຂາໜ່ວຍພັກ ປະທານກຳມາທິການຍຸຕິທຳ; ມີຄະນະພັກ, ຄະນະກົມ, ຄະນະພະແນກຕະຫລອດຮອດສະມາຊິກພັກສົມບູນ-ສຳຮອງ ແລະ ພະນັກງານ-ລັດຖະກອນກອນ ພາຍໃນ ກຍທ ເຂົ້າຮ່ວມຢ່າງພ້ອມພຽງ.

          ໃນກອງປະຊຸມ, ຜູ້ເຂົ້າຮ່ວມໄດ້ຮັບຟັງມະຕິກອງປະຊຸມໃຫຍ່ຄັ້ງທີ XI ຂອງພັກປະຊາຊົນປະຕິວັດລາວ, ຄຳສັ່ງຂອງຄະນະເລຂາທິການສູນກາງພັກ ສະບັບເລກທີ 38/ຄລສພ, ລົງວັນທີ 9 ມີນາ 2021 ວ່າດ້ວຍການຈັດຕັ້ງເຊື່ອມຊຶມ ແລະ ຜັນຂະຫຍາຍ ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XI ຂອງພັກ; ຄຳສັ່ງ ຂອງຄະນະເລຂາທິການສູນກາງພັກ ສະບັບເລກທີ 04/ຄລສພ, ລົງວັນທີ 7 ພຶດສະພາ 2018 ວ່າດ້ວຍການກະກຽມດຳເນີນກອງປະຊຸມອົງຄະນະພັກກະຊວງ-ອົງການ, ແຂວງ-ນະຄອນຫລວງ, ອົງຄະນະພັກເມືອງ-ນະຄອນ ແລະ ຮາກຖານໃນຂອບເຂດທົ່ວປະເທດ; ຄຳແນະນຳ ຂອງຄະນະຈັດຕັ້ງສູນກາງພັກ ສະບັບເລກທີ 784/ຄຈສພ, ລົງວັນທີ 14 ກັນຍາ 2018 ກ່ຽວກັບການຈັດຕັ້ງປະຕິບັດຄຳສັ່ງຂອງຄະນະເລຂາທິການສູນກາງພັກ ວ່າດ້ວຍການກະກຽມດຳເນີນກອງປະຊຸມອົງຄະນະພັກກະຊວງ-ອົງການ, ແຂວງ-ນະຄອນຫລວງ, ອົງຄະນະພັກເມືອງ-ນະຄອນ ແລະ ຮາກຖານໃນຂອບເຂດທົ່ວປະເທດ; ບົດແນະນຳ ສະບັບເລກທີ 358/ຄກສພ,  ກ່ຽວກັບການດຳເນີນຊີວິດການເມືອງພາຍໃນພັກ ເພື່ອກ້າວເຂົ້າສູ່ກອງປະຊຸມໃຫຍ່ 3 ຂັ້ນ, ຮ່າງແຜນກະກຽມ ແລະ ດຳເນີນກອງປະຊຸມໃຫຍ່ຜູ້ແທນຄັ້ງທີ IV ຂອງອົງຄະນະພັກສະພາແຫ່ງຊາດ ແລະ ຮ່າງຄຳແນະນຳຂອງຄະນະພັກສະພາແຫ່ງຊາດ ກ່ຽວກັບການກະກຽມ ແລະ ດຳເນີນກອງປະຊຸມໃຫຍ່ຂອງບັນດາຮາກຖານພັກ ທີ່ຂຶ້ນກັບອົງຄະນະພັກສະພາແຫ່ງຊາດ; ພ້ອມນັ້ນ, ຍັງໄດ້ມີການທາບທາມບຸກຄະລາກອນ ຄະນະໜ່ວຍພັກຊຸດໃໝ່ ຮອບ 2 ແລະ ທາມທາບບຸກຄະລາກອນຕຳແໜ່ງລັດ ຕື່ມອີກ.

