ສະພາແຫ່ງຊາດແຫ່ງ ສປປ ລາວ-ລາຍລະອຽດຂອງຂ່າວສານ
 

ປະທານສະພາແຫ່ງຊາດ ເຄື່ອນໄຫວເຮັດວຽກ ຢູ່ແຂວງບໍລິຄໍາໄຊ.
20/10/2017

ອີງໃສ່ແຜນການເຄື່ອນໄຫວວຽກງານຂອງຄະນະປະຈໍາສະພາແຫ່ງຊາດ ເພຶ່ອກະກຽມໃຫ້ແກ່ກອງປະຊຸມສະໄໝ່ສາມັນເທຶ່ອທີ 4 ຂອງສະພາແຫ່ງຊາດ ຊຸດທີ VIII ໃນວັນທີ 23 ກັນຍາ 2017 ທີ່ຜ່ານມາ. ທ່ານ ນາງ ປານີ ຢາທໍ່ຕູ້ ກໍາມະການກົມການເມືອງສູນກາງພັກ, ປະທານສະພາແຫ່ຊາດ. ພ້ອມດ້ວຍຄະນະໄດ້ລົງເຄືອນໄຫວເຮັດວຽກຮ່ວມກັບສະພາປະຊາຊົນແຂວງ ແລະ ຄະ ນະພັກອົງການປົກຄອງແຂວງບໍລິຄໍາໄຊ. ໃນການລົງຕິດ ຕາມກວດກາການຈັດຕັ້ງຜັນຂະຫາຍມະຕິຂອງສະພາແຫ່ງຊາດ ແລະ ມະຕິຂອງສະພາປະຊາຊົນຂັ້ນແຂວງ. ກ່ຽວກັບແຜນພັດທະນາເສດຖະກິດ -ສັງຄົມ ແລະ ແຜນງົບປະມານປະຈໍາປີ 2017 ມີທ່ານ ປອ ກອງແກ້ວ ໄຊສົງຄາມ ກໍາມະການສູນກາງພັກ, ເລຂາພັກແຂວງ, ເຈົ້າແຂວງບໍລິຄໍາໄຊ, ສະມາ ຊິກສະພາປະຊາຊົນແຂວງ, ຫົວໜ້າ-ຮອງຫົວພະແນກການອ້ອມຂ້າງແຂວງເຂົ້າຮ່ວມ.  

ໃນການລົງມາເຄື່ອນໄຫວເຮັດວຽກຢູ່ແຂວງບໍລິຄຳໄຊ ໃນຄັ້ງນີ້, ທ່ານປະທານສະພາແຫ່ງຊາດ ຍັງໄດ້ຮັບຟັງການລາຍງານຫຍໍ້ ກ່ຽວກັບສະພາບການພັດທະນາເສດ ຖະກິດ-ສັງຄົມ ຂອງແຂວງ ຈາກເຈົ້າແຂວງບໍລິຄຳໄຊ ໄລຍະ 6 ເດືອນຕົ້ນປີ 2017. ວຽກງານເສດຖະກິດ - ສັງຄົມ. 6 ເດືອນຕົ້ນປີ. GDP ຂອງແຂວງບັນລຸໄດ້ 2.200 ຕື້ກວ່າກີບ.ເທົ່າກັບ 44% ຂອງແຜນການປີ ໃນນີ້ ກະສິກໍາ 560 ຕື້ກວ່າກີບ, ອຸດສະຫະກໍາ 950 ຕື້ກວ່າກີບ, ບໍລິການ 700 ຕື້ກວ່າກີບ. ມູນຄ່າການລົງທຶນທັງໝົດ. 1.140 ຕື້ກວ່າກີບ, ເທົ່າກັບ 75 % ຂອງແຜນການປີ. ໃນນີ້ການລົງທຶນຂອງລັດ 89 ຕື້ກວ່າກີບ. ການລົງທຶນຂອງພາກເອກະຊົນ 600 ກວ່າຕື້ກີບ. ທຶນຊ່ວຍເຫຼື່ອລ້າຈາກຕ່າງປະເທດ 21,5 ຕຶ້ກວ່າກີບ.ການລົງທຶນຈາກລະບົບການເງິນ - ເງິນຕາ 430 ຕື້ກວ່າກີບ. ຮອດເດືອນ ສິງຫາ 2017 ສາມາດປະຕິບັດລາຍຮັບໄດ້ທັງໝົດ 480 ຕື້ກວ່າກີບ. ເທົ່າກັບ 87 %. ຂອງແຜນການປີ, ໃນນີ້ພູດສູນກາງ 3610 ຕື້ກວ່າກີບ.ເທົ່າກັບ 93%. ຂອງແຜນການປີ. ພູດທ້ອງຖິ່ນ 120 ຕື້ກວ່າກີບ. ເທົ່າ 73,4 %. ຂອງແຜນການປີ.ລາຍຮັບດຸ່ນດ່ຽງຈາກສູນກາງ 220,6 ຕື້ກີບ.ເທົ່າກັບ 69 %. ຂອງແຜນການປີ. ດ້ານລາຍຈ່າຍ ປະຕິບັດໄດ້ທັງໝົດ 315 ຕື້ກີບ.ເທົ່າກັບ 64,5 %. ຂອງແຜນປີ. ສາມາດຮັບປະກັນການເບີກຈ່າຍເງິນເດືອນໄດ້ຕາມກໍານົດເວລາ ແລະ ຊໍາລະການລົງທຶນຕ່າງໆໄດ້ຕາມແຜນການ.ປະຈຸບັນມີເສັ້ນທາງເຂົ້າເຖິງບ້ານກວມ 100 %. ສາມາດທ່ຽວໄດ້ 2 ລະດູ ມີຈໍານວນ 268 ບ້ານກວມ 86.6 %. ສາມາດສະໜອງໄຟຟ້າໄດ້ 7 ຕົວເມືອງ, ມີ 283 ບ້ານ ເທົ່າກັບ 96,6 %. ມີ 43 ພັນ 500 ກວ່າຫຼັງຄ່າເຮືອນ ເທົ່າກັບ 93 .16 %

