ຄະນະຜູ້ແທນສະພາແຫ່ງຊາດລາວ ເຂົ້າຮ່ວມກອງປະຊຸມຄະນະບໍລິຫານງານສະມັດຊາລັດຖະສະພາຝຣັ່ງໂກໂຟນີ

13/02/2019 00:00 -

(ສພຊ) ຄະນະຜູ້ແທນສະພາແຫ່ງຊາດລາວ ນໍາໂດຍທ່ານ ເອກສະຫວ່າງ ວົງວິຈິດ ປະທານກຳມາທິການການຕ່າງປະເທດ, ຮອງປະທານຄະນະບໍລິຫານງານສະມັດຊາລັດຖະສະພາຝຣັ່ງໂກໂຟນີ ທັງ​ເປັນປະທານຄະນະສະມັດຊາລັດຖະສະພາຝຣັ່ງໂກໂຟນີຂອງສະພາແຫ່ງຊາດລາວ ພ້ອມດ້ວຍຄະນະ ​ໄດ້ເຂົ້າຮ່ວມກອງປະຊຸມຄະນະບໍລິຫານງານສະມັດຊາລັດຖະສະພາຝຣັ່ງໂກໂຟນີ ປະຈຳປີ 2019 ​ເຊິ່ງ​ຈັດ​ຂຶ້ນໃນລະຫວ່າງວັນທີ 30 ມັງກອນ ຫາ 2 ກຸມພາ 2019 ທີ່ນະຄອນບຣຸກແຊນ ປະເທດແບນຊິກ.

          ໃນກອງປະຊຸມຄັ້ງ​ນີ້, ຄະນະບໍລິຫານງານໄດ້ຄົ້ນຄວ້າ ແລະ ປຶກສາຫາລືຫລາຍບັນຫາທີ່ສຳຄັນ ເປັນຕົ້ນແມ່ນລາຍງານການເຄື່ອນໄຫວວຽກງານໃນ 1 ປີທີ່ຜ່ານມາ ແລະ ວຽກງານການເຄື່ອນໄຫວໃນຕໍ່ໜ້າ (2018-2019) ຂອງສະມັດຊາລັດຖະສະພາຝຣັ່ງໂກໂຟນີ (APF) ແລະ ທັງສຸມໃສ່ປຶກສາຫາລືແຜນການກະກຽມກອງປະຊຸມໃຫຍ່ສະມັດຊາລັດຖະສະພາ ຝຣັ່ງໂກໂຟນີ ຄັ້ງທີ 45 ທີ່ອາບີຊອງ ປະເທດກົດດີວົວ ໃນເດືອນກໍລະກົດ 2019 ທີ່​ຈະ​ມາ​ເຖິງນີ້.