ບັນດາທ່ານ ສສຊ ເຂດ 7 ລົງເຄື່ອນໄຫວຢ້ຽມຢາມນາຍ ແລະ ພົນທະຫານ

06/03/2019 00:00 -

(ສພຊ) ວັນທີ 25 ກຸມ​ພາຜ່ານມາ, ສະມາຊິກສະພາແຫ່ງຊາດ (ສສຊ) ເຂດເລືອກຕັ້ງທີ 7 ແຂວງໄຊຍະບູລີ ນໍາໂດຍທ່ານ ນາງ ບົວພັນ ລີໄກຢາ ປະທານກໍາມາທິການບັນດາເຜົ່າ ທັງເປັນ ສສຊ ປະຈຳເຂດເລືອກຕັ້ງ; ທ່ານ ນາງອິດມະນີ ຈັນທະຄູນ ຮອງປະທານຄະນະ ສສຊ ປະຈໍາເຂດເລືອກຕັ້ງ; ທ່ານ ບຸນໄທ ສີເທບ  ສສຊ ປະຈຳເຂດເລືອກຕັ້ງ ໄດ້ເຄື່ອນໄຫວພົບ​ປະ​ຢ້ຽມ​ຢາມ ແລະ ເຜີຍແຜ່ຜົນສໍາເລັດກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ VIII ແລະ ຜົນສໍາເລັດກອງປະຊຸມສະໄໝສາມັນເທື່ອທີ 6 ຂອງສະພາປະຊາຊົນແຂວງຊຸດທີ I ຢູ່ກອງ​ພົນ​ທະ​ຫານ​ຣາບທີ II ແລະ ກອງ​ບັນ​ຊາ​ການທະ​ຫານ​ແຂວງ​ໄຊ​ຍະ​ບູ​ລີ ມີຄະ​ນະ​ພັກ-ຄະ​ນະ​ບັນ​ຊາ, ພະ​ນັກ​ງານ​ນັກ​ຮົບ, ນາຍ ແລະ ພົນ​ທະ​ຫານ ໃນ​ທົ່ວ​ສອງກອງ​ບັນ​ຊາ​ການ ເຂົ້າຮ່ວມຮັບຟັງ 247 ສະ​ຫາຍ ຍິງ 13 ສະ​ຫາຍ.

          ການລົງເຜີຍແຜ່ຜົນສໍາເລັດກອງປະຊຸມສະໄໝສາມັນ​ຄັ້ງນີ້, ບັນດາທ່ານ ສສຊ ໄດ້ຍົກໃຫ້ເຫັນເນື້ອໃນສໍາຄັນທີ່ກອງປະຊຸມໄດ້ຄົ້ນຄວ້າພິຈາລະນາ ແລະ ຮັບຮອງເອົາ ເປັນຕົ້ນແມ່ນມະຕິຂອງກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດລາຍງານຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ປະ​ຈຳ​ປີ 2018 ແລະ ທິດ​ທາງ​ແຜນ​ການປີ 2019, ແຜນງົບປະມານແຫ່ງລັດ 9 ເດືອນ, ຄາດຄະເນໝົດ​ປີ 2018 ແລະ ທິດ​ທາງ​ແຜນ​ການປີ 2019 ຂອງລັດຖະບານ; ມະຕິວ່າດ້ວຍການຮັບຮອງເອົາບົດ​ລາຍ​ງານ​ຂອງ​ອົງ​ການກວດ​ສອບ​ແຫ່ງ​ລັດ ກ່ຽວ​ກັບ​ການ​ເຄື່ອນ​ໄຫວ​ວຽກ​ງານ ປະ​ຈຳ​ປີ 2018 ແລະ ທິດ​ທາງ​ແຜນ​ການປີ 2019, ບົດ​ລາຍ​ງານ​ຜົນ​ການກວດ​ສອບ​ສະຫລຸບ​ຂາດ​ຕົວການ​ຈັດ​ຕັ້ງ​ປະ​ຕິ​ບັດ​ແຜນ​ງົບ​ປະ​ມານ​ແຫ່ງ​ລັດ ປີ 2017 ແລະ ບົດ​ລາຍ​ງານ​ຂອງ​ອົງ​ການກວດ​ກາ​ລັດ​ຖະ​ບານ ກ່ຽວ​ກັບ​ຜົນ​ການກວດ​ກາຕາມ​ຜົນ​ຂອງ​ການກວດ​ສ​ອບ; ມະຕິກອງປະຊຸມສະພາແຫ່ງຊາດ ວ່າດ້ວຍການຮັບຮອງເອົາບົດ​ລາຍ​ງານ​ການ​ເຄື່ອນ​ໄຫວ​ວຽ​ກ​ງານກາງ​ສະ

