ປະທານສະພາແຫ່ງຊາດ ຢ້ຽມຢາມສັນຖະວະໄມຕີ ຍີ່ປຸ່ນ ຢ່າງເປັນທາງການ
22/03/2019

ຕອບສະໜອງຕາມການເຊື້ອເຊີນຂອງທ່ານ ທາດາໂມລິ ໂອຊີມາ ປະທານສະພາຜູ້ແທນລາດຊະດອນ ແຫ່ງ ຍີ່ປຸ່ນ ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສປປ ລາວ ພ້ອມດ້ວຍສາມີ ແລະ ຄະນະ ໄດ້ເດີນທາງຢ້ຽມຢາມສັນຖະວະໄມຕີ ຍີ່ປຸ່ນ ຢ່າງເປັນທາງການ ແຕ່ວັນທີ 18-22 ມີນາ 2019 ຊຶ່ງໃນວັນທີ 18 -19 ມີນາ ທ່ານນາງ ປານີ ຢາທໍ່ຕູ້ ພ້ອມດ້ວຍຄະນະ ໄດ້ພົບປະສອງຝ່າຍກັບທ່ານ ຕາດາໂມ ຣິໂອ ຊິມະ (Tadamori Oshima) ປະທານສະພາຜູ້ແທນ ລາຊະດອນຍີ່ປຸ່ນ, ເຂົ້າຢ້ຽມພົບປະກັບທ່ານ ດາເທະ ຈຸອີຈ ປະທານສະພາສູງຍີ່ປຸ່ນ, ເຂົ້າຢ້ຽມຂາໍ່ນັບອົງມົງກຸດລາດຊະກຸມມານ ນາຣຸຮີໂຕ, ເຂົ້າຢ້ຽມພົບປະກັບທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ຕາມລຳດັບ. ນອກນັ້ນ ທ່ານປະ ທານສະພາແຫ່ງຊາດລາວ ຍັງໄດ້ນຳພາ ຄະນະຜູ້ແທນສະພາແຫ່ງຊາດລາວ ພົບປະຖອດຖອນບົດຮຽນດ້ານວຽກງານກະ ສິກຳກັບກະຊວງກະສິກຳຍີ່ປຸ່ນ ຕື່ມອີກ.     ໃນໂອກາດພົບປະກັບບັນດາການນຳຂອງຍີ່ປຸ່ນ ຄະ ນະຜູ້ແທນລາວ ໄດ້ຕີລາຄາສູງ ຕໍ່ການພົວພັນ ລາວ-ຍີ່ປຸ່ນ ຊຶ່ງ ເປັນການພົວພັນມິດຕະພາບທີ່ເປັນມູນເຊື້ອ, ພາຍຫຼັງທີ່ໄດ້ສ້າງຕັ້ງສາຍພົວພັນການທູດ ນໍາກັນ ປີ 1955 ແລະ ໄດ້ຮັບການຂະຫຍາຍຕົວມາຈົນກ້າວຂຶ້ນສ້າງການພົວພັນແບບ ຄູ່ຮ່ວມຍຸດທະສາດນຳກັນ ໃນປີ 2015. ການນຳສູງສຸດຂອງ ສອງປະເທດ ໄດ້ແລກປ່ຽນການການຢ້ຽມຢາມນຳກັນຢ່າງເປັນປະຈໍາ. 
