ສພຊ ທາບທາມຕຳແໜ່ງບລິຫານຫຼາຍປະເພດ

07/11/2018 00:00 -

(ສພຊ) ວັນທີ 31 ຕຸລາ 2018, ທີ່ຫ້ອງປະຊຸມຄະນະເລຂາທິການສະພາແຫ່ງຊາດ (ສພຊ) ໄດ້ເປີດກອງປະຊຸມທາບທາມຕຳແໜ່ງງານບໍລິການຕ່າງໆ ພາຍໃນ ສພຊ ໂດຍການເປັນປະທານຂອງທ່ານ ນາງ ສວນສະຫວັນ ວິຍະເກດ ເລຂາທິການ ສພຊ ເຂົ້າຮ່ວມມີບັນດາຫົວໜ້າ-ຮອງຫົວໜ້າກົມ, ຫົວໜ້າ-ຮອງຫົວໜ້າສູນ ແລະ ຫົວໜ້າ-ຮອງຫົວໜ້າພະແນກ ຫລື ທຽບເທົ່າ ພາຍໃນ ສພຊ.

ທ່ານ ນາງ ສວນສະຫວັນ ວິຍະເກດ ໄດ້ກ່າວວ່າ: ເພື່ອປັບປຸງກົງຈັກການຈັດຕັ້ງ ແລະ ບຸກຄະລາກອນຢູ່ບັນດາກົມ, ສູນ ແລະ ພະແນກ ພາຍໃນ ສພຊ ໃຫ້ເປັນລະບົບຄົບຊຸດ ທັງຖືກຕ້ອງສອດຄ່ອງກັບພາລະບົດບາດ, ສິດ ແລະ ໜ້າທີ່ຂອງແຕ່ລະກົງຈັກການຈັດຕັ້ງ ຈຶ່ງຈະເຮັດໃຫ້ການເຄື່ອນໄຫວ ແລະ ການປະຕິບັດວຽກງານຂອງເສນາທິການ ໃນນາມທີ່ບັນດາກົມ, ສູນ ແລະ ພະແນກ ເປັນເສນາທິການໃຫ້ແຕ່ລະກົງຈັກການຈັດຕັ້ງພາຍໃນ ສພຊ ໃຫ້ມີປະສິດທິພາບ ແລະ ປະສິດທິຜົນສູງຂຶ້ນກວ່າເກົ່າ.

ກອງປະຊຸມຄັ້ງນີ້, ແມ່ນໄດ້ທາບທາມຕໍ່ເປົ້າໝາຍບຸກຄະລາກອນ ທີ່ຈະຂໍອະນຸມັດແຕ່ງຕັ້ງຕຳ  ແໜ່ງບໍລິຫານ ປະເພດ 2 (ຫົວໜ້າກົມ), ປະເພດ 3 (ຮອງຫົວໜ້າກົມ), ປະເພດ 4 (ຫົວໜ້າພະແນກ) ແລະ ປະເພດ 5 (ຮອງຫົວໜ້າພະແນກ) ຂອງ ສພຊ.