ປະທານຄະນະ ສສຊ ເພດຍິງ ມອບເຄື່ອງຊ່ວຍເຫລືອ

15/08/2018 00:00 -

​     (ສພຊ) ວັນ​ທີ 03 ສິງຫາ 2018, ທ່ານ ນາງ ທັດ​ສະ​ດາ​ພອນ ​ແສງ​ສຸລິຍາ ປະທານ​ຄະນະ​ສະມາຊິກ​ສະພາ​ແຫ່ງ​ຊາດ (ສສຊ) ​ເພດ​ຍິງ ໄດ້​ເຄື່ອນໄຫວຢ້ຽມຢາມ ແລະ ມອບເຄື່ອງ​ຊ່ວຍ​ເຫລືອໃຫ້​ກໍ​າລັງ​ໃຈ​ຢ່າງ​ໃກ້ຊິດ​ກັບປະ​ຊົນຜູ້​ທີ່​ໄດ້​ຮັບ​ຜົນ​ກະທົບ​ຈາກ​​ເຫດການ​ອຸບັດ​​ເຫດເຂື່ອນ​ກັ້ນນໍ້າ​ເຊ​ປຽນ-​ເຊ​ນໍ້າ​ນ້ອຍ​ແຕກ ທີ່​ເມືອງ​ສະໜາມ​ໄຊ ​ແຂວງ​ອັດ​ຕະປື ​ຮ່ວມ​ມອບ​ເຄື່ອງຊ່ວຍເຫລືອໃນ​ຄັ້ງນີ້ມີ​ທ່ານຮອງ​ເຈົ້າ​ແຂວງ​ອັດ​ຕະປື, ທ່ານຮອງ​ປະທານ​ສະພາ​ປະຊາຊົນ​ແຂວງອັດ​ຕະປື ​ແລະ​ ທ່ານ​ຮອງ​ເຈົ້າ​ເມືອງໆສະ    ໜາມ​ໄຊ ​ ​ເພື່ອ​ຊ່ວຍ​ບັນ​ເທົາ​ທຸກ ​ແລະ ​​ເປັນ​ກໍ​າລັງ​ໃຈ​ໃຫ້​ແກ່​ຜູ້​ທີ່​ຖືກ​ຜົນ​ກະທົບ​ຈາກ​ໄພພິບັດ​ນໍ້າ​ຖ້ວມ​ດັ່ງກ່າວ.

     ການລົງ​ເຄື່ອນ​ຢ້ຽມຢາມຄັ້ງນີ້, ແມ່ນໄດ້ມອບເຄື່ອງ​ຊ່ວຍເຫລືອຢູ່ 4 ຈຸດ​ຄື: ຈຸດ​ທີ 1 ຢູ່ສູນ​ຜູ້​ປະສົບໄພ​​ໂຮງຮຽນປະຖົມ​ສົມ​ບູນ ບ້າ​ນອຸດົມ​ໄຊ ປະກອບ​ມີ 30 ຄອບຄົວ; ຈຸດ​ທີ 2 ຢູ່​ໂຮງໝໍ​ເມືອ​ງສະໜາມ​ໄຊ ​ແຂວງ​ອັດ​ຕະປື ​ໄດ້​ຊ່ວຍ​ເຫລືອຜູ້​ທີ່​ໄດ້​ຮັບ​ບາດ​ເຈັບ​ຈໍານວນຫລາຍຄອບຄົວ​ທີ່ໄດ້​ຮັບ​ຜົນ​ກະທົບ​ຈາກ​ອຸ​ທົກ​ກະ​ໄພ​; ຈຸດ​ທີ 3 ມອບ​ໃຫ້​ແກ່​ຍາດ​ພີ່ນ້ອງ​ຜູ້​ເສຍ​ຊີວິດ​ຈາກ​ເຫດ​ການ​ນໍ້າ​ຖ້ວມ​ດັ່ງກ່າວ ແລະ ຈຸດ​ທີ 4 ​ ມອບ​ເຄື່ອງ​ຊ່ວຍ​ເຫລືອຈໍານວນໜຶ່ງ​ເຂົ້າສູນ​ຮັບ​​ເຄື່ອງ​ຊ່ວຍ​ເຫລືອຜູ້​ປະສົບ​ໄພ ທີ່​ຕັ້ງຢູ່​ເມືອງ​ສະ  ໜາມ​ໄຊ ​ແຂ​ວງອັດ​ຕະປື ​ເພື່ອ​ໃຫ້​ພາກສ່ວນ​ທີ່​ກ່ຽວຂ້ອງ​ນຳໄປສືບຕໍ່ຊ່ວຍ​ເຫລືອ.