ຮອງປະທານກຳມາທິການບັນດາເຜົ່າເຮັດວຽກຢູ່ແຂວງຫົວພັນ

15/05/2018 00:00 -

ສພຊ: ວັນທີ 17 ພຶດສະພາ 2018 ຢູ່ທີ່ຫ້ອງປະຊຸມສະພາປະຊາຊົນແຂວງ (ສພຂ) ຫົວພັນ ໄດ້ຈັດ ກອງປະຊຸມຮ່ວມກັບກຳມາທິການບັນດາເຜົ່າ ສະພາແຫ່ງຊາດ ໂດຍການເຂົ້າຮ່ວມທ່ານ ຄໍາຈັນ ໂສຕາປະເສີດ ຮອງປະທານກຳມາທິການບັນດາເຜົ່າ ພ້ອມຄະນະ, ທ່ານ ສີວິໄລ ພິມມະວົງ ຮອງ ປະທານ ສພຂ ຫົວພັນ ມີຜູ້ຕ່ງໜ້າຈາກແນວລາວສ້າງຊາດແຂວງ, ພະແນກສຶກສາແຂວງ, ພະແນກ ພາຍໃນແຂວງ ແລະ ອົງການຈັດຕັ້ງມະຫາຊົນ ຕະຫລອດຮອດພະນັກງານວິຊາການ ຈາກຂະແໜງ ທີ່ກ່ຽວຂ້ອງ.

ໃນກອງປະຊຸມ, ບັນດາພາກສ່ວນ ແລະ ຂະແໜງການທີ່ກ່ຽວຂ້ອງໄດ້ຜັດປ່ຽນກັນຂຶ້ນ ລາຍງານຂໍ້ຫຍຸ້ງຍາກ ແລະ ຂໍ້ສະດວກໃນການປະຕິບັດໜ້າທີ່ວຽກງານທີ່ຕົນຮັບຜິດຊອບຕໍ່ກອງປະ ຊຸມ; ຈຸດປະສົງຂອງກອງປະຊຸມໃນຄັ້ງນີ້ ແມ່ນເພື່ອລົງຕິດຕາມກວດກາ, ເກັບກໍາຂໍ້ມູນສະພາບ ການຮຽນຂອງນ້ອງໆນັກຮຽນຢູ່ໂຮງຮຽນກິນນອນຊົນເຜົ່າ, ວຽກງານສາສະໜາ ແລະ ຂອດການປະ ສານງານລະຫວ່າງສະພາປະຊາຊົນແຂວງ ແລະ ອົງການຈັດຕັ້ງມະຫາຊົນຂັ້ນທ້ອງຖິ່ນ ໃນການຮຽນ - ການສອນ, ການຈັດຕັ້ງ ແລະ ປະຕິບັດວຽກງານ ໃນໄລຍະຜ່ານມາ ເຫັນບັນຫາໃດທີ່ເຫັນວ່າພົບ ຄວາມຫຍຸ້ງຍາກ ແລະ ຍັງບໍ່ທັນຈັດຕັ້ງປະຕິບັດໄດ້ເທື່ອ ທາງທີມງານຈະໄດ້ນຳເອົາໄປປຶກສາ ແລະ ສະເໜີຕໍ່ຄະນະປະຈຳສະພາແຫ່ງຊາດ ເພື່ອຂໍທິດຊີ້ນຳໃນການຈັດຕັ້ງປະຕິບັດໃນຕໍ່ໜ້າ ໃຫ້ໄດ້ຮັບ ຜົນດີ; ພາຍຫລັງສຳເລັດກອງປະຊຸມ ຄະນະໄດ້ສົບທົບກັບສ່ວນທີ່ກ່ຽວຂ້ອງລົງຕິດຕາມເບິ່ງການ ຮຽນການສອນ ແລະ ຊີວິດການເປັນຢູ່ຂອງພະສົງສາມະເນນ ແລະ ນ້ອງໆນັກຮຽນ ຢູ່ໂຮງຮຽນ ຊົນເຜົ່າ ແລະ ໂຮງຮຽນສົງຢູ່ແຂວງຫົວພັນ.

(ນັກຂ່າວ ສພຂ ຫົວພັນ)