ກອງປະຊຸມໃຫ່ຍຄັ້ງທີ I ກຳມະບານຮາກຖານ ຄລສ

20/01/2020 00:00 -

(ສພຊ) ກອງປະຊຸມໃຫຍ່ຄັ້ງທີ  I ຂອງກຳມະບານຮາກຖານຄະນະເລຂາທິການສະພາແຫ່ງຊາດ (ຄລສ) ໄດ້ຈັດຂຶ້ນໃນວັນທີ 14 ມັງກອນ 2020 ທີ່ຫ້ອງປະຊຸມ ຄລສ (ຫລັກ 6) ນະຄອນຫລວງວຽງຈັນ ໂດຍການ ເປັນປະທານຮ່ວມຂອງສະຫາຍ ສຸບັນ ສະວະບຸດ  ກຳມະການຄະນະພັກສະພາແຫ່ງຊາດ, ເລຂາຄະນະພັກຮາກຖານ ຄລສ ແລະ ສະຫາຍ ຄຳແທ່ນ ວິລະກຸນ ຮັກສາການປະທານກຳມະບານຮາກຖານ ຄລສ; ເຂົ້າຮ່ວມມີສະຫາຍ ນາງ ສີໃສ ລືເດດມູນສອນ ກຳມະການສູນກາງພັກ, ຮອງເລຂາຄະນະບໍລິຫານງານພັກສະພາແຫ່ງຊາດ, ຮອງປະທານ ສະພາແຫ່ງຊາດ, ສະຫາຍ ນາງ ສວນສະຫວັນ ວິຍະເກດ ກຳມະການສຳຮອງສູນກາງພັກ, ເລຂາທິການສະພາແຫ່ງ ຊາດ ພ້ອມດ້ວຍສະມາຊິກກຳມະບານພາຍໃນ ຄລສ ແລະ ແຂກຖືກເຊີນຈໍານວນໜຶ່ງ.

ກອງປະຊຸມໃຫຍ່ຄັ້ງທີ  I ຂອງກຳມະບານຮາກຖານຄະນະເລຂາທິການສະພາແຫ່ງຊາດ ໄດ້ເຫັນດີເປັນ ເອກະພາບ, ຮັບຮອງເອົາບັນດາເນື້ອໃນສຳຄັນກອງປະຊຸມ ຄື: ພິຈາລະນາ ແລະ ຮັບຮອງເອົາບົດລາຍງານການເມືອງ ເຊິ່ງໄດ້ສະຫລຸບຕີລາຄາການເຄື່ອນໄຫວວຽກງານນັບແຕ່ປີ 2018 ຫາ 2019 ແລະ ການກຳນົດທິດທາງແຜນການ ເຄື່ອນໄຫວວຽກງານປີ 2020 ຮອດ 2024 ຂອງກຳມະບານຮາກຖານ ຄລສ; ຮັບຮອງເອົາບົດສຳຫລວດການ ຊີ້ນຳ-ນຳພາລວມ ຂອງຄະນະບໍລິຫານງານກຳມະບານຮາກຖານ ຄລສ ຊຸດເກົ່າ, ໃນນັ້ນ ໄດ້ຕີລາຄາຜົນສຳເລັດ, ດ້ານອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ຈາກການຊີ້ນຳ-ນຳພາ ແລະ ການຈັດຕັ້ງປະຕິບັດວຽກງານໃນໄລຍະ 2 ປີຜ່ານມາ; ກອງປະຊຸມໄດ້ເຫັນດີເປັນເອກະພາບ ຮັບຮອງເອົາຜົນການປ່ອນບັດເລືອກຕັ້ງເອົາຄະນະບໍລິຫານງານກຳມະບານຮາກຖານຄະນະເລຂາທິການສະພາແຫ່ງຊາດຊຸດໃໝ່ ເຊິ່ງປະກອບມີ: 1. ສະຫາຍ ຄຳແທ່ນ ວິລະກຸນ ເປັນປະທານຄະນະບໍລິຫານງານກຳມະບານຮາກຖານ ຄລສ; 2. ສະຫາຍ ເປຄຳ ລໍຄຳສອນ ເປັນຮອງປະທານ, ທັງເປັນປະທານ ກວດກາ; 3. ສະຫາຍ ວິໄລວົງ ສີຈັນທອງທິບ ເປັນກຳມະການ; 4. ສະຫາຍ ນາງ ຕາດຳ ຫ່ານຟ້າ ເປັນກຳມະການ; 5. ສະຫາຍ ຂັນທອງ ແພງສີໃຈ ເປັນກຳມະການ; 6. ສະຫາຍ ສະເຫລີມໄຊ ນາມບຸດ ເປັນກຳມະການ; 7. ສະຫາຍ ນາງ ສຸດທະລາ ລໍເບຼຍຢາວ ເປັນກຳມະການ.

