ປະທານ ກບຜ ມອບໃບຂອບໃຈ ໃຫ້ໂຮງຮຽນສິນໄຊ

13/07/2020 00:00 -

(ສພຊ) ວັນທີ 6 ກໍລະກົດ ຜ່ານມາ, ທີ່ນະຄອນຫລວງວຽງຈັນ ທ່ານ ນາງ ບົວພັນ ລີໄກຢາປະທານກໍາມາທິການບັນດາເຜົ່າ (ກບຜ) ສະພາແຫ່ງຊາດ ພ້ອມດ້ວຍຄະນະ ໄດ້ໄປມອບໃບຂອບໃຈໃຫ້ທ່ານ ນາງ ອາລີ ພົນເສນາ ອໍານວຍການໂຮງຮຽນປະຖົມ-ມັດທະຍົມສົມບູນສິນໄຊ ທີ່ໄດ້ມອບເຄື່ອງຊ່ວຍເຫລືອໃຫ້ໂຮງຮຽນປະຖົມສາມັນກິນນອນຊົນເຜົ່າຢູ່ເມືອງວຽງໄຊ ແຂວງຫົວພັນ, ເຄື່ອງດັ່ງກ່າວແມ່ນເຄື່ອງນຸ່ງກັນໜາວ ລວມ 200 ຊຸດ ເປັນມູນຄ່າ 4 ລ້ານກວ່າກີບ ເຊິ່ງເຄື່ອງດັ່ງກ່າວໄດ້ນໍາໄປມອບໃຫ້ໂຮງຮຽນດັ່ງກ່າວແລ້ວ.

ນອກຈາກນີ້ ປະທານ ກບຜ ສະພາແຫ່ງຊາດ ແລະ ທ່ານຜູ້ອຳນວຍການໂຮງຮຽນ ຍັງໄດ້ພ້ອມກັນແລກປ່ຽນຄຳຄິດຄຳເຫັນໃນການທີ່ຈະຮ່ວມມືກັນຫລາຍບັນຫາ ເພື່ອສືບຕໍ່ຊ່ວຍເຫລືອຜູ້ທຸກຍາກຕໍ່ໆໄປຕາມສະພາບເງື່ອນໄຂຕົວຈິງອີກດ້ວຍ.