ກຳມະບານຮາກຖານ ກຳມາທິການ ແຜນການ, ການເງິນ ແລະການກວດສອບ ເປີດກອງປະຊຸມແຜນການເຄື່ອນໄຫວວຽກງານ ປະຈຳປີ 2018

27/03/2018 00:00 -

(ສພຊ) ວັນ​ທີ 16 ມີ​ນາ 2018, ທີ່​ສູນ​ເຝິກ​ອົບ​ຮົມ ​ສະ​ພາ​ແຫ່ງ​ຊາດ ໄດ້​ຈັດ​ກອງ​ປະ​ຊຸມແຜນ​ການ​ເຄື່ອນ​ໄຫວ​ວຽກ​ງານ ຂອງ​ກຳ​ມະ​ບານ​ຮາກ​ຖານ ກຳ​ມາ​ທິ​ການ​ແຜນ​ການ, ການ​ເງິນ ແລະ ການກວດ​ສອບ (ກຜງສ) ປະ​ຈຳ​ປີ 2018 ໂດຍ​ການ​ເປັນ​ປະ​ທານ​ຂອງ​ທ່ານ ທັນ​ຕາ ກອງ​ຜາ​ລີ ຮອງ​ປະ​ທານ​ກຳ​ມາ​ທິ​ການດັ່ງກ່າວ, ເຂົ້າ​ຮ່ວມມີ​ຮອງ​ປະ​ທານ​ສະ​​ຫະ​ພັນ​ກຳ​ມະ​ບານ​ສ​ະ​ພາ​ແຫ່ງ​ຊາດ, ຄະ​ນະ​ກຳ​ມະ​ບານ​ຮາກ​ຖານ ກ​ຜງ​ສ, ຫົວ​ໜ້າ​ກົມ ແລະ ພະ​ນັກ​ງານວິ​ຊາ​ການ​ພາຍ​ໃນ ກ​ຜງ​ສ.  

