ສພຊ ຊຸກຍູ້ຊ່ວຍເຫລືອວຽກງານສະກັດກັ້ນການແຜ່ລະບາດຂອງເຊື້ອພະຍາດໂຄວິດ-19

27/05/2020 00:00 -

          (ສພຊ) ກາງເດືອນເມສາຜ່ານມາ, ທີ່ກະຊວງສາທາລະນະສຸກ, ສະພາແຫ່ງຊາດ (ສພຊ) ໃນນາມການຈັດຕັ້ງ ກໍຄືອົງການຈັດຕັ້ງມະຫາຊົນ ສພຊ ນຳໂດຍທ່ານ ສຸບັນ ສະວະບຸດ ຮອງເລຂາທິການສະພາແຫ່ງຊາດ, ປະທານສະຫະພັນກຳມະບານສະພາແຫ່ງຊາດ ພ້ອມດ້ວຍຄະນະ ໄດ້ນຳເອົາເງິນຈຳນວນ 20 ລ້ານກີບ ໄປມອບໃຫ້ຄະນະສະເພາະກິດເພື່ອປະກອບສ່ວນປ້ອງກັນ, ຄວບຄຸມ ແລະແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19 ເຊິ່ງກ່າວຮັບໂດຍທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຜູ້ປະຈຳການຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂພະຍາດອັກເສບປອດທີ່ເກີດຈາກເຊື້ອຈຸລະໂລກສາຍພັນໃໝ່ ໂຄວິດ-19.

          ໂອກາດດັ່ງກ່າວ ໃນນາມຕາງໜ້າຄະນະສະເພາະກິດ ທ່ານ ພູທອນ ເມືອງປາກ ໄດ້ມອບໃບກຽດຕິຄຸນ ໃຫ້ ສພຊ ແລະສະແດງຄວາມຂອບອົກຂອບໃຈຕໍ່ການປະກອບສ່ວນຂອງ ສພຊ ໃນຄັ້ງນີ້.