ປະທານ ສພຊ ຕ້ອນຮັບປະທານສູນກາງ ແຫ່ງ ສປປ ເກົາຫຼີ
13/05/2019

(ສພຊ) ຕອນບ່າຍຂອງວັນພຸດທີ 8 ພຶດສະພາຜ່ານມາທີ່ຫ້ອງຮັບແຂກສະພາແຫ່ງຊາດ (ສພຊ) ທ່ານ ນາງ ປານີ ຢາທໍ່ຕູ້ ປະທານ ສພຊ ໄດ້ຕ້ອນຮັບການເຂົ້າຢ້ຽມຂໍ່ານັບຂອງທ່ານ ກາງ ຢັງ ຊັອກ(Kang Yun Sok) ປະທານສານສູນກາງ ສາທາລະນະລັດ ປະຊາຊົນ ປະຊາຊທິປະໄຕ ເກົາຫລີ (ສປປ ເກົາຫລີ)ພ້ອມດ້ວຍຄະນະ ໃນໂອກາດທີ່ເດີນທາງມາຢ້ຽມຢາມ ສປປລາວໃນລະຫວ່າງວັນທີ 6-9 ພຶດສະພາ 2019.

ໃນໂອກາດດັ່ງກ່າວ, ທ່ານປະ​ທານ​ສະພາແຫ່ງຊາດ ໄດ້ສະແດງຄວາມຍິນດີ ຕ້ອນຮັບ ແລະ ຕີລາຄາສູງຕໍ່ການ ຢ້ຽມຢາມ ສປປ ລາວ ຂອງທ່ານ ກາງ ຢັງ ຊັອກ ພ້ອມຄະນະ, ເຊິ່ງເປັນການປະກອບສ່ວນອັນສຳຄັນ ເຂົ້າໃນການ ເສີມຂະຫຍາຍ ສາຍພົວພັນມິດຕະພາບ ອັນເປັນມູນເຊື້ອດີ ທີ່ນັບມື້ນັບໄດ້ຮັບການເສີມຂະຫຍາຍ ຢ່າງຕໍ່ເນື່ອງ.

ທ່ານ ກາງ ຢັງ ຊັອກ ໄດ້ສະແດງຄວາມຂອບໃຈເປັນຢ່າງສູງ ຕໍ່ທ່ານປະທານ ສພຊ ທີ່ໄດ້ສະຫລະເວລາ ໃຫ້ການຕ້ອນຮັບອັນອົບອຸ່ນ ໃນຄັ້ງນີ້, ພ້ອມຕີລາຄາສູງຕໍ່ການພົວພັນຮ່ວມມືຂອງ ສ​ປ​ປ ລາວ ແລະ ສ​ປ​ປ ເກົາ​ຫລີ ໃນໄລຍະຜ່ານມາ, ພ້ອມ​ທັງສະແດງ ຄວາມຍີນດີສືບຕໍ່ເສີມຂະຫຍາຍສາຍພົວພັນ ມິດຕະພາບອັນເປັນມູນເຊື້ອ ໃຫ້ນັບ ມື້ແໜ້ນແຟ້ນຍິ່ງຂຶ້ນ ແລະ ເຕີບໃຫຍ່ຂະຫຍາຍຕົວຢ່າງບໍ່ຢຸດຢັ້ງ.

ສອນສັກ ວັນວິໄຊ