          ທັງນີ້, ເພື່ອເຮັດ​ໃຫ້​ສະ​ມາ​ຊິ​ກ​ພັກ, ພະ​ນັກ​ງານ-ລັດ​ຖະ​ກອນພາຍໃນ ກມຍທ ໄດ້​ຮັບ​ຮູ້ ແລະ ເຂົ້າ​ໃຈ​ແຈ້ງ​ກ່ຽວ​ກັບ​ສະ​ພາບ​ຄວາມ​ຫຍຸ້ງ​ຍາກ​ທາງ​ດ້ານ​ເສດ​ຖະ​ກິດ​-ສັງ​ຄົມ​ຂອງ​ປະ​ເທດ​​ທີ່​ຜ່ານ​ມາ ແລະ ຜົນ​ສະ​ທ້ອນ​ໃນ​ສະ​ເພາະ​ໜ້າ ແລະ ຍາວ​ນານ, ກຳ​ແໜ້ນ, ເຊື່ອມ​ຊຶມ ແລະ ເປັນ​ເອ​ກະ​ພາບ​ຢ່າງ​ສູງ​ກັບ​ທັດ​ສະ​ນະ​ທິດ​ທາງ, ວິ​ທີ​ການ ແ​ລະ ມາດ​ຕະ​ການ​ທີ່​ສູນ​ກາງ​ພັກ​ວາງ​ອອກ, ສ້າງ​ຄວາມ​ຕັດ​ສິນ​ໃຈ​ເດັດ​ດ່ຽວ​ແກ້​ໄຂ​ຄວາມ​ຫຍຸ້ງ​ຍາກ​ທາງ​ດ້​ານ​ເສ​ດ​ຖະ​ກິ​ດ-ການ​ເງິນ​ໃນ​ຕໍ່​ໜ້າ; ເພື່ອ​ເປັນ​ການ​ຄົ້ນ​ຄວ້າ​ບັນ​ດາ​ມາ​ດ​ຕ​ະ​ການ​ແທ​ດ​ຕົວ​ຈິງ ແລະ ມີ​ປະ​ສິດ​ທິ​ຜົນ​ສູງ​ໃນ​ການ​ແກ້​ໄຂ​ສະ​ພາບ​ດັ່ງ​ກ່າວ, ສ້າງ​ຂະ​ບວນ​ການ​ຈັດ​ຕັ້ງ​ປະ​ຕິ​ບັດ​ຢ່າງ​ແຂງ​ແຮງ, ທົ່ວ​ເຖິງ ກໍ່​ໃຫ້​ເກີດ​ມີ​ການ​ຫັນ​ປ່ຽນ​ຕົ​ວ​ຈິ​ງ​ທີ່​ມີ​ລັກ​ສະ​ນະ​ບຸກ​ທ​ະ​ລຸໃນ​ຂົງ​ເຂ​ດ​ວຽກ​ງານ ເພື່ອ​ຍູ້​ແຮງ​ການ​ພັດ​ທະ​ນາ​ໃນ​ດ້ານ​ຕ່າງໆ ໃຫ້​ບັນ​ລຸ​ຄາດ​ໝາຍ​ທີ່ກອງ​ປະ​ຊຸມ​ໃຫຍ່ ຄັ້ງ​ທີ XI ຂອ​ງ​ພັກ​ວາງ​ອອກ; ທັງເພື່ອ​ເປັນ​ການ​ແກ້​ໄຂ​ບັນ​ຫາ​ຄວາມ​ຫຍຸ້ງ​ຍາກ​ທາງ​ດ້ານ​ເສດ​ຖະ​ກິ​ດ ທີ່​ຕິດ​ພັນ​ກັບ​ການ​ປັບ​ປຸງ​ຮາກ​ຖານ​ພັກ ໃຫ້​ປອ​ດ​ໃສ, ເຂັ້ມ​ແຂງ, ໜັກ​ແໜ້ນ ແລະ ກະ​ກຽ​ມ​ເງື່ອນ​ໄຂ​ດ້ານ​ຕ່າງໆ ເພື່ອດຳ​ເນີນກອງ​ປະ​ຊຸມ​ໃຫຍ່ 3 ຂັ້ນ​ຂອ​ງ​ພັກ ທັງ​ເປັນ​ການ​ປັບ​ປຸງ​ກົດ​ລະ​ບ​ຽບ​ຂອ​ງ​ພັກ ສະ​ໄໝ​ທີ XI ໃຫ້​ມ​ີ​ຄວາມ​ເປັນ​ເອ​ກະ​ພາບ​ກັນ​ທາງ​ດ້ານ​ທັ​ດ​ສະ​ນະ ​ນັບ​ຕັ້ງ​ແຕ່ມື້ກໍ່​ຕັ້ງ​ເປັນ​ຕົ້ນ​ມາ ໄດ້​ແບກ​ຫາບ​ພາ​ລະ​ກິດອ​ັນ​ໜັກ​ໜ່ວງ, ໃຫຍ່​ຫລວງ, ຮອບ​ດ້ານ ແລະ ສາ​ມາດ​ສ້າງ​ພາ​ລະ​ກຳ​ປະ​ຫວັດ​ສາ​ດ​ອັນ​ສະ​ຫງ່າ​ອົງ​ອາດ ແລະ ສົມ​ກຽດ.

                                                           ແຫຼ່ງຂ່າວທີ່ມາ: ສະພາແຫ່ງຊາດ