ກອງປະຊຸມສະມາຊິກລັດຖະສະພາພາກພື້ນອາຊີ-ປາຊີຟິກ
01/08/2019

(ສພຊ) ລະຫວ່າງວັນທີ 4-5 ກໍລະກົດ 2019 ທີ່ໂຮງແຮມເມືອງແທັງ ນະຄອນຫລວງວຽງ ຈັນ, ສະພາແຫ່ງຊາດ ໄດ້ຈັດກອງປະຊຸມສະມາຊິກສະພາພາກພື້ນອາຊີ-ປາຊີຟິກ ໃນຫົວຂໍ້ “ການ ຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ” ໂດຍການເປັນປະທານຂອງທ່ານ ແສງນວນ ໄຊຍະລາດ ຮອງປະທານສະພາແຫ່ງຊາດ; ມີທ່ານ ສົມພູ ດວງສະຫວັນ ປະທານກໍາມາທິການວັດທະນະທໍາ-ສັງຄົມ ສະພາແຫ່ງຊາດ, ປະທານສະມາຄົມເພື່ອປະຊາກອນ ແລະ ການພັດທະນາຂອງລາວ; ມີຜູ້ອຳນວຍການບໍລິຫານສະມາຄົມປະຊາກອນ ແລະ ການພັດທະນາອາຊີ,  ບັນດາທ່ານສະມາຊິກສະພາແຫ່ງຊາດ, ຄະນະສະມາຊິກສະພາແຫ່ງຊາດ ເພດຍິງ, ຄະນະຜູ້ແທນຈາກລັດຖະສະພາພາກພື້ນອາຊີ-ປາຊີຟິກ ປະກອບມີ: ກໍາປູເຈຍ, ອິນໂດເນເຊຍ, ມາເລເຊຍ, ມຽນມາ, ຟີລິບປິນ, ໄທ, ຫວຽດນາມ, ອິນເດຍ, ບັງກະລາເທດ, ຈີນ, ຍີ່ປຸ່ນ, ນິວຊີແລນ, ອົດສະຕຣາລີ, ຕົງກາ ແລະ ສີລັງກາ, ຮອງລັດຖະມົນຕີກະຊວງຍຸຕິທໍາ, ປະທານ-ຮອງປະທານສູນກາງສະຫະພັນແມ່ຍິງລາວ, ຄະນະກໍາມາທິການແຫ່ງຊາດ ເພື່ອຄວາມກ້າວ ໜ້າຂອງແມ່ຍິງ ແລະ ແມ່-ເດັກ, ອົງການສະຫະປະຊາຊາດເພື່ອແມ່ຍິງ ແລະ ເດັກນ້ອຍ ປະຈໍາ ສປປລາວ, ອົງການສະພາປະຊາຊາດເພື່ອປະຊາກອນ ປະຈໍາ ສປປລາວ, ສະມາຄົມເພື່ອພັດທະນ າແມ່ຍິງ ແລະ ການສຶກສາກົດໝາຍ, ສະມາຄົມເພື່ອປະຊາກອນ ແລະ ການພັດທະນາແຫ່ງອາຊີ, ສະຖານທູດຍີ່ປຸ່ນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.ຈຸດປະສົງຂອງກອງປະຊຸມຄັ້ງນີ້, ກໍເພື່ອເສີມສ້າງສາຍພົວພັນມິດຕະພາບ ແລະ ການຮ່ວມມືທີ່ດີລະຫວ່າງອົງການ ນິຕິບັນຍັດໃນ ພາກພື້ນອາຊີ-ປາຊີຟິກ, ບັນດາອົງການຈັດຕັ້ງທາງສັງຄົມ ແລະ ສາກົນ ເພື່ອເປັນການປະກອບສ່ວນ ສະໜັບສະໜູນ ການຈັດຕັ້ງປະຕິບັດກ່ຽວກັບວຽກງານການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍຍິງ ໃນເວທີພາກພື້ນອາຊີ-ປາຊີຟິກ; ເພື່ອປຶກສາຫາລືກ່ຽວກັບບັນຫາການ ໃຊ້ຄວາມ ຮຸນແຮງຕໍ່ແມ່ຍິງ ແລະ ເດັກນ້ອຍຍິງ, ການຈໍາແນກຕໍ່ແມ່ຍິງ ແລະ ຄວາມບໍ່ສະເໝີພາບຍິງ-ຊາຍ ໃນຂົງເຂດອາຊີ-ປາຊີຟິກ ລະຫວ່າງສະມາຊິກລັດຖະສະພາພາກພື້ນ, ອົງການຈັດຕັ້ງສັງຄົມ ແລະ ສາກົນ ເພື່ອຊອກຫາວິທີທາງແກ້ໄຂຮ່ວມກັນ; ພົບປະແລກປ່ຽນບົດຮຽນເຊິ່ງກັນ ແລະ ກັນ ກ່ຽວກັບການຈັດຕັ້ງ ແລະ ການເຄື່ອນໄຫວປະຕິບັດພາລະບົດບາດຂອງຕົນ ແລະ ບາງບັນຫາທີ່ ຫລາຍຝ່າຍມີຄວາມສົນໃຈ; ທັດສະນະສຶກສາ, ແລກປ່ຽນບົດຮຽນ ແລະ ຢ້ຽມຢາມສູນໃຫ້ຄໍາປືກສາ, ປົກປ້ອງແມ່ຍິງ ແລະ ເດັກນ້ອຍ ສູນກາງສະຫະພັນແມ່ຍິງລາວ.

        ໃນກອງປະຊຸມ, ທ່ານ ແສງນວນ ໄຊຍະລາດ ໄດ້ມີຄໍາເຫັນກ່າວເປີດວ່າ: ການ​ໃຊ້​ຄວາມ​ຮຸນ​ແຮງ​ຕໍ່​ແມ່​ຍິງ ແລະ ເດັກນ້ອຍ​ ໄດ້ເກີດຂຶ້ນໃນໂລກມາດົນນານແລ້ວ ແລະ ພວມສືບຕໍ່ຂະຫຍາຍ ຕົວຢ່າງຕໍ່ເນື່ອງ, ມັນແມ່ນ​ພຶດ​ຕິ​ກໍາ​ທີ່​ອັນ​ຕະ​ລາຍ​ຮ້າຍ​ແຮງ​ ທີ່​ສົ່ງ​ຜົນ​ກະ​ທົບ​ຢ່າງ​ໜັກ​ໜ່ວງເຖິງ​ແນວ​ຄິດຈິດ​ໃຈ, ຮ່າງ​ກາຍ​ຂອງ​ແມ່​ຍິງ ແລະ ເດັກນ້ອຍ​, ຕໍ່ຄອບຄົວ ແລະ ສັງຄົມ, ໄດ້ສ້າງ​ຄວາ​ມ​ເສຍ​ຫາຍ​ທາງ​ດ້ານ​ວັດ​ຖຸ, ຊັບ​ສິນ​ເງິນ​ຄໍາ ແລະ ສົ່ງ​ຜົນ​ກະ​ທົບ​ທາງ​ລົບ​ຕໍ່​ການ​ພັດ​ທະ​ນາ​ເສດ​ຖະ​ກິດ-ສັງ​ຄົມຂອງ​ຊາດ, ຂອງ​ພາກ​ພື້ນ ແລະ ຂອງ​ໂລກ. ການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ແມ່ນເກີດຂຶ້ນຍ້ອນຫລາຍສາເຫດ ແຕ່ສາເຫດຕົ້ນຕໍ ແມ່ນຍ້ອນຮີດຄອງປະເພນີ, ຄວາມເຊື່ອຖື, ຄວາມທຸກຍາກ, ທັດສະນະຂອງສັງຄົມຕໍ່ແມ່ຍິງ, ລະດັບການສຶກສາທີ່ຕ່ຳ ແລະ ສິ່ງຫຍໍ້ທໍ້ຂອງສັງຄົມ ມັນໄດ້ກາຍເປັນບັນຫາທ້າທາຍ ເຊິ່ງຮຽກຮ້ອງໃຫ້ທຸກປະເທດໃນໂລກ ກໍຄືບັນດາອົງການຈັດຕັ້ງ ສາກົນ, ພາກພື້ນ, ສັງຄົມ ແລະ ພົນລະເມືອງທຸກຄົນ ຕ້ອງໄດ້ເຂົ້າຮ່ວມຢ່າງເປັນເຈົ້າການ ເພື່ອຊອກ ຫາວິທີການ ແລະ ມາດຕະການແກ້ໄຂ.

