ກຳມາທິການວັດທະນະທຳ-ສັງຄົມ ເຮັດວຽກຮ່ວມກັບພະແນກການກ່ຽວຂ້ອງ

23/07/2018 00:00 -

(ສພຊ) ທ້າຍອາທິດຜ່ານມາ ທີ່ສະໂມສອນໃຫຍ່ແຂວງສາລະວັນ ກຳມາທິການວັດທະນະທຳ-ສັງຄົມ ສະພາແຫ່ງຊາດ ແລະ ສະພາປະຊາຊົນແຂວງ (ສພຂ) ສາລະວັນໄດ້ຈັດກອງປະຊຸມຮ່ວມກັບພະແນກການປິ່ນອ້ອມ ຂອງແຂວງ ໂດຍການເປັນປະທານຂອງທ່ານ ສົມພູ ດວງສະຫວັນ ປະທານກຳມາທິການວັັດທະນະທຳ-ສັງຄົມ, ເຂົ້າຮ່ວມມີຕາງໜ້າພະແນກສາທາລະນະສຸກ; ພະແນກແຮງງານ ແລະ ສະຫວັດດີການສັງຄົມ, ພະແນກເສດຖະກິດ ແຜນການ ແລະ ການເງິນ ແລະ ອື່ນໆ ພ້ອມດ້ວຍພະນັກງານ ສພຂ  ເຂົ້າຮ່ວມຢ່າງພ້ອມພຽງ.

ຈຸດປະສົງເພື່ອຮັບປະກັນການກະກຽມ ແລະ ດຳເນີນກອງປະຊຸມສະໄໝສາມັນ ເທື່ອທີ 5 ຂອງ ສພຂ ສາລະວັນ ຊຸດທີ I ຖືກຕ້ອງຕາມກົດຫມາຍ, ສອດຄ່ອງຕາມສະພາບຕົວຈິງຂອງທ້ອງຖິ່ນ; ເພື່ອກະກຽມບັນ ດາເນື້ອໃນທີ່ຈະນຳເຂົ້າພິຈາລະນາໃນກອງປະຊຸມໃຫ້ຄົບຖ້ວນ, ມີຄຸນນະພາບ ແລະ ທັນກັບເວລາ; ເພື່ອຮັບ ປະກັນທາງດ້ານຮູບການ, ວິທີການດຳເນີນກອງປະຊຸມ ແລະ ການອຳນວຍຄວາມສະດວກທາງດ້ານບໍລິຫານ, ພິທີ ການ, ງົບປະມານຮັບໃຊ້ກອງປະຊຸມໃຫ້ມີຄວາມຖືກຕ້ອງ, ວ່ອງໄວ ແລະ ມີຜົນສຳເລັດຕາມຄາດຫມາຍ ເຊິ່ງກອງ ປະຊຸມໃນຄັ້ງນີ້ ແມ່ນໄດ້ເນັ້ນໃສ່ 3 ຂົງເຂດຄື: ວັດທະນະທຳ-ສັງຄົມ; ວຽກງານຄະນະຮັບຜິດຊອບເຂດເລືອກຕັ້ງ ແລະ ເສດຖະກິດ ແຜນການ ແລະ ການເງິນ.

ທ່ານ  ສົມພູ ດວງສະຫວັນ ໄດ້ມີຄຳເຫັນຕໍ່ກອງປະຊຸມວ່າ: ກອງປະຊຸມຄັ້ງນີ້ ກໍເພື່ອເປັນການຖອດຖອນ ບົດຮຽນໃນການກະກຽມໃຫ້ແກ່ກອງປະຊຸມສະໄຫມສາມັນເທື່ອທີ 5 ຂອງສະພາແຫ່ງຊາດຊຸດທີ VIII  ໄດ້ມີບົດ ຮຽນໃນການກະກຽມເກັບກຳຂໍ້ມູນ ແລະ ພົວພັນສະຫນິດແໜ້ນ ປະສານສົມທົບກັບພະແນກການທີ່ກ່ຽວຂ້ອງແນວ ໃດ. ພ້ອມດຽວກັນນັ້ນ, ພາຍຫລັງສຳເລັດກອງປະຊຸມສະໄຫມສາມັນເທື່ອທີ 5 ຂອງສະພາແຫ່ງຊາດຊຸດທີ VIII ຈະໄດ້ສືບຕໍ່ຜັນຂະຫຍາຍ ແລະ ຈະກະກຽມໃຫ້ແກ່ການດຳເນີນກອງປະຊຸມສະໄໝສາມັນເທື່ອທີ 6 ຂອງສະພາ ແຫ່ງ ຊາດຊຸດທີ VIII ກໍຄືກອງປະຊຸມສະໄຫມສາມັນເທື່ອທີ 6 ຂອງ ສພຂ ຊຸດທີ I ເຊິ່ງເປັນ ກອງປະຊຸມທີ່ສຳຄັນ ທ້າຍປີຂອງກອງປະຊຸມສະໄຫມສະມັນເທື່ອທີ 6 ທີ່ຈະຄົ້ນຄວ້າພິຈາລະນາ ພ້ອມນັ້ນ, ຍັງເປັນການສະ ຫລຸບສັງລວມ ຕີລາຄາຫມາກຜົນຂອງການຈັດຕັ້ງປະຕິບັດມະຕິກອງປະຊຸມສະໄໝສາມັນເທື່ອທີ 4 ຂອງສະພາ ແຫ່ງຊາດຊຸດທີ VIII ແລະ ການຈັດຕັ້ງປະຕິບັດແຜນ ໃນປີ 2018 ແລະ ວາງທິດທາງແຜນການບັນຫາ ເສດ ຖະກິດ-ສັງຄົມ ແລະ ບັນຫາອື່ນໆ ໃນປີ 2019 ທີ່ຈະຕ້ອງໄດ້ເອົາເຂົ້າກອງປະຊຸມ ສະໄຫມສາມັນ ເທື່ອທີ 6 ຂອງ ສະພາແຫ່ງຊາດຊຸດທີ VIII.

(ສົມສັກ ສຸບັນດິດ)