ປະທານກຳມາທິການການຕ່າງປະເທດ ຕ້ອນຮັບຜູ້ຕາງໜ້າຈາກອົງການ UNDP

07/05/2019 00:00 -

(ສພຊ) ຕອນເຊົ້າພະຫັດວັນທີ 25 ເມສາ 2019 ທີ່ຫ້ອງຮັບແຂກສະພາແຫ່ງຊາດ (ສພຊ) ນະຄອນຫລວງວຽງຈັນ, ທ່ານ ເອກສະຫວ່າງ ວົງວິຈິດ ປະທານກໍາມາທິການການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບອໍາລາຂອງທ່ານນາງ ກາລີນາ ອິມໂມເນັນ ຕາງໜ້າຈາກອົງການສະຫະປະຊາຊາດເພື່ອການພັດທະນາ(UNDP)ປະຈໍາຢູ່ ສປປລາວ ພ້ອມດ້ວຍຄະນະ.

          ທ່ານເອກສະຫວ່າງ ວົງວິຈິດ ໄດ້ກ່າວສະແດງຄວາມຍິນດີຕ້ອນຮັບອັນອົບອຸ່ນຕໍ່ທ່ານ ນາງ ກາລີນາ ອິມໂມເນັນ ທັງຕີລາຄາສູງຕໍ່ການປະຕິບັດໜ້າທີ່ຢູ່ ສປປລາວ ຜ່ານມາ ເຊິ່ງເປັນການປະກອບສ່ວນສໍາຄັນເຂົ້າໃນການຮ່ວມມືຊ່ວຍເຫລືອຈາກອົງການUNDP ເຊິ່ງມີຜົນດີຫລາຍຢ່າງ ເປັນຕົ້ນແມ່ນການຊ່ວຍເຫລືອໃນການສ້າງຄວາມເຂັ້ມແຂງໃຫ້ແກ່ສະພາແຫ່ງຊາດລາວ; ເຖິງວ່າຈະໄປຮັບຕໍາແໜ່ງໃໝ່ຫລືໄປຕົກຢູ່ແຫ່ງຫົນໃດກໍຂໍໃຫ້ສືບຕໍ່ຮ່ວມມືຊ່ວຍເຫລືອ ສປປລາວ ຄືເກົ່າ.

          ທ່ານ ນາງ ກາລີນາ ອິມໂມເນັນ ກໍໄດ້ກ່າວສະແດງຄວາມຂອບໃຈຕໍ່ທ່ານ ເອກສະຫວ່າງ ວົງວິຈິດ ທີ່ໄດ້ໃຫ້ການຕ້ອນຮັບອັນອົບອຸ່ນ ພ້ອມທັງຂອບໃຈປະຊາຊົນລາວ, ລັດຖະບານລາວແລະ ສະພາແຫ່ຊາດລາວທີ່ໄດ້ຕ້ອນຮັບອົບອຸ່ນໃນຕະຫລອດໄລຍະດໍາລົງຊີວິດຢູ່ ສປປລາວ ຜ່ານມາ; ປະເທດລາວເປັນເທດທີ່ສວຍສົດງົດງາມ ແລະ ສະຫງົບປະຊາຊົນມີນໍ້າໃຈ;ເຖິງວ່າຈະໄດ້ຈາກປະເທດລາວໄປແຕ່ກໍຍັງຄິດຮອດ ສປປລາວເໝືອນເດີມ ແລະ ຈະສືບຕໍ່ຮ່ວມມືໃຫ້ການຊ່ວຍເຫລື່ອເທົ່າທີ່ເຮັດໄດ້.