        ເພື່ອຈັດຕັ້ງປະຕິບັດຈິດໃຈດັ່ງກ່າວນັ້ນ ຕະຫລອດໄລຍະຜ່ານມາ ສະ​ມາ​ຄົມ​ປະ​ຊາ​ກອນ ແລະ ການ​ພັດ​ທະ​ນາ​ອາ​ຊີ  (APDA) ກໍເປັນ​ພາກສ່ວນໜຶ່ງ ທີ່ເຫັນໄດ້ຄວາມ​ສໍາ​ຄັນ, ຄວາມຈຳເປັນ ແລະ ໄດ້​ເຄື່ອນ​ໄຫວ​ຢ່າງ​ຕັ້ງ​ໜ້າ​ກ່ຽວກັບວຽກງານປະຊາກອນ ແລະ ການພັດທະນາ ໂດຍສະເພາະການ ຕ້ານການໃຊ້ຄວາມຮຸນແຮງທຸກຮູບແບບ ຕໍ່ແມ່ຍິງ ແລະ ເດັກນ້ອຍຍິງ ໂດຍການໃຫ້ການສະໜັບ ສະໜູນດ້ານວິຊາການ ແລະ ງົບປະມານ, ການ​ຈັດ​ກອງ​ປະ​ຊຸມໃນລະດັບຕ່າງໆ ພາຍໃຕ້ຫົວຂໍ້ທີ່ປິ່ນ ອ້ອມ ເພື່ອ​ເປັນ​ເວ​ທີ​ປຶກ​ສາ​ຫາ​ລື, ແລກປ່ຽນ​ບົດ​ຮຽນ ແລະ ປະ​ສົບ​ການ​ລະຫວ່າງປະເທດ ກໍຄືບັນ ດາລັດຖະສະພາຂອງພວກເຮົາ ໃນການປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ ໃນຖານະທີ່ເປັນອົງການຕົວແທນແຫ່ງສິດ ແລະ ຜົນປະໂຫຍດຂອງປະຊາຊົນບັນດາເຜົ່າ ເພື່ອຮັບປະກັນໃຫ້​ການສົ່ງ​ເສີມ​ບົດ​ບາດ​ຍິ​ງ-ຊາຍ, ການປົກ​ປ້ອງ​ສິດ ແລະ ຜົນ​ປະ​ໂຫຍດອັນຊອບທຳ​, ການຕ້ານການໃຊ້ຄວາມຮຸນແຮງຕໍ່​ແມ່​ຍິງ ແລະ ເດັກນ້ອຍ​ຍິງ.ສຳລັບ ສປປລາວ, ຍາມໃດ ລັດຖະບານກໍໃຫ້ຄວາມສຳຄັນ ແລະ ໄດ້ເອົາໃຈໃສ່ໃນການຈັດຕັ້ງຜັນຂະຫຍາຍບັນດາສັນຍາ, ສົນທິ ສັນຍາສາກົນທີ່ ສປປລາວ ເປັນພາຄີ ແນໃສ່ສົ່ງເສີມບົດບາດ, ສິດສະເໝີພາບຍິງ-ຊາຍ ເຊິ່ງໄດ້ກຳ ນົດແຈ້ງເຂົ້າໃນລັດຖະທຳມະນູນ, ກົດໝາຍ, ວິໄສທັດ, ຍຸດທະສາດ ແລະ ແຜນພັດທະ ນາເສດຖະກິດ-ສັງຄົມ ໃນແຕ່ລະໄລຍະ, ໄດ້ສ້າງຕັ້ງກົງຈັກການຈັດຕັ້ງ, ກົນໄກ ແລະ ມາດຕະການຈັດຕັ້ງປະຕິບັດຈຳນວນໜຶ່ງຂຶ້ນ ເພື່ອປົກປ້ອງ ແລະ ສົ່ງເສີມຄວາມກ້າວ ໜ້າຂອງແມ່ຍິງ ນັບແຕ່ສູນກາງລົງຮອດທ້ອງຖິ່ນຮາກຖານ.

ສະພາແຫ່ງຊາດ ໄດ້ເອົາໃຈໃສ່ຈັດຕັ້ງປະຕິບັດພາລະບົດບາດ, ສິດ ແລະ ໜ້າທີ່ຂອງຕົນ ຕາມທີ່ໄດ້ກຳ ນົດໄວ້ໃນລັດຖະທຳມະນູນ, ກົດໝາຍວ່າດ້ວຍສະພາແຫ່ງຊາດ ເປັນຕົ້ນໃນການປະຕິບັດພາລະບົດ ບາດພິຈາລະນາ ແລະ ຮັບຮອງເອົາບັນດາກົດໝາຍ ໂດຍສະເພາະແມ່ນກົດໝາຍທີ່ກ່ຽວພັນ ກັບການປົກປ້ອງສິດ ແລະ ຜົນປະໂຫຍດຂອງພົນລະເມືອງ ກໍຄືແມ່ຍິງ ແລະ ເດັກນ້ອຍ ໂດຍສອດ ຄ່ອງກັບສະພາບຈຸດພິເສດຂອງປະເທດຕົນ ແລະ ສາມາດເຊື່ອມໂຍງເຂົ້າກັບພາກພື້ນ, ສາກົນ ທັງສອດຄ່ອງກັບສັນຍາ, ສົນທິສັນຍາສາກົນ ທີ່ຕົນເປັນພາຄີ ເພື່ອຮັບປະກັນໃຫ້ແກ່ການປະຕິບັດ ພາລະບົດບາດຂອງສະພາແຫ່ງຊາດ, ຄະນະປະຈໍາສະພາແຫ່ງຊາດ ໄດ້ສ້າງຕັ້ງສະມາຄົມສະມາຊິກ ສະພາແຫ່ງຊາດ ເພື່ອສົ່ງເສີມວຽກງານປະຊາກອນ ແລະ ການພັດທະນາ ແລະ ຄະນະສະມາຊິກສະພາ ແຫ່ງຊາດເພດຍິງ ເພື່ອເປັນເສນາທິການເຄື່ອນໄຫວວຽກງານດັ່ງກ່າວ ຢູ່ພາຍໃນ, ພາກພື້ນ ແລະ ສາກົນ.ກອງປະຊຸມຄັ້ງນີ້, ຈະໄດ້ພ້ອມກັນ​ທົບ​ທວນ​ແຜນ​ປະ​ຕິ​ບັດ​ງານຂອງກອງ​ປະ​ຊຸມ​ສາ​ກົນກ່ຽວ​ກັບວຽກງານ​ປະ​ຊາ​ກອນ ແລະ ການ​ພັດ​ທະ​ນາຂອງ​ພາກ​ພື້ນ ແລະ ແຜນການດຳເນີນກອງ​ປະ​ຊຸມ ທີ່​ຈະໄຂຂຶ້ນຢູ່ປະ​ເທດ​ໄນ​ໂຣ​ບີ; ​ທົບ​ທວນການ​ຈັດ​ຕັ້ງ​ປະ​ຕິ​ບັດ​ຖະ​ແຫລງ​ການ ແລະ ແຜນ​ປະ​ຕິ​ບັດ​ງານ​ປັກ​ກິ່ງ ລະ​ດັບ​ຊາດ ແລະ ລະ​ດັບ​ພາກ​ພື້ນ; ທົບ​ທວນ​ຄື​ນ​ຄວາມ​ຄືບ​ໜ້າ, ມາດ​ຕະ​ການໃນ​ການ​ຕ້ານ​ການ​ໃຊ້​ຄວາມ​ຮຸນ​ແຮງ​ຕໍ່​ແມ່​ຍິງ ແລະ ເດັກ​ນ້ອຍຍິງ ໃນ​ຂົງ​ເຂດ​ອາ​ຊີ-ປາ​ຊີ​ຟິກ ໃນໄລຍະຜ່ານມາ; ທັງໝົດເຫລົ່ານັ້ນ ລ້ວນແຕ່ເປັນບັນຫາທີ່ສຳຄັນ ແລະ ຈຳເປັນ ເຊິ່ງໃນກອງປະຊຸມຄັ້ງນີ້ ຈະໄດ້ພ້ອມກັນຮັບຟັງການສະເໜີ ຈາກບັນດານັກວິທະຍາກອນຜູ້ຊ່ຽວຊານຈຳນວນໜຶ່ງ ພ້ອມທັງ ຈະໄດ້ຮັບຟັັງການປະກອບຄຳຄິດຄຳເຫັນພາຍໃຕ້ຫົວຂໍ້ຕ່າງໆ ທີ່ປິ່ນອ້ອມຈາກບັນດາທ່ານ ສະມາຊິກ ລັດຖະສະພາ ທີ່ເຂົ້າຮ່ວມກອງປະຊຸມຄັ້ງນີ້ ເພື່ອເປັນການແລກປ່ຽນບົດຮຽນ, ປະສົບການ ພ້ອມກັນຄົ້ນຄວ້າຊອກຫາວິທີການ, ມາດຕະການໃນການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກນ້ອຍຍິງ; ແລກປ່ຽນບົດຮຽນເຊິ່ງກັນ ແລະ ກັນ ໃນການເຄື່ອນໄຫວ ປະຕິບັດພາ ລະບົດບາດຂອງບັນດາລັດຖະສະພາ ກໍຄືສະມາຊິກລັດຖະສະພາໃນພາກພື້ນອາຊີ-ປາຊີຟິກ.ຕອນທ້າຍ ທ່ານຍັງໄດ້ຮຽກຮ້ອງໃຫ້ບັນດາທ່ານຜູ້ເຂົ້າຮ່ວມກອງປະຊຸມ ຈົ່ງພ້ອມກັນເປັນ ເຈົ້າການ, ຍົກສູງຄວາມຮັບຜິດຊອບ, ສຸມໃສ່ໃນການຄົ້ນຄວ້າ, ແລກປ່ຽນ, ຖອດຖອນບົດຮຽນ ແລະ ຍົກໃຫ້ເຫັນສະພາບຄວາມເປັນຈິງ ທີ່ເກີດຂຶ້ນໃນປະເທດຂອງຕົນ ກໍຄືພາກພື້ນຂອງພວກເຮົາ ເພື່ອຮັບປະກັນໃຫ້ບັນລຸຕາມຈຸດປະສົງ ແລະ ລະດັບຄາດໝາຍທີ່ວາງໄວ້.

(ສົມນຶກ ແກ້ວໄຊຍະຈັກ)