​ໄໝ​ຂອງ​ແຜນ 5 ປີ, ວຽກ​ງານ​ປະ​ຈຳ​ປີ 2018 ແລະ ທິດ​ທາງ​ແຜນ​ການ​ຮອດ​ປີ 2020, ວຽກ​ງານ​ຈຸດ​ສຸມ ປີ 2019 ຂອງ​ອົງ​ການ​ໄອ​ຍະ​ການ  ແລະ ສານປະຊາຊົນສູງສຸດ, ມະ​ຕິ​ຂອງກອງ​ປະ​ຊຸມ​ສະ​ພາ​ປະ​ຊາ​ຊົນ​ແຂວງ ວ່າ​ດ້ວຍ​ການ​ຮັບ​ຮອງ​ເອົາ​ບົດ​ລາຍ​ງານ​ຂອງ​ອົງ​ການ​ປົກ​ຄອງ​ແຂວງ ກ່ຽວ​ກັບ​ການ​ຈັດ​ຕັ້ງ​ປະ​ຕິ​ບັດແຜນ​ພັດ​ທະ​ນາ​ເສດ​ຖະ​ກິດ-ສັງ​ຄົມ ປີ 2018 ແລະ ແຜນ​ການ ປີ 2019; ມະ​ຕິ​ກອງ​ປະ​ຊຸມ​ສະ​ພາ​ປະ​ຊາ​ຊົນ​ແຂວງ ວ່າ​ດ້ວຍ​ການ​ຮັບ​ຮອງ​ເອົາ​ບົດ​ລາຍ​ງານ​ຂອງ​ອົງ​ການ​ປົກ​ຄອງ​ແຂວງ ກ່ຽວ​ກັບ​ການ​ຈັດ​ຕັ້ງ​ປະ​ຕິ​ບັດ​ແຜນ​ງົບ​ປະ​ມານ​ຂອງ​ແຂວງ ປະ​ຈຳ​ປີ 2018 ແລະ ແຜນ​ການ​ປະ​ຈຳ​ປີ 2019; ມະ​ຕິ​ກອງ​ປະ​ຊຸມ​ສະ​ພາ​ປະ​ຊາ​ຊົນ​ແຂວງໄຊ​ຍະ​ບູ​ລີ ​ວ່າ​ດ້ວຍ​ການ​ຮັບ​ຮອງ​ເອົາ​ບົດ​ລາຍ​ງານ​ການ​ເຄື່ອນ​ໄຫວ​ວຽກ​ງານກວດ​ສອບ ປະ​ຈຳ​ປີ 2018, ທິດ​ທາງ​ແຜນ​ການເຄື່ອນ​ໄຫວ​ວຽກ​ງານກວດ​ສອບ ປີ 2019, ບົດ​ລາຍ​ງານ​ຜົນ​ການກວດ​ສອບ​ບົດ​ສະ​ຫລຸບ​ຂາດ​ຕົວ​ການ​ຈັດ​ຕັ້ງ​ປະ​ຕິ​ບັດ​ແຜນ​ງົບ​ປະ​ມານ​ແຫ່ງ​ລັດ​ຂອງ​ແຂວງ ປະ​ຈຳ​ປີ 2017 ແລະ ບົດ​ລາຍ​ງານ​ຂອງ​ອົງ​ການກວດ​ກາ​ລັດ​ແຂວງ​ກ່ຽວ​ກັບ​ຜົນ​ການກວດ​ກາ​ຕາມ​ຜົນ​ຂອງ​ການກວດ​ສອບ; ມະ​ຕິ​ຂອງກອງ​ປະ​ຊຸມ​ສະ​ພາ​ປະ​ຊາ​ຊົນ​ແຂວງ ວ່າ​ດ້ວຍ​ການ​ຮັບ​ຮອງ​ເອົາ​ບົດ​ລາຍ​ງານ​ຂອງ​ອົງ​ການ​ໄອ​ຍະ​ການ​ປະ​ຊາ​ຊົນ​ແຂວງ ແລະ ສານ​ປະ​ຊາ​ຊົນ​ແຂວງ ກ່ຽວ​ກັບ​ການ​ເຄື່ອນ​ໄຫວ​ວຽກ​ງານ​ກາງ​ສະ​ໄໝ (2 ປີ​ເຄິ່ງ) ຂອງ​ແຜນ​ການ 5 ປີ (2016-2020), ວຽກ​ງານ​ປະ​ຈຳ​ປີ 2018 ແລະ ທິດ​ທາງ​ແຜນ​ການ​ຮອດ​ປີ 2020 ແລະ ວຽກ​ຈຸດ​ສຸມ ປີ 2019.

ພ້ອມດຽວ​ກັນ​ນັ້ນ, ບັນດາທ່ານ ສ​ສ​ຊ ຍັງ​ໄດ້​ເຜີຍ​ແຜ່ລະບົບກົງຈັກການຈັດຕັ້ງ, ພາລະບົດບາດ, ສິດ ແລະ ໜ້າທີ່ ຂອງສະພາແຫ່ງຊາດ ກໍຄືສະພາປະຊາຊົນຂັ້ນແຂວງຕື່ມ​ອີກ ເພື່ອໃຫ້ພະນັກງານ-ນັກ​ຮົບ, ນາຍ ແລະ ພົນ​ທະ​ຫານ ໄດ້ຮັບຮູ້, ເຂົ້າໃຈ​ແຈ້ງຕໍ່ວຽກງານຂອງສະພາແຫ່ງຊາດ ແລະ ສະພາປະຊາຊົນແຂວງ ຮັບ​ຮູ້​ກ່ຽວ​ກັບລະບົບກົງຈັກການຈັດຕັ້ງ, ພາລະບົດບາດ, ສິດ ແລະ ໜ້າທີ່ຂອງສະພາແຫ່ງຊາດ ກໍຄືສະພາປະຊາຊົນຂັ້ນແຂວງຢ່າງ​ທົ່ວ​ເຖິງ​.      

                                 (ນີ່​ຕູ່ ປະ​ສິດ​ທິ​ພົງ)