    ຍີ່ປຸ່ນ ເປັນປະເທດໜຶ່ງ ທີ່ໃຫ້ການຊ່ວຍເຫຼືອແກ່ສປປ ລາວມາຫຼາຍທົດສະວັດ ເປັນ ຕົ້ນແມ່ນການກໍ່ສ້າງພື້ນຖານ ໂຄງລ່າງ, ການສ້າງຊັບພະ ຍາກອນມະນຸດ, ຊ່ວຍເຫຼືອປັບ ປຸງຍົກລະດັບການບໍລິການດ້ານການສຶກສາ ແລະ ສາທາ ລະນະສຸກ, ເລັ່ງໃສ່ ເພື່ອບັນລຸເປົ້າໝາຍການພັດທະນາແບບ ຍືນຍົງ (SDGs) ຂອງລັດຖະ ບານລາວ. ເອກະສານຍຸດທະ ສາດການຮ່ວມມື ລາວ-ຍີ່ປຸ່ນ ທີ່ໄດ້ລົງນາມ ຮ່ວມກັນ ລະຫວ່າງ ສອງລັດຖະບານ ໃນປີ 2016 ໃນໂອກາດຢ້ຽມຢາມຍີ່ປຸ່ນຂອງທ່ານນາຍົກລັດຖະມົນຕີ ທອງລຸນ ສີສຸລິດ ເປັນແຜນການຮ່ວມມືລາວ-ຍີ່ປຸ່ນ ເພື່ອພັດທະນາ ສປປ ລາວ ແບບຍືນຍົງ, ຊຶ່ງປະ ຕິບັດໄປຄຽງຄູ່ກັບແຜນພັດ ທະ ນາເສດຖະກິດ-ສັງຄົມ 5 ປີ ຄັ້ງທີ VIII ຂອງ ສປປ ລາວ.
    ກ່ຽວກັບການພົວພັນ ລະ ຫວ່າງສອງອົງການນິຕິບັນຍັດຂອງລາວ ແລະ ຍີ່ປຸ່ນ ເຫັນວ່າສອງອົງການໄດ້ມີ ການພົວພັນມິດຕະພາບນຳກັນຕະຫຼອດມາ, ໄດ້ມີການໄປມາຫາສູ່ ແລະ ແລກປ່ຽນນຳກັນ, ໂດຍ ສະເພາະແມ່ນມີການແລກ ປ່ຽນການຢ້ຽມຢາມນຳກັນລະ ຫວ່າງຄະນະ ມິດຕະພາບລັດຖະສະພາ ລະຫວ່າງ ສະພາແຫ່ງຊາດລາວ ແລະ ລັດຖະສະ ພາຍີ່ປຸ່ນ. ພ້ອມດຽວກັນນີ້ທ່ານ ນາງ ປານີ ຢາທໍ່ຕູ້ ຍັງໄດ້ສະ ແດງຄວາມຂອບໃຈ ແລະ ຮູ້ບຸນ ຄຸນຕໍ່ການສະໜັບສະໜູນອັນລາໍ້ຄ່າຈາກປະເທດຍີ່ປຸ່ນ ຕໍ່ການພັດທະນາ ສປປ ລາວ ໃນໄລຍະຫຼາຍທົດສະວັດທີ່ຜ່ານມາ ຊຶ່ງສະເລ່ຍປະມານ 90-100 ລ້ານໂດລາສະຫະລັດຕໍ່ປີ. ການຊ່ວຍເຫຼືອດັ່ງກ່າວ ໄດ້ເລັ່ງໃສ່ການພັດທະນາພື້ນຖານໂຄງລ່າງ, ການສົ່ງອາສາສະໝັກ ແລະຊ່ຽວຊານຍີ່ປຸນ ມາເຮັດວຽກຢູ່ລາວ, ການ ໃຫ້ທຶນການສຶກສາ ປີໜຶ່ງປະມານ 30 ກວ່າຄົນ, ການຊ່ວຍເຫຼືອດ້ານການສຶກສາ ແລະ ສາທາລະນະສຸກ ຊຶ່ງປະກອບສ່ວນຢ່າງສຳຄັນເຂົ້າໃນຜົນສຳເລັດຂອງການພັດທະນາດ້ານເສດຖະກິດ-ສັງຄົມຂອງ ສປປ ລາວ ກໍຄືການ ຍົກສູງລະດັບຊີວິດການເປັນຢູ່ ຂອງປະຊາຊົນລາວ ນັບມື້ນັບດີຂຶ້ນ. ສະແດງຄວາມຂອບໃຈຕໍ່ລັດຖະບານ, ລັດຖະສະພາ ແລະ ປະຊາຊົນຍີ່ປຸ່ນທີ່ໄດ້ໃຫ້ ການຊ່ວຍເຫຼືອອັນໃຫຍ່ຫຼວງ ແກ່ ສປປ ລາວ ໂດຍສະເພາະແມ່ນການຊ່ວຍເຫຼືອຢ່າງທັນການຕໍ່ເຫດການໄພພິບັດນຳ້ຖ້ວມ ຢູ່ເມືອງສະໜາມໄຊ ແຂວງອັດຕະປື ໃນເດືອນກໍລະ ກົດ 2018 ຜ່ານມາ, ກໍຄືເຫດ ການອື່ນໆທີ່ເກີດຂຶ້ນຢູ່ສປປ ລາວ ໂດຍໄດ້ມອບເຄື່ອງຊ່ວຍ ເຫຼືອບັນເທົາທຸກ, ປະກອບສ່ວນ ທາງດ້ານການເງິນ ແລະ ວັດຖຸອຸປະກອນທີ່ຈຳເປັນສຳລັບການຟື້ນຟູຊີວິດການເປັນຢູ່ຂອງປະຊາຊົນໃຫ້ເຂົ້າສູ່ສະພາບປົກກະຕິ. 