ຕອນທ້າຍຂອງກອງປະຊຸມ ຍັງໄດ້ຮັບຟັງການໂອ້ລົມຈາກ ສະຫາຍ ສຸບັນ ສະວະບຸດ ເຊິ່ງໄດ້ກ່າວວ່າ:  ຄຽງຄູ່ກັບຜົນສໍາເລັດທີ່ຍາດມາໄດ້ນັ້ນ ເມື່ອທຽບກັບຄວາມຮຽກຮ້ອງຕ້ອງການທາງດ້ານໜ້າທີ່ການເມືອງ ໃນໄລ ຍະໃໝ່ແລ້ວ ເຫັນວ່າສະມາຊິກກໍາມະບານທຸກສະຫາຍ ຍັງມີບາງດ້ານທີ່ຈະຕ້ອງໄດ້ເອົາໃຈໃສ່ບຸກບືນຕື່ມ ເປັນຕົ້ນ: ເອົາໃຈໃສ່ເຕົ້າໂຮມຄວາມສາມັກຄີ, ຊຸກຍູ້ສະມາຊິກກໍາມະບານເອົາໃຈໃສ່ເຂົ້າຮ່ວມຂະບວນການຂອງອົງການຈັດ ຕັ້ງມາຫາຊົນຢ່າງຕັ້ງໜ້າ, ສືບຕໍ່ປັບປຸງສະມາຊິກກໍາມະບານໃຫ້ມີຄວາມເຂັ້ມແຂງທາງດ້ານການເມືອງ-ແນວຄິດ, ການຈັດຕັ້ງ, ແບບແຜນການນໍາພາ, ແບບແຜນວິທີເຮັດວຽກຢ່າງມີຍຸດທະສາດ ແລະ ມີຫົວຄິດປະດິດສ້າງ ບົນພື້ນ ຖານລະບຽບຫລັກການ, ດໍາເນີນຊີວິດການເມືອງເປັນປະຈໍາທຸກເດືອນ ໂດຍຖືເອົາການຕໍານິຕິຊົມຕົນເອງ, ການຕິ ຊົມເຊິ່ງກັນ ແລະ ກັນ ເປັນປັດໄຈສໍາຄັນ, ປະຕິບັດຫລັກການລວມສູນປະຊາທິປະໄຕ, ນໍາພາເປັນໝູ່ຄະນະ, ມີການ ແບ່ງງານ, ແບ່ງຄວາມຮັບຜິດຊອບໃຫ້ບຸກຄົນຢ່າງຈະແຈ້ງ, ຕັ້ງໜ້າເຄື່ອນໄຫວປະຕິບັດ “ຂໍ້ແຂ່ງຂັນ 5 ເປັນເຈົ້າ” ໂດຍຕິດພັນກັບ ຂໍ້ແຂ່ງຂັນ “ຮັກຊາດ ແລະ ພັດທະນາ” ຢ່າງຕັ້ງໜ້າ ແລະ ເປັນຂະບວນຟົດຟື້ນ, ຊີ້ນໍາ-ນໍາພາ ສະມາ ຊິກກໍາມະບານ ເຮັດຫລ້ອນໜ້າທີ່ເປັນເສນາທິການໃຫ້ແກ່ສະພາແຫ່ງຊາດ ໃນສະພາແຫ່ງຊາດຊຸດທີ VIII ກໍຄືສະພາແຫ່ງຊາດຊຸດທີ IX ໃນຕໍ່ໜ້າ ເຊິ່ງຂະບວນການດັ່ງກ່າວນີ້ ສະແດງໃຫ້ເຫັນຜົນງານ, ຄວາມຫ້າວຫັນ ແລະ ການປະຕິບັດລະບຽບວິໄນ ຂອງສະມາຊິກກໍາມະບານທຸກສະຫາຍ ແລະ ໂຄງປະກອບຂອງຄະນະກໍາມະບານຮາກຖານຊຸດໃໝ່ນີ້ ສ່ອງແສງໃຫ້ເຫັນລັກສະນະສືບທອດ ຜົນໄດ້ຮັບດັ່ງກ່າວນີ້ ດ້ານໜຶ່ງກໍຍ້ອນການເອົາໃຈໃສ່ຊີ້ນໍາຂອງຄະນະໜ່ວຍພັກຮາກຖານຄະນະເລຂາທິການສະພາແຫ່ງຊາດ, ຄະນະກໍາມະບານຊຸດເກົ່າ ພ້ອມດ້ວຍສະມາຊິກກໍາມະບານທຸກສະຫາຍ ແລະ ຄະນະຮັບຜິດຊອບກອງປະຊຸມ, ດ້ານໜຶ່ງກໍຍ້ອນຄວາມຮັບຜິດຊອບດ້ານການເມືອງ ແລະ ຄວາມສາມັກຄີເປັນເອກະພາບ ຂອງບັນດາສະຫາຍຜູ້ແທນກອງປະຊຸມຄັ້ງນີ້; ບັນດາສະຫາຍໃນຄະນະໜ່ວຍຊຸດໃໝ່ ທີ່ໄດ້ຮັບເລືອກຕັ້ງໃນຄັ້ງນີ້ ລ້ວນແຕ່ເປັນຜູ້ມີມາດຖານ, ມີເງື່ອນໄຂຄົບຖ້ວນ, ຜູ້ທີ່ໄດ້ຮັບຄວາມເຊື່ອໝັ້ນ ແລະ ຄວາມ ໄວ້ວາງໃຈຈາກຜູ້ແທນກອງປະຊຸມໃຫຍ່, ແຕ່ເຖິງຢ່າງໃດກໍດີ ໃນໂອກາດນີ້ ຂໍຮຽກຮ້ອງມາຍັງບັນດາສະຫາຍໃນ ຄະນະໜ່ວຍຊຸດໃໝ່ ທີ່ໄດ້ຮັບເລືອກຕັ້ງໃນຄັ້ງນີ້ ລ້ວນແຕ່ເປັນຜູ້ມີມາດຖານ, ມີເງື່ອນໄຂຄົບຖ້ວນ, ຜູ້ທີ່ໄດ້ຮັບ ຄວາມເຊື່ອໝັ້ນ ແລະ ຄວາມໄວ້ວາງໃຈ ຈາກຜູ້ແທນກອງປະຊຸມໃຫຍ່, ແຕ່ເຖິງຢ່າງໃດກໍດີ ໃນໂອກາດນີ້ ຂໍຮຽກຮ້ອງມາຍັງບັນດາສະຫາຍໃນຄະນະໜ່ວຍກໍາມະບານຊຸດໃໝ່ ຕ້ອງເອົາໃຈໃສ່ເພີ່ມທະວີຄວາມສາມັກຄີ, ຄວາມເປັນເອກະພາບພາຍໃນເປັນປຶກແຜ່ນ, ຍົກສູງຄວາມຮັບຜິດຊອບທາງການເມືອງ, ຕັ້ງໜ້າຄົ້ນຄວ້າຮໍ່າຮຽນ ເພື່ອຍົກສູງຄວາມຮູ້ຄວາມສາມາດໃຫ້ສູງຂຶ້ນ, ປັບປຸງແບບແຜນການນໍາພາ ແລະ ວິທີເຮັດວຽກໃຫ້ດີຂຶ້ນເປັນກ້າວໆ ແລະ ເປັນແບບຢ່າງໃນການດໍາລົງຊີວິດໃຫ້ສົມກັບຄວາມເຊື່ອໝັ້ນ ແລະ ຄວາມໄວ້ວາງໃຈຂອງສະມາຊິກກໍາມະ ບານ ທີ່ໄດ້ເລືອກເອົາບັນດາສະຫາຍ ມາເປັນຕົວແທນຂອງໜ່ວຍກໍາມະບານຮາກຖານ ໃນຄັ້ງນີ້.