ຮອງປະທານກໍາມາທິການບັນດາເຜົ່າ ສະພາແຫ່ງຊາດ ເຮັດວຽກຮ່ວມກັບ ສພຂ ອຸດົມໄຊ

14/05/2018 00:00 -

(ສພຊ) ທ້າຍເດືອນເມສາຜ່ານມາ, ທີ່ຫ້ອງປະຊຸມສະພາປະຊາຊົນແຂວງ (ສພຂ) ອຸດົມໄຊ ໄດ້ຈັດກອງປະຊຸມຕິດຕາມກວດກາສະພາບການຮຽນຂອງເດັກຢູ່ໂຮງຮຽນກິນນອນຊົນເຜົ່າ, ວຽກງານສາສະໜາ ແລະ ຂອດການປະສານງານລະຫວ່າງ ສພຂ ກັບແນວລາວສ້າງຊາດ ແລະ 3 ອົງການຈັດຕັງມະຫາຊົນ ໂດຍການເປັນປະທານຂອງທ່ານ ຄຳຈັນ ໂສຕາປະເສີດ ຮອງປະທານກຳມາທິການບັນດາເຜົ່າ ສະພາແຫ່ງຊາດ ພ້ອມດ້ວຍຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ສພຂ ແລະ ທີມງານທີ່ມາຈາກສະພາແຫ່ງຊາດ ແລະ ສພຂ ທັງໝົດ 21 ທ່ານ ຍິງ 8 ທ່ານ.

ກອງປະຊຸມໄດ້ຮັບຟັງການລາຍງານ ຂອດປະສານງານລະຫວ່າງ ສພຂ ກັບແນວລາວສ້າງຊາດ ແລະ 3 ອົງການຈັດຕັ້ງມະຫາຊົນ ນໍາສະເໜີໂດຍທ່ານ ນາງ ຄຳພອນ ພິມມະຈັນ ປະທານຄະນະກຳມະການວັດທະນະທຳ-ສັງຄົມ ແລະ ບັນດາເຜົ່າ ສພຂ ອຸດົມໄຊ, ຮັບຟັງການລາຍງານສະພາບພົ້ນເດັ່ນ ແລະ ປາກົດການຫຍໍ້ທໍ້ຕ່າງໆກ່ຽວກັບວຽກງານສາສະໜາໃນໄລຍະຜ່ານມາ ລາຍງານໂດຍທ່ານ ດວງໃຈ ອ່ອນຊົມພູ ຮອງປະທານແນວລາວສ້າງຊາດແຂວງ, ຮັບຟັງການລາຍງານສະພາບລວມຂອງໂຮງຮຽນກິນນອນຊົນເຜົ່າ ພ້ອມທັງເດີນທາງໄປໂຮງຮຽນກິນນອນຊົນເຜົ່າ ແລະ ຮັບຟັງການລາຍງານສະພາບການຄຸ້ມຄອງ, ບໍລິຫານ ແລະ ນະໂຍບາຍຕໍ່ເດັກນັກຮຽນຢູ່ໂຮງຮຽນກິນນອນຊົນເຜົ່າ.

(ແສງພອນ ອິນນະລົງ)