    ໃນການຢ້ຽມຢາມສັນຖະ ວະໄມຕີ ຍີ່ປຸ່ນຂອງທ່ານ ນາງ ປານີ ຢາທໍ່ຕູ້ ໃນຄັ້ງນີ້ ສອງສະ ພາແຫ່ງຊາດລາວ ແລະ ຍີ່ປຸ່ນ ຍັງໄດ້ສະເໜີທິດທາງການ ຮ່ວມມືຂອງສອງອົງການໃນຕໍ່ ໜ້າຄື: ສະເໜີໃຫ້ມີການສືບຕໍ່ການແລກປ່ຽນການຢ້ຽມຢາມ ແລະ ໄປມາຫາສູ່ກັນ ລະຫວ່າງ ສະພາແຫ່ງຊາດລາວ ແລະ ລັດຖະສະພາຍີ່ປຸ່ນ ໂດຍສະເພາະໃນລະດັບກໍາມາທິການ ແລະ ຄະນະມິດຕະພາບລັດຖະສະ ພານຳກັນ, ສະເໜີໃຫ້ມີການແລກປ່ຽນບົດຮຽນນຳກັນ ຫຼື ຈັດຕັ້ງກອງປະຊຸມສຳມະນາ ໃນຫົວຂໍ້ທີ່ສະພາແຫ່ງຊາດລາວ ມີຄວາມສົນໃຈເຊັ່ນ: ບັນຫາການບໍລິຫານ-ຄຸ້ມຄອງເສດຖະກິດ, ການວາງແຜນພັດທະນາຕົວເມືອງ, ບັນຫານະໂຍບາຍກ່ຽວກັບ ການຊຸກຍູ້ສົ່ງເສີມ ທຸລະກິດຂະໜາດນ້ອຍ ແລະ ຂະໜາດກາງ, ສະເໜີໃຫ້ລັດຖະສະພາຍີ່ປຸ່ນ ຊຸກຍູ້ໃຫ້ ລັດຖະບານ ຍີ່ປຸ່ນ ສືບຕໍ່ໃຫ້ການສະໜັບສະໜູນ ບັນດາໂຄງການພັດທະນາທີ່ ລັດຖະບານລາວໄດ້ສະເໜີຕໍ່ ລັດຖະບານຍີ່ປຸ່ນ ເພື່ອພິຈາລະ ນາ ໂດຍສະເພາະແມ່ນໂຄງ ການສຶກສາຄວາມເປັນໄປໄດ້ໃນການສ້າງເສັ້ນທາງດ່ວນ ວຽງຈັນ-ຮ່າໂນ້ຍ. ສະເໜີໃຫ້ລັດ ຖະສະພາຍີ່ປຸ່ນ ສືບຕໍ່ຊຸກຍູ້ສົ່ງ ເສີມການຮັດແໜ້ນສາຍພົວພັນ ມິດຕະພາບ ແລະ ການຮ່ວມມື ລະ ຫວ່າງ ປະຊາຊົນລາວ ແລະ ປະຊາຊົນຍີ່ປຸ່ນ ດ້ວຍການສ້າງເງື່ອນໄຂ ແລະ ອຳນວຍຄວາມສະດວກໃຫ້ແກ່ການໄປມາ ຫາສູ່ກັນ ລະຫວ່າງ ປະຊາຊົນ ສອງຊາດ, ແກ້ໄຂສິ່ງກີດຂວາງຕ່າງໆ.