       ພ້ອມກັນນັ້ນບັນດາຫົວໜ້າພະແນກການທີກ່ຽວຂ້ອງ ຍັງໄດ້ຂຶ້ນລາຍງານ ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 6 ເດືອນຕົ້ນປີ. ຄາດຄະແນວຽກງານການຈັດຕັ້ງປະຕິບັດ 6 ເດືອນທ້າຍປີ 2017 ແລະ ທິດທາງແຜນການຈັດຕັ້ງປະຕິດບັດ ປີ 2018. ສາເຫດທີພາໃຫ້ເກີດມີ ຈຸດດີ-ຈຸດອ່ອນ ແລະ ຂໍ້ຄົງຄ້າງບ້າງດ້ານທີຈະຕ້ອງໄດ້ສຶບຕໍ່ປັບປຸງແກ້ໃຂໃນຕໍ່ໜ້າຂອງວຽກງານແຕ່ລະດ້ານ. ຕາມຄໍາຖາມເຈາະຈິ້ມຂອງ ປະທານສະພາແຫ່ງຊາດ. ທັງນີ້ກໍ່ເພຶ່ອເປັນການຕິດຕາມກວດກາ ກ່ຽວກັບການຈັດຕັ້ງປະຕິບັດມະຕິກອງປະຊຸມສະພາແຫ່ງຊາດ ໂດຍສະເພາະ ແມ່ນການຈັດຕັ້ງແຜນພັດທະນາເສດຖະກິດສັງຄົມ. ແຜ່ນງົບປະມານແຫ່ງລັດ ປະຈໍາປີ 2017, ການຈັດຕັ້ງປະຕິບັດໂຄງການກໍ່ສ້າງພື້ນຖານໂຄງລ່າງ. ໂຄງການຈຸດສຸມແກ້ໄຂຄວາມທຸກຍາກ, ການສົ່ງເສີມຜະລິດເປັນສິນຄ້າ ໃນດ້ານຕ່າງໆ ພ້ອມດ່ຽວກັນກໍ່ເພຶ່ອເປັນການສຶບຕໍ່ ຈັດຕັ້ງປະຕິບັດ ໃນການຫ້າງຫາກະກຽມ ແຜນພັດທະນາເສດຖະກິດ-ສັງຄົມ. ແຜນງົບປະມານແຫ່ງລັດ ປະຈໍາປີ 2018 ຂອງແຂວງ ບໍລິຄໍາໄຊ.ໃຫ້ເປັນໄປຕາມລະບົບ  ຖືກຕ້ອງສອດຂ່ອງຕາມກົດໝາຍຂອງວຽກງານຕົວຈິງ ແລະ  ມີຜົນສໍາເລັດຕາມແຜນການທີວາງໄວ້ໃນແຕ່ລະໄລຍະ.