ຈຸດ​ປະ​ສົງ​ຂອງກອງ​ປະ​ຊຸມຄັ້ງນີ້ ເພື່ອຮັບປະກັນໃຫ້ການເປັນເສນາທິການແກ່ໜ່ວຍພັກຮາກຖານກໍາມະບານ ກຜງສ; ຮັບປະ ກັນການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ ຄັ້ງທີ I ຂອງໜ່ວຍພັກຮາກຖານກໍາມະບານແຜນການ, ການເງິນ ແລະ ການກວດສອບ ແລະ ມະຕິກອງປະຊຸມໃຫຍ່ຄັ້ງທີ IV ຂອງສະຫະພັນກໍາມະບານສະພາແຫ່ງຊາດ ໄດ້ຮັບການຈັດຕັ້ງປະຕິບັດໃຫ້ບັນລຸຕາມຄາດໝາຍທີ່ວາງໄວ້. ຈັດ​ຕັ້ງ​ປະ​ຕິ​ບັດ​ເນື້ອ​ໃນ​ຂໍ້​ແຂ່ງ​ຂັນ 5 ເປັນ​ເຈົ້າ​ ສະມາຊິກກໍາມະບານຮາກຖານ ກຜງສ ໄດ້ເອົາໃຈໃສ່ການຈັດຕັ້ງຜັນຂະຫຍາຍໃຫ້ມີປະສິດທິຜົນຫລາຍກວ່າເກົ່າ, ໃນນີ້ ສູ້ຊົນເປີດຂະບວນການແຂ່ງຂັນ ແລະ ຈັດຕັ້ງປະຕິບັດຂໍ້ແຂ່ງຂັນໃຫ້ເປັນຮູບປະທໍາ ປະສານສົມທົບກັບກໍາມະບານຮາກຖານອື່ນ ກໍຄືອົງການຈັດຕັ້ງມະຫາຊົນທັງພາຍໃນ ແລະ ພາຍນອກສະພາແຫ່ງຊາດ ເພື່ອສ້າງຂະບວນການໃນໂອກາດສະເຫລີມສະຫລອງວັນສໍາຄັນຕ່າງໆຂອງຊາດ, ຂອງພັກ ແລະ ສາກົນ. ພ້ອມນັ້ນ ກໍຄົ້ນຄວ້າຂໍການຕົກລົງຈາກຄະນະພັກຮາກຖານຂອງກໍາມາທິການ ເພື່ອນໍາພາສະມາຊິກອົງການຈັດຕັ້ງມະຫາຊົນໄປທັດສະນະສຶກສາ ຢູ່ທ້ອງຖິ່ນຈໍານວນໜຶ່ງຕາມສະພາບ ແລະ ເງື່ອນໄຂຕົວຈິງ, ເປັນເຈົ້າການເຂົ້າຮ່ວມຂະບວນການເພື່ອສະເຫລີມສະຫລອງວັນສ້າງຕັ້ງສະຫະພັນກໍາມະບານລາວ, ວັນກໍາມະກອນສາກົນ ໃຫ້ຮັບປະກັນໄດ້ທັງດ້ານເນື້ອໃນ ແລະ ຮູບການ, ສະຫລຸບຜົນງານການເຄື່ອນໄຫວຂອງສະມາຊິກໃນໜ່ວຍ ເພື່ອຈັດປະເພດ ແລະ ນໍາສະເໜີຍ້ອງຍໍສະມາຊິກທີ່ມີຜົນງານດີເດັ່ນ ຕໍ່ສະຫະພັນກໍາມະບານສະພາແຫ່ງຊາດ.ໝາຍ​ສູ້​ຊົນ ສືບຕໍ່ສຶກສາອົບຮົມ, ໂຄສະນາເຜີບແຜ່ກົດໝາຍ, ນິຕິກໍາ ດ້ວຍຮູບການຕ່າງໆ ໃຫ້ສະມາຊິກກໍາມະບານຮາກຖານ ແຜນການ, ການເງິນ ແລະ ການກວດສອບ; ຕັ້ງໜ້າປະຕິບັດຂໍ້ແຂ່ງຂັນເນື້ອໃນ 5 ເປັນເຈົ້າ ຂອງສະຫະພັນກໍາມະບານລາວ ໂດຍຕິດພັນກັບຂະບວນການຮັກຊາດ ແລະ ພັດທະນາ ໃຫ້ເປັນຂະບວນຟົດຟື້ນ; ປັບປຸງກົງຈັກການຈັດຕັ້ງຂອງກໍາມະບານຮາກຖານ ກຜງສ ໃຫ້ມີຄວາມໜັກແໜ້ນ, ເຂັ້ມແຂງ ແລະ ມີຄວາມສາມັກຄີ; ເອົາໃຈໃສ່ເກັບເງິນບໍາລຸງໃຫ້ຖືກຕ້ອງຕາມກົດໝາຍ ແລະ ກົດລະ ບຽບກໍາມະບານ, ຈັ້ດຕັ້ງປະຕິບັດວຽກງານຄຸ້ມຄອງ-ນໍາໃຊ້ຄັງເງິນສະຫວັດດີການ ໃຫ້ໄປຕາມລະບຽບການ.ທ່ານຮອງປະທານ ກຜງສ ໄດ້ມີຄໍາເຫັນໂອ້ລົມຕໍ່ກອງປະຊຸມ ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ກໍາມະບານຮາກຖານ ກຜງສ ທີ່ສາມາດຍາດໄດ້ຜົນງານຫລາຍດ້ານ ແລະ ເນັ້ນໃຫ້​ມີ​ແຜນ​ການ, ​ແຜນ​ງານ ປະ​ຕິ​ບັດ​ຕາມ​ລະ​ບຽບ​ການ​ຕ່າງໆ ຂອງ​ກຜງສ ສະ​ພາ​ແຫ່ງ​ຊາດ; ​ປະ​ຕິ​ບັດ​ຕາມ​ເງື່ອນ​ໄຂ 5 ເປັນ​ເຈົ້າ ແລະ ຕ້ອງ​ໄດ້​ເຊື່ອມ​ຊຶມ​ຢ່າງ​ເລິກ​ເຊິ່ງ ໃນ​ການ​ແຕ່ງ​ຕັ້ງ​ໜ່ວຍ​ງານ ເພື່ອ​ໃຫ້​ເປັນ​ໄປ​ຕາມ​ທິດ​ຊີ້​ນຳ​ຂອງ​ກຳ​ມະ​ບານ ສ​ະ​ພາ​ແຫ່ງ​ຊາດ ເພື່ອ​ປະ​ຕິ​ບັດ​ຕາມ​ຂໍ້​ແນະ​ນຳ​ຕ່າງໆ​ຂອງ​ກຳ​ມະ​ບານ, ​ຜັນ​ຂະ​ຫຍາຍ​ເນື້ອ​ໃນ;ປັນ​ເຈົ້າ​ການໃນ​ການ​ຄຸ້ມ​ຄອງ​​ປົກ​ປ້ອງ​ສິດ, ຜົນ​ປະ​ໂຫຍດ ແນວ​ທາງ​ການ​ຕ່າງ​ປະ​ເທດ; ການ​ແຂ່ງ​ຂັນ​ລະ​ຫວ່າງບຸກ​ຄົນ ເພື່ອ​ເປັນ​ບ່ອນ​ວັດ​ແທກ​ໃນ​ກຳ​ມະ​ບານ 5 ເປັນ​ເຈົ້າ ຕາມ​ມາດ​ຕະ​ຖາ​ນ​ຂອງ​ກຳ​ມະ​ບານ, ກຳ​ມະ​ບານ​ເປັນ​ອຸ​ດົມ​ການ​ຂອງ​ກຳ​ມະ​ກອນ ເພື່ອ​ໃຫ້​ມີ​ຄວາມ​ຮັບ​ຜິດ​ຊອບ​ຕໍ່​ວຽກ​ງານ ປົກ​ປ້ອງ​ສິດ ແລະ ຜົນ​ປະ​ໂຫຍດ​ຂອງ​ພະ​ນັກ​ງານ ແລະ ເຝິກຝົນຫລໍ່ຫລອມ​ເຂົາ​ເປັນ​ສະ​ມາ​ຊິກ​ຂອງ​ພັກ; ເຊື່ອ​ມໂຍງ​ເສດ​ຖະ​ກິດ​ມະ​ຫາ​ພາກ​ຕາມ​ແນວ​ທາງ​ຕ່າງ​ປະ​ເທດ​ຂອງ​ພັກ.

(ວິລັດ ສີຫາບຸດ)