ຄະນະເລຂາທິການ ສພຊ ມອບເຄື່ອງໃຫ້ ເລຂາທິການ ສພຂ

03/12/2019 00:00 -

(ສພຊ) ໃນວັນທີ 21 ພະຈິກ 2019 ທີ່ຫ້ອງໂຖງຕຶກຈັດຕັ້ງ ຄະນະເລຂາທິການສະພາແຫ່ງຊາດ (ສພຊ) ຫລັກ 6 ນະຄອນຫລວງວຽງຈັນ ທ່ານ ນາງ ສວນສະຫວັນ ວິຍະເກດ ເລຂາທິການສະພາແຫ່ງຊາດ ໄດ້ມອບເຄື່ອງຈັກກອບປີເອກະສານໃຫ້ສະພາປະຊາຊົນແຂວງ (ສພຂ), ນະຄອນຫລວງວຽງຈັນ  ເຊິ່ງຮັບໂດຍບັນດາທ່ານເລຂາທິການ-ຮອງເລຂາທິການ ສພຂ, ນະຄອນຫລວງວຽງຈັນ.

          ເຄື່ອງທີ່ນໍາມາມອບໃນຄັ້ງນີ້ ເປັນຈັກກອບປີເອກະສານຈໍານວນ 18 ຊຸດ ລວມມູນຄ່າ 212 ລ້ານກວ່າກີບ ໂດຍໄດ້ຮັບການສະໜັບສະໜູນຈາກອົງການ GIZ. ເຄື່ອງອຸປະກອນດັ່ງກ່າວ ແມ່ນຈະນໍາໄປຮັບໃຊ້ເຂົ້າໃນວຽກງານການເຄື່ອນໄຫວຂອງ ສພຂ ໃນການປະຕິບັດພາລະບົດບາດ, ສິດ ແລະ ໜ້າທີ່ຂອງ ສພຂ ເຊິ່ງມີຄວາມຈໍາເປັນຕໍ່ການນໍາໃຊ້ເຂົ້າໃນວຽກງານດັ່ງກ່າວ.

          ຈາກນັ້ນ, ໃນວັນທີ 28 ພະຈິກ 2019 ເລຂາທິການສະພາແຫ່ງຊາດ ຍັງໄດ້ມອບຄອມພິວເຕີອີກຈໍານວນ 18 ຊຸດ ພ້ອມດ້ວຍເຄື່ອງພິມເອກະສານ ແລະ ນໍ້າມຶກອີກຈໍານວນ 18 ຊຸດ ແລະ ໃຫ້ບັນດາ ສພຂ.

(ສອນສັກ ວັນວິໄຊ)